Wakkagagerak 35:2 - Ala Wone Peenok Peebi Mbanak

^2-3 Yoge mbareegi, at Yakup akuwi-apurilogwe inom, aakumi at inom wonogwe nogo inom, abok aret yorage logonet, “An aaninggin noba agagerak nage me yeenggwa nege, noorak nombareegim nogome nage neegak narum wonage, eereegerak nogoba Ala nogo ake warogo kani kunggak yuurak yugum logonogo puurak nduk, o Mbeten noorak me, Ala kagak kinagugiwak alik mendek porogo wonogwe nogo kinoba iingga nggoorogo muunogo nappunuk, kiniki kikak naka'lek obeelom logonet, mbogoyum ngget mendek mban yikkologo logonip o.”

Wakkagagerak 35:2 ပူးပေါင်းရင်းမြစ်များ

Wakkagagerak 31:30

Yogondak kat kame kagalo-kogoba iya noorak, Ao! mbake nagandik, wagandak ti, op aret kwe, an nagugiwak perak, nonggop nduk yogoot kumaa'nuk wagandak o?”

Wakkagagerak 31:34

at kwe Araken nen ogoba agugiwak nogo unta amborowak paga punuk kwi'nagak nggoorak abu'na tebembunuk, ogombaga kwi'ndak wonage kagak, ogoba nen kwaarit-mberaarit eereegerak mendek abu lek kenok,

Wakkagagerak 34:2

aap endagembogut Kewi mendek endage Kemot aput Tikem nogo nen kolaga Ndina nogo enegen kage nagagerik, wonok nanuk maluk eeppereegerak.

Wakkagagerak 35:22

Wuppunuk wonogwe me, at Uruben nogo nen ogoba ayeloman mendek waganeegerak kwe Mbilaka nogo, imbirak nogo yereegwaarak. Imbirak nogo yereegerak nogo at Iterali aruk koneneegerak. At Yakup apuri ineebe lambuk togon ti, 12 aret ndaganabeegerak.

2 Tamuwen 7:23

Kat Ala nen it aakumi Iterali inagap ndarogo kat kapuri lombok aruwak nduk, o Metit paga tebenak wonogwe me, wondet eerogo piige, kendage tiyak yuwak nduk eeke, ndi, kat kaa'nduk a'nuk, mondok iya lombok tam warak negen eeke logonet inawim mugogo wumbiige, inagugi tebenogo piige, eereegindak me, o nggween paga yime abok aret it kapuri Iterali pogom ambi wonogwe lek aret o.

2 Endagembogut 17:29

Mamuninake nagagerak kwe, it aakumi wogogwaarak o kota-kota ye mbambatinuk wonogwe nogo inanebunu lombok nen Ala obaane'me inagugiwak ogobakkigikkologo nogogwaarik, it Iterali mendek o Tamariya logonet puut-puut paga inagugi inake warogo wogorogo nogogwam inawi wurik me nogome mambunuk, inalut eeko nogogwaarak.

2 Endagembogut 5:10

Puk ari wagagerak wonage me, at Elita nen wone yori nawak nduk, awot ambi yoge logonet, “Aap Naman niyo Yoraran paga nage logomenggerik, ngguu'mo ne 7 kuli wake kenok, awin ti lek aret age logonet, agabolo wonage menggi kwak arigin, yegerak, yori nak o.”

1 Mbinineegwaarak 16:26

Yi aakumi ndi aakumi inagugi inayuk wukwi ti, Kugiwak ineenggi paga nen ogobakkigirik aret kwe, At Aliku ALA nen perak, Mbogut aret ogobakkigirogo pereegerak o.

Ayup 1:5

Laago larit noorak mbakaatak nogo abu aret age yubunggwi iinok, Ayup nen iniki mbake logonet, “Napuri nen Ala meek eerogo pogo logonet, maluk eekaarak kero,” yinuk, ko'lu kuubondendok eenik a'nuk, apuri nogo wiiraanuk, wogwe iinok, inoba mbeenogo piyaakit nduk, ineengge ndak-ndak Ala ake warogo kani kungge nagagerak. At Ayup nen togop mban aret eeke nagagerak.

Ndawi 51:2

Nomaluk abok aret koorogo panege, Maluk noba lenggennagaarak yi, mbeenogo panege, Eeru o.

Ndawi 51:7

Wumukot amburu paga noba koorogo panege keenok, Niniki abu koorak aret age, Ndi, yi paga koorogo panege keenok, Ndugu-ndugu kwak niniki yanggwi lombok age, Eeruwak nduk, eeppanu o.

