Wakkagagerak 4:5 - Ala Wone Peenok Peebi Mbanak

⁵ at Kayin inom, mbi-kom Ala ake pi wagagerak inom, nogo perak, Aliku ALA inikilom lek me wagangga'lek mbo pege mbareegi, at Kayin anini nen etenggen aagi wu eeppunuk wonagagerak.

Wakkagagerak 4:5 ပူးပေါင်းရင်းမြစ်များ

Wakkagagerak 31:2

ndi, at Laban etenggen aa'nduk abe wonagagerak pogom lek alik agagerak kage,

Wakkagagerak 31:5

ka wogo mbareegwa, yorage logonet, “Kumi yi wae. Kit kinogoba etenggen aa'nduk nimbirak abe wonagagerak togop nogo wonage lek kagi kwe, an nogoba Itak ogoba Ala perak, an teppanega'lek narum aret wonage o.

Wakkagagerak 39:19

“Kayeloman nen togop aret ee'nakerak o,” yinuk, Potipat akwe nogo nen mbininogo ogonggelo yoge mbareegi, anini ambik eeppege nagagerik,

Ayup 15:13

Kat kanini nen Ala mberege, Koone yuurak lek mendek mban wunabit nage, Eeke ti, Nonggop nduk eeke agandik?

Ayup 5:2

Aap wi negen iniki wakko'net unggwage paga eebe aret wakkolage, Ndi, aap iniki yunduurak nen, An eerikit lak at eeke, Ao, mbarit unggwage paga eebe aret wakkolage, Eeke menggerak o.

Ndawi 20:3

Kat nen at ake warogo wogoge nogo abok aret abeke, Ake warogo kani kungge ti, inikilom komba'nuk wagangge, Eeruwak o.

Kini Wuppiige 19:3

Aap ambi iniki lek wi negen eerit nage paga maluk aret eekkolage nagaatik, anini wuk togon Aliku ALA mberege menggerak.

Kini Wuppiige 29:10

Aap aakumi inamiya nengga nogo nen aap iniki abe nogo ineebi lombok mbako menggaarak kwe, It iniki abe koonak nogo nen aap abe ti, ineebe inili yogo menggaarak.

Wone Alom Kibingga 4:4

Mbake nagagirik, aap yabu nggwiirit-nggwaarit eekwi, ndi, ineenggi amburu paga eerit nugwi, eekwi iinok, aap ambi nen, “It eekwi ti, an togon eerikit lak, it mban eekwi yi, ao,” yinuk, anini inombake ti paga at ndak-ndak eerit nage kagagirak. Ti eekwi ti kunduk, o wiya mugurok nogwe kwe, pigoorak meek kwak aanom warogo aret eekwi iyareegirak.

Yetaya 3:9

Maluk eeriyak inete yelok iigwi iigak, eerit nugwi, Inomaluk nobarogo eeka'lek aakumi Torom mendek eeko nogogwa kwak tena'me kin-kin aret eerit nugwi, Eekwi me, inabuwa o! It ti eekwi paga inalik nen aret aaninggin inoba pakaarak o.

Linggineegwaarak 16:15

Yogo mbareegwa, at Muta nogo anini ambik age nagagerik, Aliku ALA yoge logonet, “An nen it inaanggo keledai ambit-ambi wagangge, it mendek ambi maluk eeppiige, eeka'lek neegak yogwe me, it nen kat kake warogo wokkugwi iinok, woorak lek o, nogoba.”

Matiyut 20:15

An namendek paga niniki mba'nuk eeriyak mage nduk yagan ya? Ndi, an inabuwa nen wogorage neenok, kat kanini nen yo'negen ya? yinuk, yoreegerak.

Nappiigak 13:45

Kuwak ari wogwe nogo it Yakuri inigen iigo nogogwaarik, “Nit ninoone konenuwak lak, it inoone mban konenggwi yi, nineebi a,” yinuk inanini nen at Pawulut oone ari nogo taganggo logonet, miyuk-meya eerogo pereegwaarak.

Iberani 11:4

At Kayin nogo nen amendek maluk negen Ala ake pi wagagerak kwe, Kaben perak, Ala yoreegerak nogo, “Abet aret yo'nigi,” mba'nuk, amendek obeelom mendek warogo Ala ake pi wage mbareegi, ake pi wage nogo Ala enegen kage nagagerik, “Aap yi, iniki abe koonak aret kagi,” yinuk, yereegerak. Ndi, at Kaben nogo ti, muk kambeegerak kwe, at abet mba'nuk eereegerak wone nogo nit awo mbininggwi me, ninom wone yogwe negen aret ogoorik o.

Yurat 1:11

It nogo nen at Kayin eereegerak nogo ndak-ndak eerit nogwe, aap Mbileyam maluk eereegerak nogo kokwak, it togon iniki lek negen wu koloorak mban iniki lunik logonet mugurok nogwe, ndi, aap Kora awuri inom Muta wone taganogo mbo pogo mbareegwa, Ala nen lek eerogo piyareegerak nogo pogom, it ndak-ndak ineebe lek eerogo piyaawak nduk, eekkologwe, eerit nogwe me, inabuwa o.

1 Tamuwen 16:7

Aliku ALA nen Tamuwen yoge, “An nen aap ti, miirulik me, kat nen aap etenggen inom, eebe nggorek paga inom, liippunuk, mippugun o. An liippege minggirak nogo ti, aakumi nen liippiigo menggaarak ndak-ndak lek o. It aakumi nen ineebe paga liippiigo menggaarak kwe, an perak, aakumi inikime lombok liippiige minggirak o,” yoreegerak.