Wakkagagerak 37:8 - Ala Wone Peenok Peebi Mbanak

⁸ “Kat ninowe kendagembogut arikit nduk yagan a? Kabu'me pinanege logomenggendik, wone lengganninake logorak mbaken ya?” yinuk, yogo nogogwaarik, at Yutup abi kagagerak mbininogo yoragagerak paga mondok inanini oba pereegwaarak.

Wakkagagerak 37:8 ပူးပေါင်းရင်းမြစ်များ

Wakkagagerak 27:41

Yoge mbareegi, at ogoba awone awuluk mban kiligereegerak paga, Etawu anini alik negen eeke nagagerik, inikime nen koongge logonet, “An nogoba yi, abu kambuurak aret eekerak me, kangge kenok, abuwa eerogo ale yippunuk nen nawuluk Yakup warikit,” mbareegerak.

Wakkagagerak 37:4

Inogoba nogo nen oweewi nogo ambo'me piinok, at Yutup mban iniki kunik eeke nogo oweewi inigen kogo nogogwaarik, Yutup ineebi ombako logonet, inoone panggok togon mban at yogo nogogwaarak.

Wakkagagerak 37:9

Ti'nuk, ne ambi paga at Yutup nogo abi alik ambi kage nagagerik, oweewi mbininogo yorage logonet, “Nabi alik ambi kagarak me, yokkiraakit nen kinaruk logonip o.” Ari nagagerik, “Oonegen inom, tut inom, laaluguragan ineebe 11 inom, an nabu'me tebe yinuk, nayuk wukwi iigirak o,” yinuk, yoragagerak.

Wakkagagerak 42:10

Yorage mbareegi, it nen, “Lek o, ninogoba. Nit kat kayeloman mini yi, ninambi onggo kunggolaawok nduk mban aret wogoorak o.

Wakkagagerak 44:18

Nogo yorage mbareegi, at Yekura nogo nen Yutup owagam taati panggo yi nage nagagerik, yoge logonet, “Ai, nogoba! Kat keebe o Metit yime kendagembogut Pirawun kwak aret me, an kayeloman nen wone ambi yokkiriyak mbakirak me, yokkege neegak, mbe'nirugun o. Ata, Op aret, yo'niru o.”

Wakkagagerak 49:26

Puut mondok tiyanak itok menggerak inom, Puut lunik mondok taati menggerak paga Anggen abe yarak mban kologwe inom, Kat kombomini nogo ti, ti kwak logonet, Inale'nggen noba paneegwaarak mbuuluk negen kwe, An kogoba nen koba pagage ti, nggwok negen aret me, Koreewi inenggela'me nen kat mban tiyanak wonage keenok, It ninom lambuk togon ninale'nggen abu iya koba pagago o.

Wakkagagerak 50:18

Ti'nuk peebi at oweewi nogo iniki nen aret at Yutup abu'me tebe yi wogo nogogwaarik, yogo logonet, “Nit kat kayeloman aret logowok nduk, wogo o.”

Ndawi 118:22

It yugum paga o wuka nen O wuko logonet yugum ambi mbo pereegwaarak nogo Yugum ogowa ndoonnaga o.

Wundeegwaarak 2:14

Yoge mbareegi, at aap nogo nen Muta yoge, “Ninarum logonet ninowak loongge logorak ta nen mippagagerak? Kat aap Metit mendek wakendak nogo kokwak an nooriyak nduk yagan ya?” Yoge mbareegi, Muta nogo agabiti age nagagerik, iniki mbake logonet, “An eekirak nogo abok aret ineenu agaarak kagi,” mbareegerak.

Lukat 19:14

Yorage nagagerik, nagagerak. Nage kagak, it at abu'me menggaarak nen at ineebi lombok ombako logonet, Kat yi, ninowe kendagembogut a'nuk, ninarum logorak nineebi o, yinuk, yori nawak nduk, inawuri nappiyareegwaarak.

Lukat 20:17

Yogo mbareegwa, at Yetut nen it pegiige nagagerik, wone yorage logonet, “It yugum o wuko menggaarak nogo nen, O wuko logonet, yugum ambi mbo pereegwaarak nogo, Yugum ogowa ndoonnaga o, yinuk, yereegerak Ala wone liiru mbanak nogo ti, ngge nduk mbaneegerak mbakop?

Nappiigak 7:35

Ninarum logonet, nit eekwi amburu mbangge logorak, ta nen mippagarak o? yinuk, Nineebi, yogo nogogwaarak nogo ti, at Muta aret. It Iterali inowe inarum logonet, inagap ndaruwak nduk eyoongga alokwi paga kani wunuk ari me malayikat nen yoreegerak paga Ala nen nappi wagagerak nogo ti, at Muta aret o.

Pelaareegerak 33:16

It inanggween paga yi mendek ndi mendek abu obeelom mendek kenok mban oona lu'luk agago wogorage, At eyoongga logonak me kani wunuk ari inikime menggerak nogo nen ale'nggen inoba piige, Eeke logorak yagarak yi, Abok aret aap Yutup oba aret kwi'nage, Oreewi inenggela'me nen inowe at aret wonage me, Nggare-nggare mendaarak kwak, anobak paga yiri'nage, Eeruwak o.

Iberani 10:29

Togop aret eeko menggaarak me, nit Ala wone koonogo yo'niragagerak nogo, abet mbako logonet, at apuri inomaluk lek eerogo punuk, ake leenak logowak nduk, amiya wundeegerak nogo, aap ambi nen, “Wone ti, abe lek o,” yinuk, Ala aput iyok kenden aambele eerogo negen pege, ndi, at iniki kunik en obeelom eeppinanege menggerak Aberiniki nogo inom miyuk-meya eerogo pege, eeke kenok, at teppigin mbakop? Mondok lek o. Ala nen maluk onggo mondok alik negen at oba kwippege kaamunggup o.

1 Tamuwen 10:27

Nogwe iigak kwe, it ndugwi iyak wuka nogo mendek nen yogo logonet, “Aap ninake leenogo mippegaarak yi, ninarum op aret logogin mbakop? Ha!” yinuk, miyuk-meya eerogo pogo logonet, yi mendek ndi mendek ambi abu wogorulik mbo pereegwaarak. Togop eekwi iigak kwe, at Tawun nogo aruk logu mbakak oone lek puk agagerak.

1 Tamuwen 17:28

Yogo mbareegwa, at Ndawut it aap ineegin unde inom wone mbangge nogo at oweeluk Eliyap konengge nagagerik, anini ambik a'nuk, Ndawut mberege logonet, “Kat nonggop nduk yime wagandak? Kaanggumi kambin-ndomba mbereret karume wonogwe nogo ta unde wake kagak wagandak? Kat kiniki maluk kagak, an iya mbakak nege menggendak nogo an neenu me, Wim nambukwi nonggop iyaamun? yinuk, wagandak keegi o.”

1 Tamuwen 18:8

Wakwi nogo at Tawun konengge nagagerik, anini nen iniki mi'nage logonet, “An nen inookirak kenok, mbereeluk yogwe, ndi, at Ndawut nen inookerak kenok, apit togon yogwe, eeko logonet, at endage tiyappugwi me, nendagembogut wonage yi, at aret oba age kagi,” mbake nagagerik,