Wundeegwaarak 19:10

Yoge mbareegi, at Aliku ALA nen Muta ambinom yoge logonet, “Naliku an ALA nogo, nogo mbere yippunuk, ko'lu aakumi Iterali abok inenggaanom puut Tinayi yi paga wambi woraagin me, it aakumi o yogondak inom, ko'lu inom, iniki kikak naka'lek an nake leenogo pakwi, inayum koorogo pakwi, eeppunuk, abu pipuk eerak logowak nduk, yorage logomenggendik,

Wundeegwaarak 19:14

Yoge mbareegi, Muta nogo puut paga nen wambi wage nagagerik, aakumi nogo kikak naka'lek Ala ake leenak logowak nduk, yorage mbareegi, inayum mondok mbu'mbap koorogo pako mbareegwa, Muta nen ambinom yorage logonet,

Wundeegwaarak 23:13

An nen yi wone ndi wone yorage minggirak nogo mbo puurak lek mondok liirogon aret woppunuk eeko logowak o. Ndi, aap alik inagugi nggino yogwi, inendage kunggwi, eeriyak mage o,” yinuk, yoraawak nduk, yoreegerak.

Wone Alom Kibingga 5:1

Kat nen Ala awi wurik me unggwi nage keenok, liippunuk eerit nage logot o. It aap, “Yi maluk, yi obeelom,” liippega'lek wi negen logonet Ala ake warogo wogori unggwogo mengga kwak eeriyak lek o. Ata, “Wone konengge logokit o,” yinuk, unggwi nage logorak perak op o.

Yetaya 1:16

It ineenggi kookwi, Inalitak lombok inoba mbeenogo pakwi, Nenegen neegak, maluk eeriyak eeginake nogo mbo pugwi, Maluk eekwi nogo yogondak aret puk ogwe, Eeruwak o.

Yetaya 52:11

Wundi woraanip o. Wundi woraanip o. O time nen wundi woraanip o. Maluk mendek ambi kineenggime lek wundi wogwe, Aliku ALA awi wurik me yi mendek ndi mendek eekak wonok wogwe nogo Kinoba mbeenogo patinuk wonok wundi wogwe, Eeko logonip o.

Yeremiya 13:27

At mbabilu eekko'net nage, Iniki aganggen nen, Ee'nabinip o, agan nage, Enggali mbaka'lek, Ee'nabinip, mban aap ugun-ugun yoranet nage, Eyoongga ku'mbanak me inom, yabu nggulaame inom, ogole warak lombok eerit nage nogo abok aret kagaarak me, At Yerutalem ti, abuwa o! Yiluk-maluk eerak kagak, ne mande logogin o?” yinuk, Aliku ALA nen yegerak me, yokkigi o.

Yeremiya 16:20

It aakumi nen, Inalut eeko logorak ninogobamini yi aret o, yinuk, ogobakkigirogo pako menggaarak mbaken? Ogobakkigirogo pako menggaarak aret kwe, Ti abe ninogobamini lek aret,” Yokkogo logogun o.

Yeremiya 5:7

Aliku ALA nen ari logonet, “O kota Yerutalem aagalogwe nen an mbo paninuk, it an kwak lek inagugi inendage kumbunuk, kumbuk mbanggwi, It inambi wogorage paga ndonggorogon nunggwi kwe, Aap nen akwe mbo punuk, ugun eerit nege menggi kwak, An mbo paninuk ugun eerit nugwi, Kumi terak eeginako menggam ninggiri unggwogwe, Eekwi me, An nen nonggop togon at omaluk ti, lek eerogo puurak mbake agaarik?

Yetikiyen 18:31

It Iterali mendek ti, nonggop nduk kambuwok, mbako agaarik? Noone yugu taganogo punuk maluk eerit nugwi nogo mbo punuk, iniki inom, inobaabut inom, alik ngget mendek eerogo pako logowak o.

Yetikiyen 20:7

Kumbuk mbangge nagagirik, it yorage logonet, Naliku kinogoba Ala an aret neegak, Yeenggwa niraawak o, yinuk, ogole warak ogut eerak ayuk wukwi nogo, kinalitak lombok mbo pinip o. It Metit mendek inagugi mugurok nogwe paga maluk eekkologwe kiyo, mugurok noorak mage o.

Yetikiyen 36:25

Piya nanuk, inabin koorogo piige neenok, it obeelom aret logogun o. Inoba maluk lenggennage, inagugi ogut alut eerit nogo logonet maluk eerogo pakwi, eereegwaarak nogo, inabin koorogo piinok,

Ndaniyen 5:4

Anggur amburu nogo nonggo logonet, inagugi ogut mbuti emas paga, perak paga, tembaga paga, mbuti owak paga, eyo paga, yugum paga, ogobakkigirik nogo inayuk wuko logonet, inalut eereegwaarak.

Ala Unde 15:5

nogo yemenggim nogome aap ambi nen mbaanggage logomenggerik kenok, at ayum koorogo pake, niyo paga ngguu'mo wakkolage, eeke logomenggerik, aap oona mendek paga eebe maluk aremenggerak nogo wonage kagak, oonegen aret kilu yi nawak o.

