Wakkagagerak 4:12 - Ala Wone Peenok Peebi Mbanak

¹² Yi mendek ndi mendek yaremenggendak kwe, anggen abe ambi yege me mbanogo nengge, kat keebe o ambit me teberogon wonage, eeka'lek we yaluk-ndaluk time aret nege logomunggun o,” yoreegerak.

Wakkagagerak 4:12 ပူးပေါင်းရင်းမြစ်များ

Wakkagagerak 4:13

Yoge mbareegi, at Kayin nen Aliku ALA yoge, “Yogondak perak, aaninggin nggwok lombok aret noba panegendak me, an nen piyakkoorak ti, meek aret kagi o.

Wakkagagerak 4:14

Ndi, an yime nen kat kenggaawak paga logorak lek, nomba'nuk mugogo wumbanegendak me, neebe o ambi me teberogon wonage lek we yaluk-ndaluk aret nege neenok, aakumi ninom aabuk a'nuk, ugun aret nooko logogun kagi o.”

Ndawi 107:34

It o time wonogwe nen maluk mban eekwi iinok, Nggween mili lubunik nogo Mayu yumbunik iri'ngga wunggeelik kwak eerogo pege, Eereegerak.

Ndawi 109:10

Apuri nogo ya agak nda agak nugu logonet, inambe nggino yoranet nugwi, Inawi wurik mi-mi wangge kagak, wumbiigwi,

Kini Wuppiige 28:17

Aap ambi nen aap alik ambi warogo pege logomenggerik, “Eekirak paga noorukwak,” mba'nuk, Ambime nagak ambime nagak eerit-eerit eebe aret kambi nagin me, ili yuurak mage o.

Oteya 9:17

Ndi, kit nogo ti, Ala wone konembunuk liirogon eekwi lek me, Nogoba Ala nen kit mbo pinagamenggerak yi aakumi ndi aakumi inenggela'me yagak-ndagak nugu logomunggup nduk, Mak eerogo pinagagin o, yinuk, yokkiragi o,” yoragagirak.

Yowen 1:10

Yabu yarak nogo maluk age, Nggween nogo abu mbuk aret age, Gandum yarak nogo lek age, Anggur anggen awo yugu nogo mbuk age, Eyo tayitun anggen yugu lek me, amburu tooka'lek wonage, Eekerak wonage agaarik o.

Ala Unde 26:17

An nambokan piyaminggirak me, inom wim mbanak nen tebenogo piya wogwe, it aakumi Iterali ineebi inombakwi nogo nen inabu'me tebenogo piigwi, ndi, it nen muguren wogwe lek iigak kwe, it Iterali nen mban mbaganit nogwe, eeko logogun o.

Ala Unde 26:20

Eerogo piminggirak me, yabu nggwok aret waganogo yi mendek ndi mendek yaremenggaarak kwe, eebe kole age, inanggween paga yi eyo ndi eyo anggen abe yege, eerigin lek me, we aanom warogo aret yako logogun o.

Ala Unde 26:36

Ndi, it Iterali ando inooka'lek inom wim mbanak inenggela'me wonogwe nogo ti, inaganak nugiranet nugu logowak nduk, eeppiyaminggirak me, o wiya nen eyoongga ambit menenak nen oone nobo ari kenok, Yi aakumi nen ninoorit wogwe o, yinuk, muguren nogwe lek iigak, aakumi inoorit nogwe iinok, mbaganit nogo mengga kwak mbaganit nogo logonet, yigeebu wanggwi,

Oroma 8:20

Yi mendek ndi mendek ugun mak eerak wonogwe yi nogo ti, inaburen ma'nogogwaarak lek o. At Ala nen, “Yi mendek ndi mendek wakkagarak kwe, mbeyok yegerak me, aanom warogo wakkagarak kagi!” yinuk, iniki nen aret mak eerogo mbo piyareegerak wonogwe o.

Pelaareegerak 28:15

Yorage nagagerik, ambi yorage logonet, “Togop aret kwe, kit nen at Aliku kinogoba Ala oone konembunuk, liirogon eeka'lek mbo pugwi, wone, Yogop ee'nu ndogop ee'nu, yugu inom, wone lengganak inom, yogondak an yokkirage yi, liirogon mugurok naga'lek wonogwe, eekwi kiinok, pulunogo pinagarak kinoba kwippinagi woroorak nogo yi o.