Wakkagagerak 39:10 - Ala Wone Peenok Peebi Mbanak

¹⁰ Yoge kagak kwe, kwe nogo nen ko'lu-kii'me nabenak mban yogetak kwe, imbirak nogo yege, imbirak oome wonage, eeka'lek mbaganggak mban eeke nagagerak.

Wakkagagerak 39:10 ပူးပေါင်းရင်းမြစ်များ

Wakkagagerak 39:11

Ne ambi paga aakumi abu nap lek iigak, at Yutup yabu eerikit nduk oome unggwagagerak alik wonage me,

Wakkagagerak 39:8

Yoge mbareegi, at Yutup nen, “Neebi o,” ari nagagerik, “An nogoba ame yi mendek ndi mendek kooniyak nogo ti, nogoba koonggeelik, an mban koongge logowak nduk, mippanege mbareegi, amindik-amendek abok aret an mban unde wonage me, neebi o.

Wakkagagerak 39:9

An o yi arum logowak nduk, tiyappaneegerak an kokwak ambi lek aret. An nogoba nen yi mendek ndi mendek ambi teppatulik, abok aret an unde eeppanege logonet kwe, kat keebe perak, an unde eeppanulik me, an nonggop togon Ala enggaanom paga maluk nggwok eeriyak yagan o?”

Kini Wuppiige 1:15

Naput yi wae. Kinom noorak mage o. Ata, kiyok awiirak logomunggun o.

Kini Wuppiige 2:16

Kwe ambi lambumbugwi me, “Kat nore lombok aret o,” yinuk, Ala enggaanom paga ore yoremenggerak nogo mbo pege, Tawe paga ogonggelo imbirak lambunik iniki kunik nogo tayoppege, Eeppunuk, Mbabi eerit nege logonet, oone amburu ndik-ndik yokkege kenok, kiniki warak nogo nen, Kwe ti, ogole nen mbaganenok nduk, eeppagage logogin o.

Kini Wuppiige 22:14

Kwe mbabilu oone ari ti, nggween kiiniki paga kabunik kwak aret wonage me, It aap Aliku ALA anini inombake nogo yigeebu time aret wanggo menggaarak.

Kini Wuppiige 23:27

Kwe ya wukak nogo ti, nggween kiiniki paga kabunik kwak wonage, Ndi, kwe mbabilu nogo ti, nggween ambe mbuuluk kabunik kwak wonage, Eeko menggaarak me,

Kini Wuppiige 23:28

Aap kumaaka kwak it nen aap kok lebeninabuwok nduk, enaarak wonogwe, It kumi nogo ti, aakumi inenggela'me nen aap inakuwi warak iigak, kumi it mban muguren nawak nduk, eeppiinet nogwe, Eeko menggaarak o.

Kini Wuppiige 5:3

Nggiin amburu ombat abe pubu wangge menggi kwak kwe mbabilu oone amburu ndik-ndik agan nege, Wam amburu anen pera ari ti mbuuluk negen kwe, kwe ti, oone amburu iya tit agan nege, Eeke menggerak kwe,

Kini Wuppiige 5:8

Kit tawe kinamburu waganogo it ambi paga pugwi, Kit nda'nogogutak nogo it inanini warak mendek wogorogwe, Kit kinamendek nogo aap inambik nen lek eerogo nawak nduk, wogorogwe, Ta'liila eerumonggotak nogo wonok it aap inalik unde eekkolaawak nduk, iname pi nogwe, Eekwi kiyo, Kwe togop eeke menggerak ti, mbo punuk, arungga'nggi paga panggo yi naga'lek tu tayorogon nogo logonip o.

Kini Wuppiige 7:13

Kwe wundi wage kagarak ti nen wulaga at ka nage nogo lamooppunuk, Agandin eyak mbambunuk, enggali lek aret yoge logonet,

Kini Wuppiige 9:14

At awi tungga'nggi paga kwi'nage, Eyo ndoonak tiyarogon kwi'ndak menggam kota paga kwi'nage, Eeke logonet,

Kini Wuppiige 9:16

“Aap iniki yuundurak kenok yime woraanip o. Niyo kumaarak ti, ombat abe kogwe, Mbi kumaat-kumaat nunggwi kenok, ombat abe kogwe, Eeko menggaarak o,” yinuk, It iniki lek wiiragaatak nogo nen ineenggo'lek kagak, “Yi abet yigi,” yinuk, mugurok namenggaarak kwe, Nomok togon aakumi kambit nogogwaarak wonogwe me, iya unggwogwe, Ndi, aakumi kanggo menggam aret unggwogwe, Eeko menggaarak o.

1 Korindut 15:33

“Kit kinobaabut obeelom wonogwe nogo nen aakumi maluk eekwi kinom nugwi kiinok, kinom maluk eekkolaamunggup o,” yinuk, yogo menggaarak nogo ti, abet aret yogwe me, aakumi nen wone alik yokkirogo logonet, kinambokan laganggwi iyo, kiniki liippinip o.

1 Korindut 6:18

Ti kenok, kumi ugun eeginaburak eekkinake kenok, “Eeriyak nineebi o,” yinuk, mbo pogo logonip o. Yi maluk ndi maluk ando kiniki abe'nage kenok, kinagabolo paga nen ugun eeko monggotak kwe, kumi eeginabit nugu logonet, maluk eekwi ti perak, kinikime nen mondok aberogo punuk, eekwi me, kineebe mondok maluk eekkologo monggotak aret o.

1 Tetalonika 5:22

Yi eekak ndi eekak eerit nogo logonet, maluk eraambe yelok kenok, mbo pogo logonip o. Wone yokkirogoorak ti, abok aret eeko logonip o.

1 Timotiyut 5:14

Togop me, it kumi ti nen ambi eeremenggaarak paga it ninom ogoorak nogo nen ninenggali wappinanukwak, it kumi ndugum me togwe piyamenggerak nogo, inogonggelomini kologwe, inaagalogwe ndaganakwi, inamelak wogo eekwi, eeko logorak op aret mbake agarik o.

2 Timotiyut 2:22

Wologwe tawe iniki nengge nogo kokwak, kat togop eekkake kero, mbo punuk mbagangge logot o. Abe kenok mban eekwi inom, iniki abet mbakwi inom, aakumi iniki kunik aganakwi inom, iniki ambit lambunik wonogwe inom, it aakumi iniki abe paga, “Ninogoba Ala aret o,” yinuk, yogwe nogo, kinom a'nuk it eekwi ti mendek mban mugurok nage logot o.

1 Peterut 2:11

Nowe-nawot o. Kit aap nggiru negen nggween paga yi awi ndi awi mbaganit nogogutak nogo, kit an niniki kunik me wone ambi yokkira o. Kit kiniki nen nengge mugurok noorak kineebi mbakwi kiigak, nikkiren nage nogo, mugurok noorak ti mage o.