Ala Unde 17:16

Ndi, ayum kookkolage, eebe ngguu'mo wakkolage, eeka'lek kenok perak, aaninggin at obaalombok aret kaagin, yegerak, yoret o,” yinuk, yoreegerak.

Linggineegwaarak 31:24

Nogo 6 yippunuk, ko'lu paga kinayum koorogo pakwi kiinok, kinoba mbeennaremenggerak me, kinawooliya wurik me unggwi woroorak op aret o,” yinuk, yoragagerak.

Nappiigak 19:26

aap endage Pawulut nogo nen, Kugiwak aakumi nen ogobakkigikwi ti, abe mendek lek o, yinuk, o Epetut yime nen mban lek o. Ata, o Atiya yi awi ndi awi time abok aret aakumi apit inikime manabit nege logonet, nomoninabit nage kinigen kogwe, kinaruk konenggwi, eeko ogotik o.

1 Korindut 10:7

It aakumi ando nen kugi eeko logonet, “Yi inom, mbi inom, nenok, mi'na'nuk, kwirabik-kwirabok yogo logonet, kumi aap inom ugun-ugun eeko nogogwaarak o,” yinuk, liiru mbanak nogo ndak-ndak kit kugiwak amili kuniyak mage o.

2 Korindut 7:1

Togop me, noreewi o. Kit an niniki kunik me, Ala nen wone yereegerak ti, nit niinok aret yo'niragagerak me, ninikime nen maluk eeriyak koonggwi, eebe aret eekwi, eeko monggoorak nogo abok aret mbo punuk, Ala ninagabiti mbako logonet, maluk eeka'lek at ake leenak obeelom mban eekwi niyaawak nduk, eeko logowok o.

Nggalatiya 4:8

Kit aa'nduk Ala kineenggo'lek logonet, kugi ti, abe mendek lek kagak, inayeloman a'nuk inoone konenggo logonet, kugiwak ogobakkigippunuk alut eeko nogogutak kwe,

Pelaareegerak 11:28

ndi, at Aliku kinogoba Ala nen, Yogop ee'nu ndogop ee'nu, ari nogo konembunuk, Ndogop eerit nogo logonip o, yinuk, an yogondak yokkirage yi, eeka'lek mbo punuk, Ala obaane'me kugi kit kineenggo'lek mendek ambi mugurok nogwe kiinok, pulunogo pinagage, eeke logogin o.

Pelaareegerak 32:16

At Ala nen, Neebi o, yinuk, anini kinombaruwak nduk, Ala alut eekwi obaane'me kugi ayuk wukwi, Anini wunduwak nduk, Ala eebi mbake kugiwak nogo mendek mugurok nogwe, Eereegutak o.

Pelaareegerak 5:7

An wonage neegak obaane'me kugiwak ambi mippunuk, alut eeko logorak mage o.

Pelaareegerak 6:14

At Aliku kinogoba Ala kinenggela'me wonage nogo, at alik aret kagak obaane'me ambi mippunuk, ayuk wukwi kiinok, eebi mbake logonet, anini kinoba pinagage, o nggween paga yime nen kineebe mondok lek eerogo pinagage, eerukwak, it aakumi inanebunu alik mendek kinom logowam time Ala mugurok nogwe obaane'me it inagugi eeko menggaarak nogo, kit kinom eeko logorak mondok mage o.

Pelaareegerak 7:25

Ndi, it inagugi alut eeko menggaarak ogut ogobakkigirik nogo abok aret kani kunumunggup o. At Aliku kinogoba Ala nen kugiwak abu eebi mbake menggerak me, inagugi ogut ogobakkigirik paga mbuti perak-emas paga nabenak wonage nogo, kiniki uugwe mba'nuk waganggwi kiinok, ta'na pugu kwak kinenggaanok nggerenggolookwak, ambi woorak abu mage o.

Iberani 10:22

niyo abe mili-mili paga ninabin koorogo pinanege, ndi, maluk eeko nogogurak ninikime aberak logokwak, lek eerogo pinanikit nduk, at amiya paga werenogo pinanege, eereegerak me, “Abet aret panggo yi ungguurak, yegerak,” mba'nuk, niniki mondok abe paga at owagam panggo yi ungguwok o.

Yakobut 4:8

Kit Ala owagam nogwe kiinok, at kunduk, kit kinowagam ari wage logogin o. Kit maluk eeko monggotak yi, kineenggi kookwi, ndi, kiniki mbere yi, ambit eeppunuk kinomaluk mbo pugwi, eeko logonip o.

