Wakkagagerak 37:28 - Ala Wone Peenok Peebi Mbanak

²⁸ “Op aret o,” yinuk, wonogwe me, it aap Miriyan mendek yi mendek ndi mendek kungga nogo wogo mbareegwa, at Yutup mbuun me wonage nogo oweewi nen nippi wogo nogogwaarik, aap Itamayen mendek nogo wogorogo mbareegwa, onggo wu mbuti perak 20 wogorogo nogogwaarik, Yutup wonok o Metit nogogwaarak.

Wakkagagerak 37:28 ပူးပေါင်းရင်းမြစ်များ

Wakkagagerak 25:2

Wagangge mbareegi, at kwe Ketura nogo nen Abarakam obaane'me aagalogwe inendage Timaran, Yokatan, Meran, Miriyan, Itibak, Tuwa, aret ndaganabeegerak.

Wakkagagerak 37:25

Wuppogo nogogwaarik, mbi nunggwi wonogwe me, aap inanebunu Itamayen mendek o Nggileyat nen o Metit nawok nduk, obari obeelom mendek inom, kundali inom, yibinggami inom, waganeegwaarak nogo abok waganogo unta amborowak paga punuk, luurik-maarak aago wonok tu mbin eerak wogwe iyareegwaarak.

Wakkagagerak 37:36

Le ari wonage kagak, aap Miriyan mendek nogo nen Yutup o Metit wonok nogo nogogwaarik, aap endagembogut Pirawun arum waka inowe endage Potipat nen onggo kunggolage nagagerik, imbirak aret wonagagerak.

Wakkagagerak 39:1

At Yutup nogo it aap Itamayen mendek nen wonok o Metit nogo mbareegwa, aap Metit mendek ambi Pirawun inom yabu eekwi ambi at eebe arum waka inowe Potipat nogo nen eebe kunggolagagerak.

Wakkagagerak 50:15

It inogoba Yakup nogo aret kangge mbareegi, at Yutup oweewi nogo nen yogo logonet, “Nit aa'nduk at Yutup maluk eeppereegurak nogo onggo yogondak nit maluk eeppinaniyak koongge kero,”

Ndawi 105:17

It awo iigak at aa'nduk ari nawak nduk, at Yutup nappege, Eereegerak. Yutup nogo aakumi inayeloman logowak nduk, At eebe onggo mbanggologwe,

Ndawi 83:9

Togop eekwi me, Kat nen it aakumi Miriyan mendek eeppiige, O Endot mendek inooppiinok ineebe nggween lubunuwak nduk, Mbo piyareegwaarak aap Titera Yabin imbirak niyo Kiton paga eerogo piige, Eereegindak kwak, It aap ti togop aret eeppiyet o.

Wundeegwaarak 2:16

Aap Ala unde ambi Miriyan mendek apurilogwe komologwe ineebe 7 wonogogwaarak. It komologwe nogo nen inogoba aanggumi kambin-ndomba inagi toologo eyo nenaarak paga kilirogo wogoroorak nduk, niyo tooko menggam nogome wogoren wogogwaarak me,

Wundeegwaarak 21:16

Aap ambi nen aap alik ambi kote kumaake logomenggerik, aap alik ambi inoba onggo mbanggolage a, eebe ame kumaappatogo wonage a, eeke kenok, aap kumaaremenggerak ti, kambuwak nduk mondok warogo puwak o.

Yetaya 60:6

It o Miriyan nen, o Epa nen, unta awologwe apit aret wonok iri woraagun me, Anggween enete lek eerogo unta mban nugwi, Aakumi Tiyeba nen abok aret mbuti emas inom, obari abe kaga inom, wonok wogo logonet, Naliku ALA nendage tiyappit wogwe, Eeko logogun o.

Yeremiya 38:13

at Yeremiya niyo kabunik me nen keele pugunik nogo paga yabonogo nippi wogogwaarak. Nippi wogo mbareegwa, at Yeremiya nogo aap endagembogut awi nggwok abe wurik tum waka inawoore'nggam nogome aret wonagagerak.

Ala Unde 27:5

Kumi-aap ndarak iigak tahun 5 kuli nen tahun 20 eerak aap kenok, mbuti wu perak 20 pugwi, ndi, kumi kenok, 10 pugwi,

Linggineegwaarak 25:15

Ndi, kwe Miriyan mendek wareegerak nogo ti, aakumi Miriyan mendek inowe aap Tut aput kwe endage Kotibi aret o.

Linggineegwaarak 25:17

“It aakumi Miriyan mendek nen, Ninom wim mbanak aret o, kinombako logonet, kinambokan laganogo, O Peyot unde menggerak kugi Mba'an ninom alut eeruwok o, yorogo mbareegwa, Iterali eereegwaarak paga andi nggwok inoba wigak ari mbareegi, aap Miriyan mendek inowe apuluk kwe Kotibi wareegerak me, It aap Miriyan mendek ninom wim mbanak o, yinuk, ineebe mondok inoorogo piyaanip o,” yinuk, yoreegerak.

Matiyut 26:15

“Yetut nogo yi o, yokkirage neenok, onggo ngge wo'nirumunggup o?” yinuk, yorage mbareegi, onggo wu mbuti perak anggen 30 wogoreegwaarak.

Matiyut 27:9

Ti eereegwaarak nogo ti, Ala yoge kagak yoraga Yeremiya nen ari logonet, “It aakumi Iterali mendek nen, At eebe onggo ti, wu mbuti perak anggen 30 puurak op o, yogogwaarak nogo aret waganogo at ninogoba Ala nen yo'nereegerak ndak-ndak, aap nggween mendek togolowak ogobakkigike menggim onggo mbanggologogwaarak o,” yinuk, yoragagerak nogo, ne ti eyom paga aret a'me lik yereegerak.

Nappiigak 7:9

Nit ninombomini nen yogo logonet, Ninogoba nen ninawuluk Yutup mban obeelom eeppege yi, Nineebi a! yinuk, it Metit mendek inayeloman aruwak nduk, onggo nggerenggo mbareegwa, o Metit wonok nogogwaarak. Wonok nogo mbareegwa, o time Ala imbirak wonage me,

Owak Loongga 8:22

Ti'nuk, it aakumi Iterali nogo nen Nggireyon yogo logonet, “Kat nen aakumi Miriyan mendek ineenggime nen ninagap ndakendak me, kat aret ninarum logomenggendik, lek age keegak, kapuluk nen mi'nage, ti'nuk, kombooluk nen mi'nage, eeko logogun o.”

Owak Loongga 8:24

ambinom yorage logonet, “Togop aret kwe, an ambi nggino yokkira o. Kit nen wim eeko logonet, inaruk ayo inagugun mbuti emas waganggotak nogo kinalitak ambitak mban wo'ninip o,” yoragagerak. It Miriyan mendek nogo ti, aakumi Itamayen mendek me, inaruk ayo mbuti emas paga ogobakkigirik yiriko nogogwaarak me, yoragagerak.