Wakkagagerak 37:14 - Ala Wone Peenok Peebi Mbanak

¹⁴ Ari mbareegi, at Yakup nen ari logonet, “Kat nage logomenggendik, koweewi ineebe nonggop wonogwe nogo liippiige, ndi, kambin-ndomba kunduk nonggop wonogwe nogo liippege, eeke logomenggendik, wone wonok an yo'niri woraanok nduk, nak o,” yinuk, iname o Keboron kobappaga nogome nen nappege mbareegi, at Yutup nogo o Tikem aret nagagerak.

Wakkagagerak 37:14 ပူးပေါင်းရင်းမြစ်များ

Wakkagagerak 13:18

Yoge mbareegi, at Abaram nogo, o nogome teppunuk, o Keboron eyo teno alome o Mamere koorok nogome ari woraanuk, Aliku ALA alut eeke logonet, ake warogo wogoge logowak nduk, yugum logonogo pereegerak.

Wakkagagerak 23:19

Wogogo mbareegwa, nggween Kanan o Keboron oonegen wundi wage menggim o Mamere pa'nggwe ndo nendaarak Makepela nogome aret Abarakam nen akwe Tara nogo mambereegerak.

Wakkagagerak 23:2

o Kanan yaga'lelo Kiriyat-Araba, endage ambi Keboron, nogome nen aret kambeegerak. Kangge mbareegi, at Abarakam nogo, “Nakwe kanggerak o,” yinuk, iniki puru agan ale yereegerak.

Wakkagagerak 29:6

Yogo mbareegwa, at Yakup nen, “At eebe obeelom aret wonage ilik?” Yorage mbareegi, it nen, “E o. At obeelom aret wonage o. Apuluk kolaga Araken ogoba aanggumi wogoren niyo wogoraagin wage iru ti, ket o.”

Wakkagagerak 35:27

At Yakup nogo ogoba Itak o Kiriyat-Araba koorok ame Mamere time at ombo Abarakam wonagagim nogome wonage me ka wagagerak. O Kiriyat-Araba nogo ti, Keboron aret o.

Wakkagagerak 37:15

At Yutup nogo o Tikem unggwi nage nagagerik, ineebe lek iinok, agi nagak ogu nagak agan nege me, aap ambi nen kage nagagerik, Yutup yoge logonet, “Wulaga. Kat ta kwaarit nege agandik o?”

Wakkagagerak 41:16

Yoge mbareegi, at Yutup nen, “Kat kabi kagandak nogo ti, an nen yokkirigin ta lek o. Ata, at Ala nen perak, wone eebe aret kiniki tayok togon yokkiruwak o.”

Wakkagagerak 43:27

Keyage wappogo mbareegwa, at Yutup nen, “Kit kineebe nonggop wonogwe?” yinuk, kin wogiige logonet, “Kit kinogoba aap anggok wonage yo'nogotak nogo at eebe eenik wonage ilik?”

2 Tamuwen 11:7

ka wage mbareegi, at Ndawut nen Uriya yoge logonet, “At Yowap inom, it aakumi Iterali apit inom, wim eekwi nogo inom, nonggop iigak wagan o?”

2 Tamuwen 18:32

Yoge mbareegi, aap endagembogut nogo nen aap Kuti mendek nogo kin wakkage logonet, “Aap tawe Abatalom nogo eebe obeelom aret wonage ilik?” Yoge mbareegi, at aap Kuti mendek nogo nen, “It kat kinom wim mbanak menggendak inom, kat tebenogo pagawok nduk eekwi inom, kaput tawe eeppegaarak nogo ndak-ndak aret eeppiyaawak o,” yinuk, yoreegerak.

1 Endagembogut 2:33

It inamiya kilireegerak onggo at Yowap inom, at apuri-ombowologwe inom, mondok-mondok inoba luurik aret wonage logogin kwe, at Ndawut inom, ombowologwe inom, aaganapuri inom, endagembogut logonet wone lengganogo yorage menggim inom, at Aliku ALA nen iniki ugun tayenak mondok-mondok logowak nduk, eerogo piige logogin o,” yoreegerak.