Yotuwa 23:7

It yi aakumi ndi aakumi o Kanan mendek mugogo wumbiiga'lek kinom wonogwe ti, kinom kunggologwe, Ala mugurok nogwe obaane'me inagugi mugurok nogo logonet inendage kunggwi, Abet aret o, yinuk, inowak mbanggwi, ndi, inabu'me tebe yinuk inayuk wukwi, eeriyak mage o.

Yotuwa 24:14

Togop aret yereegerak me, at Aliku ALA kinagabiti mbako logonet, kiniki abe paga at oone liirogon mugurok nogo logomunggup o. Kinombomini niyo Eparat enebaga inom, o Metit inom, time wonogo logonet, Ala mugurok nogwe obaane'me kugi eeko nogogwaarak kit mugurok nogwe nogo mbo punuk, Ala mban mugurok nogo logonip o.

Yotuwa 24:15

Ndi, kit nen at Aliku ALA mban mugurok noorak ti, kineebi mbakwi kenok, kinombomini nen niyo Eparat enebagan logonet, Aliku ALA mugurok nogwe obaane'me it kugi eeko nogogwaarak nogo, mugurok nogo logorak a, it aap Amori mendek inanggween paga kit wonogo logonet, Aliku ALA mugurok nogwe obaane'me inagugi mugurok nogo logorak a, nogo ti, o yogondak yi paga aret kit mban miikkolaanip o. An, nakwe, napurilogwe ninom perak, at Aliku ALA mban aret mugurok nogo logogun o,” yinuk, yoragagerak.

Yotuwa 24:2

Yotuwa nen it aakumi Iterali apit aret yorage logonet, “At Aliku Iterali inogoba Ala nen ari logonet, O maan togon kinombomini Abarakam awuluk Nakot imbirak inogoba Tera inom niyo Eparat enebagan time logonet, an Ala nalut eekwi nobaane'me kugi eerit nogo nogogwaarak.

Yotuwa 24:20

At Aliku ALA mugurok nogwe nogo mbo punuk, obaane'me aakumi inagugi mugurok nogwe kiinok, at aa'nduk obeelom eeppinagage nagagerak nogo mbo punuk, melak togon aaninggin kinoba kwippinagage logonet, lek eerogo pinagagin o.”

Yotuwa 24:23

Yogo mbareegwa, at Yotuwa nen ari logonet, “Togop kenok, yogondak nen Ala mugurok nogwe obaane'me aakumi inagugi mugurok nogwe nogo ti, mbo punuk, kit kiniki at Aliku Iterali inogoba Ala nogo mban wogo'nuk, mugurok nogo logonip o.”

Yurat 1:23

it ando nen kani omoonu'me nogwe me, kinagabiti mbaka'lek inagap ndarogo piya wogwe, ndi, it ando perak, iniki nengge mugurok nogo logonet, mbogoyum laambu abe me mili mondok nabek yi unggwage menggi kwak maluk eekwi ti, ogole warak me, ninom lambunggologwe niyo, “Ninagabiti o,” mbakwi kwe, kagak, inabuwa mbako logonet yorogwe, eeko logonip o.

Owak Loongga 10:16

Yogo nogogwaarik, aakumi alik mendek inagugi inenggela'me wonage nogo mbo pogo nogogwaarik, at Aliku ALA nogo mugurok nogogwaarak. Mugurok nogo mbareegwa, it aaninggin-paaninggin inoba wonogwe nogo Aliku ALA nen, “Kinobaalombok o,” yinuk, mbo piyoolik yeenggwaaragagerak.

Urut 1:15

at Nawomi nen at yoge logonet, “Koregelo nogo muk owe-awot inom, ayuk wuko menggaarak inagugi inom, wonogwe me nogome nage me, kat koregelo kimbirak aret nanip o.”

1 Tamuwen 16:5

Yogo mbareegwa, at Tamuwen nen ari logonet, “E o. An niniki yanggonak paga ninom Aliku ALA ake warogo wogoruwok nduk, wagi o. Togop aret me, kit apit aret Aliku ALA ake warogo wogo'nuk, ninom laruwok nduk, kinalitak lombok kinoba mbeenogo patinuk, woraanip o.” Yorage mbareegi, at Itayi inom, apurilogwe inom, it kunduk inoba mbeenogo patinuk woraawak nduk, wiiragagerak.

1 Tamuwen 7:3

mbakwi iigak, at Tamuwen nen aakumi Iterali mendek abok aret yorage logonet, “Kit kiniyokan at Aliku ALA abu'me abet aret ari woroorak mbakwi kiinok, kugigwe Atitoret inom, Ala obaane'me it aakumi alik mendek inagugi inayuk wukwi nogo mendek inom, abok aret mbo punuk, melak togon kiniki Aliku ALA wogo'nuk, at mban mugurok nogwe kiinok, aakumi Pilitin mendek ineenggime nen kinagap ndarigin o.”