Wakkagagerak 38:5 - Ala Wone Peenok Peebi Mbanak

⁵ Ti'nuk peebi, at Yekura o Ketip nagagerak kagak, aagaluk wulaga alik ambi ndake nagagerik, endage Tiyela tooneegerak.

Wakkagagerak 38:5 ပူးပေါင်းရင်းမြစ်များ

Wakkagagerak 38:11

Wake mbareegi, at Yekura nen, “An napuri imbirak inookerak kokwak, naput peebi ndarak Tiyela yi, togop aret warukwak,” mbake nagagerik, ayinggelo Tamat nogo yoge logonet, “Kwe yi wae. An naput Tiyela tawe age tokkage logonet, we togwe aret kagalo-kogoba wonogwe me kinom a nak o.” Yoge mbareegi, at Tamat nogo agalo-ogoba wonogwe me iya nagagerak.

Wakkagagerak 38:26

Yoragagerak wogori nogo mbareegwa, Yekura nogo nen, “Ti an namendek nogo aret kagi,” mbake nagagerik, “Kwe yi nen maluk eekerak lek o. Napuluk Tiyela wogogibok nela nen wonagarak me, maluk eeki o.” Ari nagagerik, kwe nogo imbirak ambinom lambungga'lek aret wonagagerak.

Wakkagagerak 38:6

Ti'nuk, at Yekura nogo nen aput manggu wulaga Et nogo kwe Tamat kolaawak nduk wogoreegerak.

Wakkagagerak 46:12

Yekura, at apuri Et Onan imbirak o Kanan kambeegwaarak iigak, apuri ando Tiyela, Peret, Tera, at Yekura nogo inom, Peret apuri Ketoron Kamun imbirak inom,

1 Mbinineegwaarak 2:3

Aap Yekura nen apuri aap ndaganabeegerak ti, Et, Onan, Tiyela aret. At obaane'me apuri kenagan ti, akwe Kanan mendek Mbatiyuwa aagalogwe ti aret. Manggu ndareegerak Et nogo, Aliku ALA enegen kagak, maluk mban eerit nage mbareegi, Aliku ALA nen warogo pereegerak.

1 Mbinineegwaarak 4:21

At Yekura aput Tela paga nen aap ndaganabeegerak nogo ti, Leka ogoba Et inom, Mareta ogoba Lara inom, ti aret. At paga wiganak ti, it aakumi ligi yawenak paga yum yogo menggaarak o Mbet-Atibeya wonogwe inom,

Linggineegwaarak 26:19

Aap Yekura apuri Et inom, Onan inom, ndaganabeegerak kwe, it imbirak o Kanan paga kambeegwaarak.

Linggineegwaarak 26:20

At Yekura paga wiganak ndarak ndegek lombok ti, At Tiyela paga nen aap Tiyela mendek wigannogwe, At Peret paga nen aap Peret mendek wigannogwe, At Tera paga nen aap Tera mendek aret wigannogwe, eereegwaarak.