Etet 2:11

Yoraga'lek aret time wonage kagak, at Morekayi nen, “Etet eebe nonggop wonage kaamun? Ndi, nonggop eeppugwi iyaamun?” yinuk, ko'lu-kii'me kumi tawe wonogo menggam yagat endekem nen enegen mangga nagak mban eeke nagagerak.

Ndawi 125:5

Ndi, it aap obeelom eekwi nogo mbo punuk, Nomo agan tu alik paga nogwe iinok perak, Aap maluk eeka inenggaawak lek eerogo piige logonet, It inom aret lek eerogo piige, Eeke logot o. It aakumi Iterali iniki ugun tayenak aret logowak o.

Yeremiya 29:7

An nen kugun wogoren piya noorak kooneegim o kota nogome wonogo logonet, o abolok lek kagak iniki ale'nggen paga logowak nduk eekwi, o ti, obeelom age kenok, it togon iniki ugun tayenak logogun me, o kota ti obeelom logowak nduk, Naliku ALA nggino yo'nugwi, eeko logowak,” yegerak o.

Linggineegwaarak 13:22

o Kanan o ame yime pa'nggwe karume unggwagak, nok o Keboron kuli aap Enak ombowologwe wiganak Akiman inom, Tetayi inom, Talamayi inom, wonogo menggam nogome unggwi nogogwaarik. Unggwi nogo nogogwaarik, inigen yomboonit o Etokon kobappaga nogome unggwi nanuk, anggur eno'mbak ambit paga anggen luurik-maarak yugu nogo mbanogo eewurogo waganggo logonet, eyo delima anggen inom, eyo wuli anggen inom, mbanogo inom wonok iniyokan wogogwaarak. O nogome inigen yomboonit nugwi iigak, nogo 40 yereegwaarak. O Etokon ti, aap Iterali nen eyo anggur anggen mbaneegwaarak me, o nogo endage, Etokon Kobappaga o, yinuk, yogo nogogwaarak. Ndi, nit ninoone paga ti, Anggen Luurik Yugu Me Mbaneegwam o. Ndi, o Keboron time wurik tahun 7 wonage kagak, o Metit nggween Towan taganak paga o wurik lek we aret wonagagerak.

Lukat 19:42

Le ari logonet, “Kat Yerutalem yi, yogondak yi eyom paga nonggop agago kiniki ugun obeelom logomunggun nduk, eeppagarak nogo, keenu agambok eekendak me, ao, kombake kwe, yogondak kenegen kage keyo, nobarak wonage o.

Yotuwa 14:13

Yoge mbareegi, Yotuwa nen aap Yepune aput Kalep nogo, o Keboron paga yate negen unde eeppatinuk logowak nduk, wogoge nagagerik, ale'nggen oba pereegerak.

Yotuwa 14:14

Ndi, at Kenat mendek Yepune aput Kalep nogo at Aliku Iterali inogoba Ala mbake mban mondok liirogon eebe-iniki nggaruk togon mugurok nage nagagerak paga anggween o Keboron yate negen unde eeppatinuk logowak nduk, wogoreegerak me, o ti nogo yogondak ombowologwe wonogwe aret o.

Yotuwa 14:15

O Keboron nogo ti, aakumi Enak mendek inenggela'me aap ambi endage warak lombok endage Araba wonagagerak me, o Keboron aa'nduk endage Kiriyat-Araba aret yogo nogogwaarak. Ndi, nggween nogo, it Iterali abu aret kologo nogogwaarik, wonogwe iigak, o nogome wim nggoguk yaga'lek abolok lek obeelom aret wonagagerak.

Owak Loongga 1:10

It inanebunu Yekura nogo nen inoorit nogo logonet, aakumi Kanan mendek o Keboron, aa'nduk endage Kiriyat-Araba toonak nogome, it aakumi Tetayi mendek inom, Akiman mendek inom, Talamayi mendek inom, tebenogo piinet nogogwaarak.

1 Tamuwen 17:22

Iige nagagerik, at Ndawut nen yi mendek ndi mendek wonok nagagerak nogo, it ineegin warak inamendek arum wonage me nogome pege nagagerik, at owewologwe wim nambukwi me nogome mbe agan nage nagagerik, owewologwe keyage wappiyareegerak.