Wakkagagerak 4:2 - Ala Wone Peenok Peebi Mbanak

² Ti'nuk, kwe Kawa nogo peebi abila age nagagerik, awuluk Kaben aret ndareegerak. At Kaben nogo ndomba unde wonagagerak, ndi, at oweeluk Kayin nogo yabu eeka wonagagerak.

Wakkagagerak 4:2 ပူးပေါင်းရင်းမြစ်များ

Wakkagagerak 3:23

at Aliku Ala nen aakumi nogo o Eren yabume nen mugogo wumbiige logonet, “Kit kineebe nggween mendek aret me, nggween ti paga logonet, kineyabu eekkologo logomunggup o,” yinuk,

Wakkagagerak 37:13

at Iterali nen Yutup yoge logonet, “Kat koweewi kambin-ndomba o Tikem koorok nogome ndegeninakwi wonogwe nogo lek a? Kenegen pegiya nak o.” Yoge mbareegi, at Yutup nen, “E o. Naakit o.”

Wakkagagerak 4:1

At aap Aram akwe Kawa imbirak nogo yege logonet, kwe nogo abila age nagagerik, aagaluk manggu wulaga ndareegerak. Ndake nagagerik, “At Aliku ALA nen yeenggwa nege kagak wulaga yi ndaki o,” yinuk, endage Kayin tooneegerak.

Wakkagagerak 4:3

Ne ambi paga at Kayin yabu yareegerak nogo anggen mbanogo at Aliku ALA ake pege,

Wakkagagerak 47:3

Yoge mbareegi, at Pirawun nen Yutup oweewi nogo yorage logonet, “Kit kineyabu nano eeko monggotak?” Yorage mbareegi, it nen, “Nit kayeloman mini yi, ninombomini nen wande'me aret kambin-ndomba unde monggoorak o.”

Wakkagagerak 9:20

At Nu nogo ti, yabu eeka wonagagerak me, yabu eeke logonet, aa'nduk togon anggur awi yake nagagerak nogo at aret.

Ndawi 127:3

Nit ninapuri nogo ti, At Aliku ALA nen yate kwak wo'nirage, Ninagalomini inikime logombunuk ndaganakwi ti, Onggo lek we aret wo'nirage, Eeke menggerak o.

Wundeegwaarak 3:1

At Muta nogo nen at aru Ala unde o Miriyan mendek Yitoro nogo, aanggumi kambin-ndomba ndegeninake wonagagerak me, ne ambi paga kambin-ndomba nogo wogoren karume enebaga Ala abuut endage Korep nogome aret wagagerak.

Amot 7:15

Togop aret wonagagirak kwe, at Aliku ALA nen an ndomba ndegeninabit nege me, wo'nake nagagerik, yo'nege logonet, An nen yokkege neegak napuri Iterali yorage logonok nduk, nak o.

Yaya 8:44

Kit yi, kinogoba Ibilit aret me, at eeriyak mbake menggerak nogo mban, Eeruwok, mbako monggotak. At o aa'nduk nen nok, yogondak kuli aakumi inooka aret menggerak o. Ala ndogop menggerak wone nogo at inikime wonage lek me, Ala ari menggerak nogo at mondok eeka'lek aret agaarik o. At pilit pugungge menggerak itok aret me, pilit pugungga iyagalo at aret logonet, at iniki nen wone ugun-ugun koombunuk, pilit-pilit pugunit nege menggerak.

1 Yaya 3:10

Ala apuri inom, Tile apuri inom, nano paga nineenu ariyak nogo yi aret. It aakumi obeelom eeka'lek maluk mban eekwi, inowe-inawot iniki kunik eekwi lek ineebi mbakwi, eekwi iinok ti, Ala apuri lek aret yelok iigo monggoorak.

1 Yaya 3:12

At Kayin nen eereegerak nogo pogom, kit togop eeriyak mage o. Maluk eeriyak ee'ninake menggerak aput at aret me, awuluk mondok wareegerak. Nonggop nduk awuluk wareegerak mbakop? Lek o. At Kayin maluk mban eeke menggerak me, awuluk obeelom mban eeke kage nagagerik, anini nen aret awuluk wareegerak.

1 Yaya 3:15

Aap ambi at awot eebi lombok mbake kenok, at aakumi inooka aret o. Ndi, aakumi inooka nogo ti, at mondok-mondok ineenik logorak mendek unde eekkolaga'lek ti, kineenu aret o.