Wakkagagerak 35:6 - Ala Wone Peenok Peebi Mbanak

⁶ Piyareegerak wonogwe iigak, at Yakup akuwi-awuri inom o ilin ambi endage Lut nogo ti, Mbeten aret me, nogome aret ari wogogwaarak.

Wakkagagerak 35:6 ပူးပေါင်းရင်းမြစ်များ

Wakkagagerak 28:19

“O yi endage, Mbeten o,” yinuk, tooneegerak. Ndi, o nogo aa'nduk nen, “Lut,” aret yogo nogogwaarak.

Wakkagagerak 28:22

Ndi, kobak age kero, yugum yi mippigirak nogo ti, Kat kawi aret, mba'nuk, Yi mendek ndi mendek abok aret wo'nege nogo, neenggi lingginogo punuk, 10 age kenok, ambi yendenogo kake pege logogin o,” yinuk, Ala endage kunogo kumbuk mbaneegerak.

Wakkagagerak 12:8

Logonogo pege nagagerik, at Abaram nogo o nogome teppunuk, puut tiyak-tebek o Mbeten oonegen lagi wage menggim pa'nggwe nogome puk ari wage nagagerik, o Mbeten nogo oonegen kilu yi nage menggim pa'nggwe agi nikkagak, ndi, o Ayi oonegen lagi wage menggim pa'nggwe ogu wukkagak, oolo time ooliya wuppunuk logonet, yugum logonogo punuk, Aliku ALA ake pege logonet, at Aliku ALA endage kunogo alut eereegerak.

Wakkagagerak 48:3

Mi'ndak wonage me, at Yutup nogo ka wage mbareegi, Yakup nen yoge logonet, “An o Kanan tini ambi Lut nogome wonage me, at Omaawi Lombok Menggerak Ala nogo nen an nimbirak lambumbunuk, ale'nggen noba panege logonet,

1 Tamuwen 7:16

At nogo tahun ambi eekak paga o Mbeten nen o Nggilagan nage, o Nggilagan nen o Mitapa nage, eeke logonet, aakumi Iterali inenggela'me wone ambi agaatak kenok, inowak loongge nagaatik,

Wakkagagerak 28:15

Kat o ambime, Na, yinuk, nage kenok, an nen enaani aret ndegenggeren nage, karum liirogon aret wonage, eeke logominggirik, ti'nuk, wokkeren o yime aret pagi woraagin o. Ndi, an nen, Yogop eerigin o, yinuk, wone abuk nggaruk togon yokkiragarak nogo abok aret a'me lik yaga'lek kagak, an teppagagin lek mondok yeenggwa kege logogin aret o,” yinuk, yoreegerak.