Wakkagagerak 40:5 - Ala Wone Peenok Peebi Mbanak

⁵ Punogo pereegerak inarum wonage kagak, aap endagembogut Metit mendek awuri mbere, ambi, amburu tooka inowe nogo inom, ambi, oroti woraka inowe nogo inom, imbirak keele maarak wonogwe nogo nen ne ambit oonikiya paga imbirak inabi kogogwaarak. Inabi kogogwaarak nogo ti, eebe inom, alom inom, alitak aret kogogwaarak.

Wakkagagerak 40:5 ပူးပေါင်းရင်းမြစ်များ

Wakkagagerak 20:3

Wogori wogogwaarak wonage me, ne ambi paga at Abimelek nogo yege me, abi paga Ala nen yoge logonet, “Kwe ti, aap akwe kagak aret waganggendak me, kambumunggun o,” yoreegerak.

Wakkagagerak 40:1

Ti abok aret eeko mbareegwa, peebi aap mbere, ambi ti, anggur amburu tooka inowe, ndi, ambi oroti woraka inowe, imbirak nen aap inogoba endagembogut Metit mendek enggaanom paga maluk eeko mbareegwa,

Wakkagagerak 40:4

Mambiige mbareegi, it aap keele maarak inarum menggaarak inowe nogo nen Yutup yoge logonet, “Kat nen inarum logot o,” yinuk, punogo pege mbareegi, ndegeninake nagagerak.

Wakkagagerak 40:6

Kogo nogogwaarik, wonogwe me, ko'lu kuubondendok at Yutup nogo it imbirak iya wage nagagerik, imbirak iniki piirik ogogwaarak wonogwe iige nagagerik,

Wakkagagerak 40:8

Yorage mbareegi, it nen at yogo logonet, “Nimbirak ninabi kogoorak kwe, Alom togop kogotak o, yinuk, aap wone mbininogo ari menggerak lek kenok ogoorik o.” Yogo mbareegwa, at Yutup nen yorage logonet, “At Ala nen wone eebe yorage menggerak lek mbakop? Kinabi kogotak ti, mbininogo yo'ninip o.”

Wakkagagerak 41:11

oonikiya ne ambi paga at nimbirak ninabi eebe inom, alom inom, alitak kogo nogogurik, wonogwe me,

Etet 6:1

At aap endagembogut nogo oonikiya ti eyom paga nogo yuurak abu meek eeke mbareegi, at abu'me piinok wonage logonet, eerit nage nagagerak mbuku paga liiru mbanak wonage nogo at enggaanom paga lunuwak nduk, “Wonok woraanip o.” Yorage mbareegi,

Ndaniyen 4:19

Yoreegerak at Ndaniyen endage ambi Mbelatatat nogo nen, “Yori ilik?” yinuk, iniki koonit unggwage kagak oonegen ambiriluk ambi age mbareegi, at aap endagembogut nen Mbelatatat nogo yoge logonet, “Mbelatatat wae. Nabinggaanggo kagarak eebe yokkigirak inom, Alom ndogop o, yinuk, yelok kagandak inom, ti paga kiniki piirik-paarik eerogo pagarak mage o.” Yoge mbareegi, at Mbelatatat nen, “Nogoba o. Kabi kagandak nogo it kinom wim mbanak a, kinom ogoorak a, eeppiyaawak lak, ao!

Ndaniyen 4:5

nabi ambi kage logonet, nagabiti mbake, an nogo yege minggim nogo yege me, eeriyak agalu'mak ari wage, nabinggaanggo paga yo'nege, eeke kagak, Yi nonggop yo'nigi, yinuk, niniki koonit nage logonet, niniki mondok ma'nagagerak.

Ndaniyen 4:9

At yoge logonet, Yogop eerigin o, yinuk, yoraga inowe Mbelatatat yi wae. Kugi inayuk warak lombok nen yoragaatak ineenu mengga kwak kat togop aret yokkugwi iinok, keenu logonet ari, ndi, wone nobarak mendek ambi keenggo'lek lek abok aret keenu wonage, eeke an neenu aret me, nabi kagarak mbininogo yokkege yi, Alom ndogop o, yinuk, mbininogo yo'nirumunggun o.

Linggineegwaarak 12:6

at Aliku ALA nen it yorage logonet, “An wone yokkirage yi, kinaruk logonip o. Aap ambi Naliku ALA noone yoge neegak yorage menggerak kinenggela'me wonage nogo, An nen abinggaanggo paga neebe nikkage, abi paga yoge, Eeke minggirak o.