Wakkagagerak 40:22 - Ala Wone Peenok Peebi Mbanak

²² ndi, at oroti woraka inowe nogo perak, eebe waganogo eyo paga tugunogo pege, eereegerak.

Wakkagagerak 40:22 ပူးပေါင်းရင်းမြစ်များ

Wakkagagerak 40:1

Ti abok aret eeko mbareegwa, peebi aap mbere, ambi ti, anggur amburu tooka inowe, ndi, ambi oroti woraka inowe, imbirak nen aap inogoba endagembogut Metit mendek enggaanom paga maluk eeko mbareegwa,

Wakkagagerak 40:19

Ne kenagan logonuk, aap endagembogut Pirawun nogo nen kenggaanok mbanogo keebe waganogo eyo paga mippagamenggaarak me, yirowe-ndirowe nen kenggaanggum nenok ndi yuurak nogo aret kagandak o,” yinuk, yoreegerak.

Wakkagagerak 40:8

Yorage mbareegi, it nen at yogo logonet, “Nimbirak ninabi kogoorak kwe, Alom togop kogotak o, yinuk, aap wone mbininogo ari menggerak lek kenok ogoorik o.” Yogo mbareegwa, at Yutup nen yorage logonet, “At Ala nen wone eebe yorage menggerak lek mbakop? Kinabi kogotak ti, mbininogo yo'ninip o.”

Wakkagagerak 41:16

Yoge mbareegi, at Yutup nen, “Kat kabi kagandak nogo ti, an nen yokkirigin ta lek o. Ata, at Ala nen perak, wone eebe aret kiniki tayok togon yokkiruwak o.”

Etet 7:10

Yoge mbareegi, at Kaman nen eyo aap Morekayi tugunogo puurak nduk yineegerak nogo paga Kaman aret enggaanok keele yilinogo tugumbi nogo mbareegwa, aap endagembogut anini mbake nogo teyok yereegerak.

Yeremiya 23:28

Aap inabi kagaatak yoraga nogo nen kagaatak inobaalombok mbininogo yorogo logowak o. Ndi, it aap an yorage neegak yoraga nogo nen perak, an noone yugu ti mban liirogon mbininogo yorogo logowak o. Gandum anggen mbanak inom, gandum owak mbanak inom, ti imbirak ndak-ndak wonage mbakop?

Ndaniyen 2:30

Ndi, an nogo, wone kote nobarak mendek alom yo'negerak ti, it aakumi ando ineenu menggaarak nogo mbuuluk ineenu iigak, an nggwok neenu me nduk yo'negerak ti lek o. Ata, kat nogoba kendagembogut wae. Kabinggaanggo kagandak alom inom, nogo yege logonet, kiniki koonit nage keegak yokkege kagandak nogo inom, liippatumunggun nduk, yokkegerak o.

Ndaniyen 5:12

Aap ti endage Ndaniyen aret. Ndi, kogoba endagembogut nen Ndaniyen endage ambi Mbelatatat tooneegerak me, iniki ngget wonage, yi wone ndi wone alom abok eenu logonet iniki warak lombok wonage me, inabi kagaatak, Alom ndogop o, yinuk, yorage, wone nobarak kin paga yorage, wone aaninggin mendek koonogo pege, eeriyak obam wonage nogo ti, at Ndaniyen aret me, woraawak nduk, wiiru o. Wiiremenggendak wage logomenggerik, liiru mbanak ti, Alom yi nduk mbanak o, yinuk, yokkege kaamunggun o,” yoreegerak.

Nappiigak 5:30

Yetut eyo paga nabenogo wakotak nogo ninombomini inogoba Ala nen kanggo menggam nen eenik agago mippegerak o.