Wakkagagerak 37:2 - Ala Wone Peenok Peebi Mbanak

² Wonage logonet, apurilogwe inom eerit nogo nogogwaarak wone yi aret. Yutup nogo wulaga awo tawe tahun 17 ari nagagerak kagak, Yakup akuwi mbere Mbilaka Tilapa imbirak inaagalogwe wologwe nogo inom inogoba aanggumi kambin-ndomba ndegeninako logonet, oweewi nogo maluk eekwi iinok, Yutup nen wone wonok ogoba yori wagagerak.

Wakkagagerak 37:2 ပူးပေါင်းရင်းမြစ်များ

Wakkagagerak 10:1

Niyo paga nen yi aakumi ndi aakumi yi mendek ndi mendek abok aret ndonggoninake mbareegi, at Nu apuri Tem, Kam, Yapet nogo wonogo logonet, inapuri aap ndaganabit nogogwaarak inendage yi o.

Wakkagagerak 2:4

At Ala nen yi mendek ndi mendek abok tigitogon wakkagagerak wone nogo ti aret o. At Aliku Ala nen mbogut-nggween wakkagagerak ti eyom paga

Wakkagagerak 30:4

Yoge nagagerik, ayeloman kolaga Mbilaka nogo akwe kolaawak nduk Yakup wogoge mbareegi, imbirak nogo yege logonet,

Wakkagagerak 30:9

Ndi, at Leya nogo aagalogwe peebi ambinom ndaganaburak meek aret kage nagagerik, ayeloman kolaga Tilapa waganogo Yakup akwe kolaawak nduk, wogoge mbareegi,

Wakkagagerak 35:22

Wuppunuk wonogwe me, at Uruben nogo nen ogoba ayeloman mendek waganeegerak kwe Mbilaka nogo, imbirak nogo yereegwaarak. Imbirak nogo yereegerak nogo at Iterali aruk koneneegerak. At Yakup apuri ineebe lambuk togon ti, 12 aret ndaganabeegerak.

Wakkagagerak 41:46

At Yutup nen o Metit endagembogut Pirawun ake yabu iyaalok wareneegerak nogo ti, ndarak kagak, tahun 30 awo eeke paga wareneegerak. Ndi, yabu eebe eerikit nduk, Pirawun wonage me nen wundi nanuk, o Metit nogome enegen mbangganet nage logonet,

Wakkagagerak 42:8

Yogo mbareegwa, at Yutup nen, “An noweewi nogo aret,” yelok iyareegerak kwe, it nogo nen perak, at eebe liippuulik kobak aret eereegwaarak.

Wakkagagerak 45:6

O yime mbi noogelo agaarak kagak, tahun mbere muk eekerak kwe, tahun 5 ambinom eeke kagak, it aakumi nen yabu waganggwi, mbi ndakwi, eerugun mondok lek aret o.

Wakkagagerak 46:34

kit nen, Nit ninombomini nen wande'me kambin-ndomba ndegeninako monggoorak o, yogwi kiinok, it aap Metit mendek nen ndomba unde logorak ineebi mbako menggaarak me, o Nggoten time logorak, E, yuwak nduk, yori nagin o,” yinuk, yoragagerak.

Wakkagagerak 5:1

Aap Aram ombowologwe wiganak inendage liiru mbanak yi o. Ala nen aakumi wakkage logonet, at etenggen pogom aret ogobakkigirinabeegerak.

Wakkagagerak 6:9

Aap Nu eeke nagagerak wone yi aret. At Nu apuri ineebe kenagan nogo inendage Tem, Kam, Yapet, aret ndaganabeegerak. Ndi, it yi aakumi ndi aakumi o nggween paga wonogogwaarak nogo abok aret Ala enggaanom paga maluk mban eerit nogwe, yi awi ndi awi abok aret inanini nen ugun-ugun eerit nogwe, eekwi iigak kwe, at Nu alik perak, o ti eyom paga aakumi at inom wonogogwaarak nogo inenggela'me logonet, maluk eeke, aakumi inoone at oba pugwi, eeka'lek obeelom mban eerit nage logonet, Ala imbirak iniki kunik aret wonagagerak.

Yaya 7:7

It aakumi nen kit ineebi kinombariyak meek kwe, an perak, it aakumi eeko menggaarak ti, Maluk aret o, yinuk, paganogo yorage minggirak me, ineebi lombok nombako agaarik o.

1 Korindut 1:11

Noreewi o. “Kit kinenggela'me time wone wakwi o,” yinuk, at kwe Kelowe ogoni-aagi mendek nen yo'niri wagaarak kenok, yokkiragi o.

1 Korindut 11:18

Wone aa'nduk koonogo yokkiraakit mbakirak nogo yi o. Kit Ala apuri kuwak eeko monggotak nogo, kuwak eeri wogo logonet, kit-kit aret ogoorik-ogoorak eekkologwe nogo naruk konengge nagarik, “Yi abet aret yogwe ilik?” mbakirak o.

1 Korindut 5:1

Noreewi o. Kit kinenggela'me time kumi ugun eeginabit nogwe konenggirak me, ambi yokkira o. Aap ambi nen at ogoba akwe kagak, “Ndinggerak,” konengge nagarik, yokkiragi. Wologo wae. It aakumi Ala wone konenggulik mendek nen kit eekotak ti, it ndak-ndak abu eekulik kagak, eekotak o.