Wakkagagerak 36:1 - Ala Wone Peenok Peebi Mbanak

¹ At Etawu endage ambi Erom aret me, at nogo paga wiganak inendage yi aret o.

Wakkagagerak 36:1 ပူးပေါင်းရင်းမြစ်များ

Wakkagagerak 22:17

an nen abet aret nale'nggen nggwok togon oba pege logonet, ombowologwe laaluguragan mbogut paga wonage inom, mbini kale'ngga niyo aa'nggi paga wonage inom, ti pogom abu ngginu-ngginu eerogo wogorigin o. Ombowologwe nda'naremenggaarak nogo nen inawim tebenogo piinok, inawi time aret unde a'nuk logogun o.

Wakkagagerak 36:8

Nage nagagerik, at Etawu endage ambi Erom aret me, o Teyit nggelok-nggobok time aret ye mbanggolagagerak.

1 Mbinineegwaarak 1:35

At Etawu nen apuri aap ndaganabeegerak ti, Elipat, Erekuwen, Yewuti, Yayelam, Kora aret.

Yetaya 63:1

O Erom nen wage, ayum maa'ngga kunik yirik o Mbotara nen wage, Yum abu abe yirik mengga kwak obaanggi-obaangge li'luk eerak omaawi mbu aago wage, Eeke ti, ta o? “Lek o. Eeppiyoorak yoragagirak nogo eeppiige logonet ari, Nomaawi ambik paga inagap ndake, eeke minggirak An aret wagi o,” yinuk, yo'nege kagarak o.

Yetikiyen 25:12

Aliku Itok Menggerak ALA nen yegerak nogo yi aret. “It o Erom mendek nen it Yekura mendek inanini nen eeppiyareegwaarak paga maluk nggwok lombok eereegwaarak me,

Pelaareegerak 23:7

Ndi, aakumi Erom mendek ti, kit kinoreewi aret me, Inogole o, yinuk, kineebi inombakwi, ndi, aakumi Metit mendek ti, it inanggween paga kit aap nggiru negen wonogogutak me, it kunduk, Inogole o, yinuk, kineebi inombakwi, eeriyak ti mage o.

1 Tamuwen 14:47

At Tawun nogo it Iterali inowe endagembogut a'nuk logonet, Iterali inawim yi o ndi o abok aret tebenogo piyareegerak nogo ti, aap Mowap mendek inom, Amon mendek inom, Erom mendek inom, o Toba mendek inoweewi inendagembogut inom, aap Pilitin mendek inom, abok aret inoorit nage nagagerak. Yi o ndi o inoorit nage logonet, awim tebenogo piinok, at eegin mondok tiyanak aret wonagagerak.