Wakkagagerak 39:14 - Ala Wone Peenok Peebi Mbanak

¹⁴ at kwe nogo nen it aap at ame yabu eeko menggaarak ayeloman ando wiiragagerak wogo mbareegwa, yorage logonet, “Nit abok aret meek eerogo pinanikit nduk, aap Iberani mendek wonok wagaarak yi nen, Nimbirak lambunuwok o, yinuk, neya unggwage mbaki, Keek, amborowak paga kwippege neenok,

Wakkagagerak 39:14 ပူးပေါင်းရင်းမြစ်များ

Wakkagagerak 10:21

At Ebet apuri abok aret inombo Yapet oweeluk Tem nogo nen apuri ndaganabeegerak nogo yi o.

Wakkagagerak 14:13

Wogoren nogwe iigak, aap ambi peberagangge eerak nogo nen at Lot eereegwaarak wone nogo wonok aap Iberani mendek Abaram nogo aap Amori mendek ambi endage Mamere ageyo teno alome nogome ooliya wuppunuk wonage me, yori wagagerak. At Mamere nogo ti, aap Etokon Anet imbirak inoreeluk aret me, it abok aret Abaram inom kunik aret wonogogwaarak.

Wakkagagerak 39:13

At Yutup ambogoyum nggoorak mban kwe nogo eenggime kagak, nggarek ari mbareegi,

Wakkagagerak 39:15

mbagangge kagak, ayum nggoorak mban waganggirak yi kaanip o.”

Wakkagagerak 39:17

ogonggelo Potipat nogo ame wage mbareegi, eereegerak wone nogo mbininogo yoge logonet, “Aap Iberani mendek wonok wagandak kayeloman nogo nen an, Meek, nomba'nuk, maluk eerogo panikit nduk, neya unggwegerak kwe,

Wakkagagerak 39:7

Togop wonage me, ne ambi paga at ogoba Potipat akwe nogo nen iniki nengge nagagerik, at Yutup yoge logonet, “Nimbirak nogo yuwok o.”

Ndawi 120:3

Kit aap pilit yaga yi wae. Aliku ALA nen aaninggin nano mendek eeppinagage, Ti eeppinagage logonet, ngge mendek inom eeppinagage, Eerigin mbakop? Lek o.

Ndawi 35:11

It aap inogogun worokot nen we piliret, “Ndogop eeke kogoorak o,” yuwok nduk, wogo nagaatik, Wone an neenggo'lek mendek neegwa'me waganggwi, “Yogop eekendak ndogop eekendak,” yo'nugwi,

Kini Wuppiige 10:18

Aakumi nen inoreewi ineebi lombok inombako logonet, “Togop mbakulik o,” yogwe iinok ti, pilit aret pugunggo menggaarak kwe, It aap inoreewi inabok mbanit nugwi iinok perak, aap wi negen aret agan nugu menggaarak o.

Yetaya 51:7

Kit koonak eeko logorak kineenu monggotak yi wae. Kit an napuri eeko logorak noone yugu kinikime porogo monggotak yi wae. Wone an yokkirage yi, konenggo logonip o. Aakumi nen miyuk-meya eerogo pinagagwi iinok, kinagabiti ogwe, Inoone yi-wu yokkirogwe iinok, kiniki lek-lek age, Eerugup o.

Yetaya 54:17

At wariyak nduk yi mendek ndi mendek ogobakkigirogo pemenggaarak kwe, abe eerigin lek o. Ndi, aakumi inowak loonggo menggam it yi aap ndi aap nen, Kat ndogop eekendak o, yinuk, Inoone yoremenggaarak kwe, inoone lek eerogo piige logogin o. Aap apuri eyate wogorage menggi kwak, Naliku ALA nen nayeloman mini eeppiyareegirak nogo ti, It aakumi togop eeppiigo logowak nduk eeppiige, Ndi, It aap ti, Aap abe o, yinuk, inaana'le mbangge, Eereegirak ti aret o,” yinuk, Aliku ALA yegerak me, yokkigi o.

Yetikiyen 22:5

O kota enggela'me time abu naalop-kaalop wonage paga endage maluk agagerak ti, yi aakumi ndi aakumi koorok wonogwe inom, o nda wonogwe inom, nen at miyuk-meya eerogo pogo logogun o.

Matiyut 26:59

Kwi'ndak wonage kagak, it Ala unde inoweewi inom, it wone amburu mbanggo menggaarak abok aret inom, “At Yetut waruwok nduk, taani nen pilit wone at oba pugwi iyaamun?” yinuk,

Matiyut 5:11

Kit awo lek kiigak, it aa'nduk Ala nen yorage kagak yoraga nogo piyak-payak aganako nogogwaarak pogom, kit togon, an wo'nakotak paga aakumi nen miyuk-meya eerogo pinagagwi, piyak-payak eekkinakwi, inoone pilit lombok kinoba pinagagwi, eekwi iinok, kiniki ale'nggen aret mbako logonu o. Kinake aago mbogut paga ambik wonage me, kiniki ale'nggen logonet, keyage wako logonip o,” yinuk, yoragagerak.

Lukat 23:2

Wonok nogo nogogwaarik, inoone pilit at oba pogo logonet, “Aap yi, nit aakumi abok ninabut wurit nege logonet, aap endagembogut Kayitat o unde wonage onggo wu wogoriyak mage o. Kinowe endagembogut Keritut an aret o, agan nege me, kwaakkogoorak o.”

2 Korindut 6:8

tiyappinanugwi, tebembinanugwi, ninabok mbanggwi, ninayuk wukwi, abet kenok mban yorogo monggoorak kwe, pilit ninoba pinanugwi,

1 Peterut 2:20

Kit maluk eerumonggotak paga kinookwi iigak, kinoone lek puk wonogwe kiinok, aakumi nen kinaana'le mbaniyak op mbakop? Lek o. Maluk eekotak paga kinookwi me, “Op aret inooka,” kinombarugun kwe, kit obeelom eerit nogwe paga kinookwi iigak, kinoone lek logonet waganggwi kiinok perak, Ala kinabuwa mba'nuk, ale'nggen kinoba pinagage kaamunggup o.