Wakkagagerak 37:10 - Ala Wone Peenok Peebi Mbanak

¹⁰ Abi kagagerak nogo oweewi mbininogo yorage nagagerik, ti'nuk, ogoba yoge mbareegi, ogoba nen enggali wappege logonet, “Kabi ti ngge ndak-ndak kagandak? Kagalo-kogoba inom, koweewi inom, abok aret wogo logomonggoorik, kabu'me nggween paga tebe yinuk, kayuk wuriyak nduk yagan ya?”

Wakkagagerak 37:10 ပူးပေါင်းရင်းမြစ်များ

Wakkagagerak 27:29

Ndi, yi aakumi ndi aakumi inanebunu lombok abok aret kayeloman ogwe, Yi aap ndi aap nen kat kabu'me mban tebe yinuk, kayuk wukwi, Kowe-kawot inenggela'me inowe aret mi'nage, Ndi, kagalo iriwi nen kat kabu'me mban tebe yogwe, Eekwi iigak, It aakumi nen kat pulunogo pagagwi iinok, it kunduk pulunik aret ogwe, Ndi, it aakumi nen inale'nggen koba pagagwi iinok, it togon inale'nggen inoba aret wonogwe, Eeke logogin o,” yinuk, yoreegerak.

Wakkagagerak 37:9

Ti'nuk, ne ambi paga at Yutup nogo abi alik ambi kage nagagerik, oweewi mbininogo yorage logonet, “Nabi alik ambi kagarak me, yokkiraakit nen kinaruk logonip o.” Ari nagagerik, “Oonegen inom, tut inom, laaluguragan ineebe 11 inom, an nabu'me tebe yinuk, nayuk wukwi iigirak o,” yinuk, yoragagerak.

Wakkagagerak 43:26

Eerogo punuk wonogwe me, at Yutup wage mbareegi, yi mendek ndi mendek pipuk eerak nogo wonok at Yutup abu'me taa'nogo punuk, ina nggween paga tebe yinuk, keyage wappereegwaarak.

Wakkagagerak 43:28

Yorage mbareegi, it nen Yutup yogo logonet, “Nit kayeloman mini ninogoba ti, at eebe obeelom eenik aret wonage o.” Yogo logonet, inendobanggun yindumbunuk, ayuk wureegwaarak.

Wakkagagerak 44:14

At Yutup nogo ame time wonage me at Yekura oreewi inom Yutup owagam nogo nogogwaarik, inagabiti mbakak inanobak nggween paga kumbunuk, “Ai,” yinuk, keyage wappogo mbareegwa,

Yetaya 60:14

It aap tebenogo pugwi inapuri nogo abu'me tebe yi unggwogwe, Ndi, it aap meek eerogo pugwi nogo nen inendobanggun yindumbunuk, iyok paga pirik-perek yogwe, Eeko logonet, Aliku ALA agota o, yinuk, yogwi, At Kikak Nakeelik Alik Leenak Iterali inogoba o Tiyon unde o, yinuk, yogwi, Eeko logogun o.