Wakkagagerak 39:7 - Ala Wone Peenok Peebi Mbanak

⁷ Togop wonage me, ne ambi paga at ogoba Potipat akwe nogo nen iniki nengge nagagerik, at Yutup yoge logonet, “Nimbirak nogo yuwok o.”

Wakkagagerak 39:7 ပူးပေါင်းရင်းမြစ်များ

Wakkagagerak 6:2

Ndi, it Ala apuri nen it endekem mendek inapurilogwe komologwe amuni mbanak kigirikwe iinok, iniki nen uugwe mbako nagaatik, we ugun aret wogonako nogogwaarak.

2 Tamuwen 13:11

Unggwi nage nagagerik, nawak nduk, wogoge kagak, at Amonon nen kolaga nogo pippunuk yoge logonet, “Nawuluk o. Kat nimbirak nogo yuwok o.”

Ayup 31:1

Kolaga tawe niniki nengge kero, Nenegen pekkoorak mondok lek o, yinuk, Niniki abuk nggaruk togon koonogo pereegirak o.

Ndawi 119:37

Aanom warogo kagak mugurok nage logokwak, nena koonogo panege, Eeke logomenggendik, Eerit nage menggendak nogo an eerit nage logokit nen, Aa'nduk wonagagi kwak eerogo panu o.

Kini Wuppiige 1:10

Naput yi wae. It aap maluk eeka nen kinikime manabi wogwe iinok, “E o,” yinuk, muguren noorak mage o.

Kini Wuppiige 2:16

Kwe ambi lambumbugwi me, “Kat nore lombok aret o,” yinuk, Ala enggaanom paga ore yoremenggerak nogo mbo pege, Tawe paga ogonggelo imbirak lambunik iniki kunik nogo tayoppege, Eeppunuk, Mbabi eerit nege logonet, oone amburu ndik-ndik yokkege kenok, kiniki warak nogo nen, Kwe ti, ogole nen mbaganenok nduk, eeppagage logogin o.

Kini Wuppiige 7:13

Kwe wundi wage kagarak ti nen wulaga at ka nage nogo lamooppunuk, Agandin eyak mbambunuk, enggali lek aret yoge logonet,

Yeremiya 3:3

O mayu wage kero, ko wappunuk wonage, O mayu wage menggim kunduk waga'lek wonage, Eeke kagak kwe, Kumi mbabilu inete paga yelok niyaawak, eeko mengga kwak eerit nugwi, Inenggali lek worokot aret nugwi, Eeko agaarik o.

Yetikiyen 16:25

Tu andogon-andogon abok aret agugi ake warogo wogoragak eyo tiyarogon ndoonogo pit nage, yi aap ndi aap tu ti paga wogo logonet, iniki nawak nduk, Ugun ee'nabuwak o, yinuk, amendek wogorage nagagerak paga eebe amuni mbanak kigirikwe nogo maluk eerogo pake, eereegerak o.

Yetikiyen 16:32

At kwe ya wukak ti, Nogonggelo nen ee'nabuwak, mbakeelik, Aap ugun ee'nabuwak, mban mbarit nege me, iya!

Yetikiyen 16:34

Togop me, at eerit nage ti, aap nen at mugurok nogwe lek, at nen, Ee'nabinip o, yinuk, aap muguren nage me, kumi ya wurinakak eeko mengga kwak eeke lek at alik lombok aret eeke, it kumi ando ti, eeginakwi onggo kologwe kwe, at perak, Ee'nabuwak o, yinuk, onggo wogorage, eeke menggerak o,” yinuk, yegerak me, yokkigi o.

Matiyut 5:28

an nen perak, Yi aap ndi aap kumi inigen pegiigo nagaatik, iniki nengge kenok ti, muk inikime nen wukaarak aret, yokkiragi o.

2 Peterut 2:14

Ti eeko logonet, it inigen alik ambi paga pugwi lek o. Ata, kumi we ugun ya wurinakak nogo mban inigen wogoren nogo logonet, ugun-ugun eeginabit nogo nagaatik, “A! Yi abu eekirak me, ndonggoppanigi,” yinuk, yogolik, nabenak mban eerit nogo logonet, it aap iniki awo kole aga'lek nogo, inenggaanok nggerok yuwak nduk, nomoniren keele pugume piya nogo menggaarak. It yi mendek ndi mendek koloorak uugwe mbako menggaarak me, ti kolaawok nduk, “Wone ngge yoraawok o,” yinuk, iniki koombunuk agan nugwi nogo paga, Ala nen mondok pulunogo piyareegerak wonogo agaarik o.

1 Yaya 2:16

It aap nggween paga mendek nen iniki nengge kenok mugurok nogwe nogo inom, inigen pekkenok, uugwe mbakwi nogo inom, “An koongge mban iya o,” yinuk, wogoppatit nugwi nogo inom, ti eeko menggaarak abok aret eerit nugu logowak nduk ninogoba nen koonggeelik o. Ata, it aap nggween paga mendek nen aret iniki koombunuk, eeko menggaarak o.