Wakkagagerak 4:14 - Ala Wone Peenok Peebi Mbanak

¹⁴ Ndi, an yime nen kat kenggaawak paga logorak lek, nomba'nuk mugogo wumbanegendak me, neebe o ambi me teberogon wonage lek we yaluk-ndaluk aret nege neenok, aakumi ninom aabuk a'nuk, ugun aret nooko logogun kagi o.”

Wakkagagerak 4:14 ပူးပေါင်းရင်းမြစ်များ

Wakkagagerak 3:24

wumbiige nagagerik, ti'nuk, o Eren yabume tu unggwogo menggam oonegen wundi wage menggim pa'nggwe nogome, tum wako logowak nduk, at Aliku Ala nen malayikat negen kerub piige, ndi, eyo ineenik eeginake menggerak alome nogo menggam time aakumi nogwe iyo, paloowi kani omoonuk pogom nappegak-wappegak eeke logowak nduk ambi pege, eereegerak.

Wakkagagerak 4:13

Yoge mbareegi, at Kayin nen Aliku ALA yoge, “Yogondak perak, aaninggin nggwok lombok aret noba panegendak me, an nen piyakkoorak ti, meek aret kagi o.

2 Tamuwen 14:7

Ndi, yogondak at wulaga kanggerak owe-awot abok aret an kayeloman ineebi nomba'nuk yo'nogo logonet, Wulaga wakerak ti nen, ogoba eyate kolookwak awuluk ane'me warogo puwok nduk, wo'niret o, yinuk, yo'nogo agaarik o. Yo'nugwi nogo kani kunik ambiriluk kere ari wonage nogo, wogoraminggirak nogonogo pugwi iinok, nogonggelo endage inom, it ndarak inom, o nggween paga yime inendage ki logorak nogo lek ariyak me, nonggop eeriyak o?”

Ndawi 109:10

Apuri nogo ya agak nda agak nugu logonet, inambe nggino yoranet nugwi, Inawi wurik mi-mi wangge kagak, wumbiigwi,

Ndawi 109:12

It ambi at abuwa nen obeelom eeppega'lek wonogwe, Apuri moono yumbunik nogo kunduk, inabuwa nen obeelom eeppiiga'lek wonogwe,

Ndawi 143:7

Kaliku ALA wae. “Eeppani woraawak lak, ao,” mban kombake logonet, Niniki mondok lek ee'nabit unggwage me, An yokkege yi, onggo mbet-mbet yo'nege logot ubi! Aakumi mbuun ambena wambi nogo mengga kwak, ee'nabukwak me, Kenete kumaappatinuk logorak mage o.

Kini Wuppiige 14:32

It aap maluk eeka nen maluk eerit nugwi paga it ineebe aret nggelenggologo menggaarak kwe, Aap iniki abe koonak nogo perak, kambemenggaarak kwe, obeelom eerit nugu logomenggaarak me, ineebe obeelom aret logogun o.

Kini Wuppiige 28:1

It aap maluk mendek nen aap muguren naga'lek iigak, mbaganit nogo menggaarak kwe, It aap iniki abe koonak nogo nen perak, singa agabiti mbaka'lek nege menggi kwak, nugu menggaarak.

Yetaya 8:22

nggween paga wu'nogwe, eeremenggaarak kwe, yi mendek ndi mendek obeelom mendek ambi inigen kaga'lek aaninggin-paaninggin inoba age, iniki apit age, o yumaak kenok inagabolo kangge, eeke kagak, o apit me time mbo piyaagin o.

Yeremiya 52:3

It aakumi o Yerutalem mendek inom, Yekura mendek inom, aaninggin inoba kwi'nagagerak nogo ti, at Aliku ALA anini inombareegerak paga eerogo piinok, “It inoba aberak logorak neebi o,” yinuk, mbo piyareegerak ti aret. Ti'nuk, aap Terekiya nen, “Aap Mbaben inowe endagembogut wone lengganogo yo'nirage logorak neebi o,” yinuk, mbo pereegerak.

Oteya 13:3

Togop aret me, o wege paga tit nake nagaatik, lek age, Oonikiya konaananggen luurogo pege nagaatik, kubondendok lek age, Yi mendek ndi mendek menenggwi iigak, o wiya nen ameneno kabe'nuk nggarek ari, Kani kunggaatak ka'luk yarugu-parugu lagangge, Eeke menggi kwak, It togop aret arugun o.

