Wakkagagerak 39:21 - Ala Wone Peenok Peebi Mbanak

²¹ Mambereegerak wonage kwe, at Aliku ALA nogo Yutup imbirak aret wonagagerak. Imbirak logonet, abuwa mbake, ndi, aakumi keele maarogo mambiigaatak inarum menggaarak inowe nogo nen iniki ale'nggen Yutup oba puwak nduk, eeppege, eereegerak me,

Wakkagagerak 39:21 ပူးပေါင်းရင်းမြစ်များ

Wakkagagerak 21:22

Ne ambi paga at aap Abimelek inom, at awuri yigin unde inowe endage Pikon inom, imbirak nen Abarakam wonage me wogo nogogwaarik, yogo logonet, “Kat Ala kimbirak logonet, yi eekak ndi eekak eerit nage menggendak keego ogoorik o.

Wakkagagerak 39:2

Eebe kunggolage nagagerik, at ogoba nogo imbirak wonage me, at Aliku ALA nen Yutup nogo yeenggwaage kagak, yi yabu ndi yabu eeke nogo op mban eerit nage nagagerak.

Wakkagagerak 39:3

At Yutup nogo Aliku ALA imbirak wonage, ndi, Aliku ALA imbirak logonet, yi yabu ndi yabu eeke ti, op mban eerit nage, eeke nogo Potipat nen enegen kage nagagerik,

Wakkagagerak 39:4

iniki ale'nggen mbake logonet, at eebe ndegenit nege, ndi, at ame inom, amindik-amendek inom, abok aret arum wonage, eeke logowak nduk, mippereegerak.

Wakkagagerak 40:3

keele maarogo wogoren aap keele maarak inarum menggaarak inowe ame at Yutup keele maarak wonage me nogome inom mambiya nagagerak.

Ndawi 105:19

Eeriyak obagari yoragagerak nogo ndak-ndak ari nage, Aliku ALA nen at yoge mbareegi, yoragagerak nogo Abet aret mbaruwak nduk, a'me nggelok yi nage, Eereegerak.

Ndawi 105:22

Ndi, at iniki koombunuk, aap endagembogut awuri inom eeka nogo wone lengganogo yorage, Oweewi inom wone koongga nogo iniki warak logonet, Eeko logowak nduk wone mamunirage, Eeke logowak nduk, Unde eeppereegerak o.

Ndawi 106:46

It aakumi keele maarogo piinok wonogwe nogo nen It inabuwa mbaruwak nduk, eeppiige nagagerak.

Wundeegwaarak 11:3

“Yoret o,” yoreegerak nogo ti, at Aliku ALA nen Pirawun awuri inom wone koongga nogo inom, it aakumi Metit ugun mendek nogo inom, inamendek aakumi Iterali wogoraawak nduk, iniki yanggonogo piige, ndi, at Muta nogo, “Iya,” yinuk, ayuk wukwi, eeruwak nduk, eeppiyareegerak me nduk, “Yoret o,” yinuk, yoreegerak.

Wundeegwaarak 3:21

Wundi wogo logonet, kineenggime lek we wundi worookwak, an nen aakumi Metit mendek inamendek wokkiraawak nduk iniki yanggonogo piyaminggirak paga

Kini Wuppiige 16:7

Aap ambi eerit nage nogo Aliku ALA inikilom mbake kenok, Aap ti, awim kunduk at imbirak lambunik obeelom logowak nduk eeppege menggerak.

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Yetaya 43:2

An Kikak Nakeelik Nalik Leenak Inagap Ndaka Iterali inogoba Naliku Ala aret me, Niyo nggaruppegak wundogwe iigak, ninom wunda nagin o. Ndi, niyo mbaninuk wunda nogwe iigak, niyo nen wogoren nage, Kani kunik me iniyok pit nogwe iigak, iniyok kani nengge, Kani wunuk ari me wonogwe iigak, kani nen ineebe nengge, Eerigin lek o. It wondet aago logowak nduk, inonggo pugu ti, it Metit mendek aret. It eeginabukwak inobaane'me nggelok ari ti, it Kuti mendek inom, Tiyeba mendek inom, aret o.

Ndaniyen 1:9

At Ala eeppereegerak paga aap endagembogut ayeloman Atepenat nogo nen Ndaniyen iniki kunik mbake, abuwa nen obeelom eeppuurak mbake, eereegerak kwe,

Ndaniyen 6:22

yoge nagagerik, “Nogoba Ala nen an maluk ambi eeka'lek ugun wonage neege, ndi, kat nogoba kendagembogut kenggaanom paga kunduk, an maluk eeka'lek wonage neege, eeke nagaarik, singa inambe narogo puwak nduk, malayikat nogo ambi nappi wagaarak inambe narogo piigerak me, ineyak nibinnaka'lek an ugun agarik o.”

Oroma 8:37

Ti abok aret eeppinanit wogwe iigak, Keritut ninom kunik lombok wonogwe ti paga, inawim tebenogo piinok, ineegin tiyak ari ti, iya negen kwe, nit perak, waka'ngget mondok tiyanak aret wonogo ogoorik o.

1 Peterut 3:17

Kit maluk eerit nogwe paga andi-pandi kinoba pinagagwi iinok ti, alom kit kinobaalombok eerumonggotak paga eeppinagagun me, ti iya lek o. Ata, Ala iniki mbareegerak paga eerit nogwe kiigak, andi-pandi kinoba pinagagwi iinok ti perak, iya aret o.