Wakkagagerak 4:6 - Ala Wone Peenok Peebi Mbanak

⁶ Etenggen aagi wu eeppunuk mbareegi, Aliku ALA nen at yoge logonet, “Kat nonggop nduk kanini nen ketenggen aagi wu eeppunuk agandik?”

Wakkagagerak 4:6 ပူးပေါင်းရင်းမြစ်များ

Wakkagagerak 4:7

Yoge nagagerik, “Kat obeelom aret ee'netak nen kenete paga i'ndok nggi ari keyanetak kwe, obeelom eeriyak mbaka'lek keenok perak, maluk eeriyak kinikime unggwi woraakit nduk, enaakkake logonet, molok kirit nege me, kinikime unggwage kero, mondok liippake logot o,” yoreegerak.

Ayup 5:2

Aap wi negen iniki wakko'net unggwage paga eebe aret wakkolage, Ndi, aap iniki yunduurak nen, An eerikit lak at eeke, Ao, mbarit unggwage paga eebe aret wakkolage, Eeke menggerak o.

Yetaya 1:18

At Aliku ALA nen ari logonet, “Wone agaarak yi, ninom koonuwok nduk woraawak o. It inomaluk maa'ngga amu kunik kwak wonage ti, ndugu-ndugu abinak kwak eerogo piige, Inomaluk tawi maarak kwak wonage ti, ndomba eeruwak yanggwi kwak eerogo piige, Eerigin o.

Yeremiya 2:31

Kit yi, nano mendek ndarak o? Aliku ALA nen wone yokkirage yi, liippogo logonip o. “An nen o karume menggi kwak a'nuk yorage, O yumaak lombok menggi kwak a'nuk, eeppiige, Eereegirak mbakop? It an napuri nen, Nit wondet aago ugun nugwi me, kat wonage me ambinom keya woroorak nineebi o, Yinuk, nonggop nduk yogo agaarik?

Yeremiya 2:5

At Aliku ALA nen yegerak nogo yi aret. “It inombomini nogo maluk ngge eeppiige neenok, an mbo paninuk ineebe abu nda ogogwaarak? Kugi abe lek aanom warogo kagak mugurok nogwe, Mugurok nogwe iinok, meek eerogo pakwi, Eereegwaarak.

Yunut 4:4

Yoreegerak kwe, Aliku ALA nen at yoge logonet, “Kat kanini mbake ti, op aret mbake agandik ya?” yoreegerak.

Yunut 4:9

Yereegerak kwe, Ala nen Yunut yoge logonet, “Nggiyo mbuk agaarak ti paga kanini wungge logorak op mbaken?” Yoge mbareegi, at nen, “Nanini wundiyak op aret mbake agarik o. Nanini mbake logonet, aret kambi o.”

Matiyut 20:15

An namendek paga niniki mba'nuk eeriyak mage nduk yagan ya? Ndi, an inabuwa nen wogorage neenok, kat kanini nen yo'negen ya? yinuk, yoreegerak.