Wakkagagerak 4:8 - Ala Wone Peenok Peebi Mbanak

⁸ Ti'nuk, ne ambi paga at Kayin nen awuluk Kaben nogo yoge logonet, “Nimbirak yabume nawok nduk, mok o,” yo'nuk, imbirak yabume nogo nogogwaarik, Kayin nen awuluk Kaben nogo warogo pege mbareegi, kambeegerak.

Wakkagagerak 4:8 ပူးပေါင်းရင်းမြစ်များ

Wakkagagerak 4:25

Ndi, peebi Aram akwe Kawa imbirak nogo yege nagagerik, kwe Kawa nogo aagaluk wulaga ambi ndareegerak. Ndake nagagerik, at kwe Kawa nen ari logonet, “An naagaluk Kaben oweeluk Kayin nen wareegerak nogo obaane'me nogoba Ala nen wulaga yi wo'negerak me, endage Tet aret o,” yinuk, tooneegerak.

2 Tamuwen 14:6

Ndi, an kayeloman naagalogwe ti, aap mbere aret kwe, ne ambi paga imbirak yabume wuk eekkologwe me, aap ambi ogoorinaburak lek me, at ambi nen at ambi wakerak aret kanggerak o.

2 Tamuwen 3:27

Wonok o Keboron nogo mbareegwa, at Yowap nen imbirak inalik wone mbaniyak negen eeppunuk, wonok tu unggwogo menggam taati ari nanuk, “Nawuluk ane'me wari o,” yinuk, aanogum me ndut kenenak paga linggage mbareegi, taati aret kambeegerak.

2 Mbinineegwaarak 21:4

At Yekoram nogo nen ogoba abu'me piinok wonage menggim abu aret unde eekkolage nagagerik, at awuri abok aret inom, aap Iterali inendage warak nagawan-nagawan ando inom, wooluwak paga inoorogo piyareegerak.

Nekemiya 6:2

at Tambalat Nggeteyem imbirak nen aap yonggo nappiya wogogwaarak nowagam wogo nogogwaarik, an yo'nogo logonet, “At Tambalat Nggeteyem imbirak nen o Ono kobappaga yaga'lelo Kepirim time wone mbaniyak me, yori nanip o, yo'nirogo mbaka, yokkiri wogo o,” yinuk, yo'nereegwaarak kwe, it nen an maluk eerogo paniyak mba'nuk nayonggo pegaarak yelok iige nagagirik,

Ayup 11:15

Kenggali nen kuut wutik wonage nogo, kengga pirak-parak nege, Kat kagabiti mbaka'lek kiniki nu'lek eeppatinuk wonage,

Ndawi 139:19

Ala wae. Kat nen aakumi maluk mendek Inoorogo piyaanok lak, “Ao,” kombake minggirak o. Kit aap inamiya nengga yi wae. An wonage me nen mbaganit nanip o.

Ndawi 36:3

Inambeme nen wungge nogo ti, Abe lek maluk mban aret wungge, Ndi, inoone agan nugwi ti, Pilit wone mban agan nugwi, Eeko menggaarak. Iniki warak nen eekwi, Obeelom ambi eeriyak mbakwi, Eekulik aret o.

Ndawi 55:21

Wam amburu anen pera aago menggi kwak, oone amburu ndik-ndik agan wage, Eeke menggerak kwe, Ogogumbuk anini ambik menggerak o. Inagabolo abe aruwak nduk, amburu eeko mengga kwak, Iniki nomonikit nduk oone yanggorogon agan wage kwe, At ari ti, Wooluwak engget mbup nggabenak kwak aret menggerak.

Oteya 4:2

It nen pulunogo piinet nugwi, pilit-pilit agan nugwi, Aap inoorogo piinet nugwi, yogoot kumaakwi, Kumi ugun-ugun eeginabit nugwi, maluk mban eerit nogo logonet, ambi wappunuk, kinok togon ambi wakwi, Eekwi mban me,

Linggineegwaarak 35:20

At aap ambi anini nen aap alik ambi pelenogo nappemenggerak kangge kenok a, Warikit, mba'nuk, yawi paga waremenggerak kangge kenok a,

Matiyut 23:35

Ti paga at Kaben iniki koonak kagak amiya wambeegerak kuli nen nok, aap Mbakariya aput Takariya nogo, Ala awi wurik me ake warogo kani kunggo menggam oolo time wareegutak kuli, it aap iniki abe koonak menggaarak inamiya nggween paga yime wambit nagagerak nogo, abok aret kit kinoba luurik aret logogin o.

Lukat 22:48

at Yetut nen, “Yurat wae! Kat kambu'nirimenggendak nogo paga an aap aret nda'nagagirak yi, aakumi nen nooruwak nduk, wogoroorak mbakendak ya?”

Iberani 11:4

At Kayin nogo nen amendek maluk negen Ala ake pi wagagerak kwe, Kaben perak, Ala yoreegerak nogo, “Abet aret yo'nigi,” mba'nuk, amendek obeelom mendek warogo Ala ake pi wage mbareegi, ake pi wage nogo Ala enegen kage nagagerik, “Aap yi, iniki abe koonak aret kagi,” yinuk, yereegerak. Ndi, at Kaben nogo ti, muk kambeegerak kwe, at abet mba'nuk eereegerak wone nogo nit awo mbininggwi me, ninom wone yogwe negen aret ogoorik o.

Iberani 12:24

ndi, Ala ninom lambuniyak nduk, wone ngget mendek koonogo ninake eeka Yetut nogo inom, time aret kuwak eerak wonogwe me, iya nogogutak negen aret wonogwe o. Kit Kaben amiya wambeegim ambi eeppinaniyak meek nogome nogogutak lek o. Ata, kit obeelom eekkinaburak Yetut amiya abe kilireegim nogome aret nogogutak me,

Yurat 1:11

It nogo nen at Kayin eereegerak nogo ndak-ndak eerit nogwe, aap Mbileyam maluk eereegerak nogo kokwak, it togon iniki lek negen wu koloorak mban iniki lunik logonet mugurok nogwe, ndi, aap Kora awuri inom Muta wone taganogo mbo pogo mbareegwa, Ala nen lek eerogo piyareegerak nogo pogom, it ndak-ndak ineebe lek eerogo piyaawak nduk, eekkologwe, eerit nogwe me, inabuwa o.