Wakkagagerak 36:8 - Ala Wone Peenok Peebi Mbanak

⁸ Nage nagagerik, at Etawu endage ambi Erom aret me, o Teyit nggelok-nggobok time aret ye mbanggolagagerak.

Wakkagagerak 36:8 ပူးပေါင်းရင်းမြစ်များ

Wakkagagerak 14:6

it aakumi Kori mendek o Teyit nggelok-nggobok me wonogwe nogo inookwi, eerit muguren wogogwa-wogogwa o En-Paran karu ambet paga nogo kuli aret piya wogogwaarak.

Wakkagagerak 25:30

at Yakup yoge logonet, “An mbi abu mondok meek ee'nake me, kela anggen laambu lakendak ti, ambi wo'niru o,” yoreegerak. Ti yoreegerak paga at endage, “Erom,” yogo nogogwaarak.

Wakkagagerak 32:3

Toonogo pege nagagerik, yonggo oweeluk Etawu o Teyit nggween taganak ambi Erom nogome wonage me yori wogo logowak nduk, wone lengganogo yorage logonet,

Wakkagagerak 32:4

“Nogoba Etawu kinom lambunggo logomonggotik, wone yogop yorumunggup o. Kat kayeloman Yakup nogo nen ari logonet, An aap Laban ka nage nagagirik, nimbirak wonagagirak kuli yogondak yi aret agaarak me,

Wakkagagerak 36:1

At Etawu endage ambi Erom aret me, at nogo paga wiganak inendage yi aret o.

Wakkagagerak 36:9

Aakumi Erom mendek inogoba Etawu o Teyit nggelok-nggobok me logonet, at paga wiganak inendage yi o.

1 Mbinineegwaarak 4:42

Ndi, aap Yiteyi apuri Pelaka inom, Neyariya inom, Erepaya inom, Utiyen inom, nen it aakumi Timeyon mendek ineebe lima ratus o time oba kwi'nari unggwogogwaarak nogo inoweewi a'nuk, wogoren o Teyit nggelok-nggobok me, it Amalek kole mbaganit ari nogogwam nogome unggwit nanuk,

2 Mbinineegwaarak 20:10

Yokkereegwaarak me, ninombomini o Metit nen wogoren wundi wage logonet, it aakumi Amon mendek inom, Mowap mendek inom, puut Teyit mendek inom, wonogwe me iname time, Unggwi nanuk, tebenogo piyoorak mage o, yorage mbareegin, inoorulik nomoppiigak wogogwaarak nogo inapuri wiganak nen o yogondak eeppinaniyak eekwi yi, iyet o.

2 Mbinineegwaarak 20:23

it aap Amon mendek inom, Mowap mendek inom, lambumbunuk, it aap o Puut Teyit mendek inoba kwi'na'nuk, ineebe lek eerogo inooppiinok, it Amon mendek Mowap mendek imbirak wat-wat yogo logonet, ineebe nogo tigitogon lek eerogo pateegwaarak.

Yeremiya 40:11

Ndi, it aakumi Iterali mendek abok aret o Mowap inom, o Amon inom, o Erom inom, yi o ndi o ando alik me abok aret inom, inenggela'me wonogwe nogo nen yogo logonet, “Aap Mbaben inowe endagembogut nen aakumi eegu o Yekura mbo piinok nage, ndi, aap Tapan ombooluk Akikam aput Nggeraliya nogo nen inarum logowak nduk mippege, eereegerak o,” yinuk, yogwe nogo inaruk konembunuk,

Obaya 1:1

Aap Obaya nen abinggaanggo kagagerak nogo yi aret. Aliku Itok Menggerak ALA nen o Erom eeppuurak yereegerak nogo yi aret. Aliku ALA nen wone yegerak ninaruk konenggoorak nogo ti, Aap ambi nen, “Nit mi'nogo logomonggoorik, o Erom mendek ninom wim eeri nawok o,” yinuk, Yi aakumi ndi aakumi yoranet nawak nduk, nappegerak ti aret.

Obaya 1:3

It inawi puut tiyarogon yugum ambe nggaganak me wuppunuk wonogo logonet, Aap ta nen nit tebenogo nggween paga wuppinani woroorak mbakop? Lek aret o, yinuk, Iniki tiyappakwi paga inambokan laganggologo agaarik o.

Maleyaki 1:3

ndi, Etawu perak, neebi lombok mbake, eereegirak me, at Etawu wonage menggim puut nggelok-nggobok time karume aakumi logorak lek eerogo pege logonet, yate anggween nogo karume nugu menggaarak mba'ngge nogo inawi logowak nduk, eerogo pereegirak o,” yinuk, Aliku ALA nen aret yegerak o.

Pelaareegerak 2:4

kat nen it aakumi ti yorage logonet, Awo mbuuluk logonuk negen kinoreewi Etawu ombowologwe o Teyit wonogwe me time keyoppiigak namunggup me, kit kineebe paga it inagabiti mbarukwak, kiniki kwippunuk namunggup o.

Pelaareegerak 2:5

An nen o Teyit puut nggelok-nggobok time it inanebunu Etawu mendek unde logowak nduk wogoragagirak me, Inanggween time mbuuluk ambi wo'niraawak, mba'nuk, kiniyok ambi tebenggwi kiinok, wokkiraagin lek me, it kinom wim eerukwak, inanini wunduwak nduk, mbaaniyoorak mage o.

Yotuwa 24:4

Ndi, Itak nogo paga nen apurilogwe Yakup Etawu imbirak wogoreegirak. Wogoge nagagirik, Etawu nogo anggween puut nggelok-nggobok Teyit time wogoge mbareegi, wonage kagak, Yakup apurilogwe inom o Metit nogogwaarak.

1 Tamuwen 14:47

At Tawun nogo it Iterali inowe endagembogut a'nuk logonet, Iterali inawim yi o ndi o abok aret tebenogo piyareegerak nogo ti, aap Mowap mendek inom, Amon mendek inom, Erom mendek inom, o Toba mendek inoweewi inendagembogut inom, aap Pilitin mendek inom, abok aret inoorit nage nagagerak. Yi o ndi o inoorit nage logonet, awim tebenogo piinok, at eegin mondok tiyanak aret wonagagerak.