Ala Unde 26:17

An nambokan piyaminggirak me, inom wim mbanak nen tebenogo piya wogwe, it aakumi Iterali ineebi inombakwi nogo nen inabu'me tebenogo piigwi, ndi, it nen muguren wogwe lek iigak kwe, it Iterali nen mban mbaganit nogwe, eeko logogun o.

Ala Unde 26:36

Ndi, it Iterali ando inooka'lek inom wim mbanak inenggela'me wonogwe nogo ti, inaganak nugiranet nugu logowak nduk, eeppiyaminggirak me, o wiya nen eyoongga ambit menenak nen oone nobo ari kenok, Yi aakumi nen ninoorit wogwe o, yinuk, muguren nogwe lek iigak, aakumi inoorit nogwe iinok, mbaganit nogo mengga kwak mbaganit nogo logonet, yigeebu wanggwi,

Linggineegwaarak 35:19

Aap ane'me wariyak yugu nogo ti, at aap amiya eenggi paga eeremenggerak nogo imbirak lambungge kenok, onggo at aret waruwak o.

Linggineegwaarak 35:21

imbirak ogoorak me, eenggi lingginik paga waremenggerak aret kangge kenok a, aap ti, Aakumi inooka aret o, yinuk, warogo puurak aret me, aap waremenggerak nogo ane'me wariyak nduk eebe kwaarit nage logomenggerik, imbirak lambungge kenok, aap ti warogo puwak o.

Matiyut 25:41

Yorage logominggirik, ti'nuk, it neenggi kwaare'nggan piyaminggirak nogo yorage logonet, Kit Ala nen pulunogo pinagareegerak yi, an mbi abu ee'nake me, mbi wo'nugwi, yi abu ee'nake me, yi too'niri nogwe, aap nggiru me, wo'nakwi, nayum yirik lek me, nayum yippanugwi, andi warak keele maarak me, pe'neya nogwe, ee'nako logolik me, yime nen wundi nogo logomonggotik, at Ibilit inom, at awuri apit inom, kani omoonuk wunuk mban ari menggim an nogoba nen ogobakkigirogo piyareegim nogome aret nanip o, yinuk, yoraagin o.

Matiyut 25:46

yorage logominggirik, it aap nogo, inomaluk onggo mondok-mondok yagan wako logowak nduk, nappiyaagin kwe, it iniki abe koonak menggaarak nogo perak, ineenik mondok-mondok logowak nduk, eeginabigin o, yinuk, yoraagin,” yoragagerak.

Pelaareegerak 28:64

At Aliku ALA nen kit o nggween alom me nen nggween irip me yi aakumi ndi aakumi wonogwe inenggela'me time mak eerogo nappinagamenggerak time wonogo logonet, kit inom, kinombomini inom, kugi kineenggo'lek mendek ogut eyo paga a, yugum paga a, ogobakkigirogo Ala obaane'me mippogo logomonggotik, alut eeko logomunggup o.

Pelaareegerak 28:65

Kit yi aakumi ndi aakumi inenggela'me time wonogo logonet, kiniki ugun tayenak wonogwe, kinowak yonggonggologo logorak o kwaakwi, eeko logomunggup lek o. Ata, kiniki piirik mban wonogwe, kinigen pekkoorak anggon eekkinake, kiniki wakko'net unggwage, eeko logomunggup nduk, at Aliku ALA nen eeppinagagin o.

2 Tetalonika 1:9

Ti eyom paga nit at apuri ake leenak nogo nen at eebe tiyappugwi, ndi, nit wone paganogo yokkirogogurak paga abet mbareegutak me, kit ninom abet mbakwi abok aret, “Wi!” ugwi, eeruwok nduk, woraagin o. Wage kenok, it Ala ineenggo'lek Yetut eeke nagagerak obeelom wone wagangga'lek mendek nogo, maluk onggo mondok-mondok aganabuwak nduk, at Ala nen, “An nomaawi paga eeppiinet nage neenok, aakumi nen, Wi! nugu menggam nenggaawak paga yayi logorak lek o,” yinuk, ogoorogo endekem wumbiyaagin o.