Wakkagagerak 34:30 - Ala Wone Peenok Peebi Mbanak

³⁰ Piya wogo mbareegwa, at Yakup nen Timeyon Lewi imbirak yorage logonet, “Kit eekotak paga, niniki mondok warogo panogop o. It aakumi yime menggaarak o Kanan mendek inom, Perit mendek inom, abok inenggaanom paga iri'ngga pili agaatak obari ndi wuke menggi kwak nendage maluk eerogo panogotak me, nabok mbambogo logomenggaarik, lambumbunuk, ninoori unggwi wogo logonet, nit nineebe we mbuuluk aret me, abok aret pup eerogo pinanugun kagi o.”

Wakkagagerak 34:30 ပူးပေါင်းရင်းမြစ်များ

Wakkagagerak 12:2

Time namenggendak me, Nale'nggen koba pagage logonet, Kat paga nen kanebunu nggwok wigak yuwak nduk eeppagage, Kendage nggwok aruwak nduk tiyappagage, Eeriminggirak paga Aakumi ambik obeelom eeppiige logomunggun o.

Wakkagagerak 12:6

O Kanan nogome aret unggwi wogo nogogwaarik, o ti eyom paga aakumi Kanan mendek time wonogwe iigak mban, nok-nok, o Tikem eyo teno alome o More nogome aret wogogwaarak.

Wakkagagerak 13:7

Abaram aanggumi ndegeninaka inom, Lot aanggumi ndegeninaka inom, wone wako nogogwaarak. Ndi, ti eyom paga it aap inanebunu Kanan mendek inom, Perit mendek inom, time aret wonogogwaarak.

Wakkagagerak 34:2

aap endagembogut Kewi mendek endage Kemot aput Tikem nogo nen kolaga Ndina nogo enegen kage nagagerik, wonok nanuk maluk eeppereegerak.

Wakkagagerak 34:29

inayi mendek ndi mendek iname wonage nogo inom, elege-aabologwe inom, kumi inom, abok aret kugun wogonako nogogwaarik, iname piya wogogwaarak.

Wakkagagerak 34:31

Yorage mbareegi, it nen wone onggo yogo logonet, “Nit ninawuluk ti, ya wukak pogom eerogo teppuurak op me nduk yagan ya?” yinuk, yoreegwaarak.

Wakkagagerak 46:26

At Yakup inom o Metit nogogwaarak ti, apuri-ombowologwe kumi-aap ineebe lambuk togon 66 aret kwe, ayinggelomini perak, inom lingginulik.

Wakkagagerak 46:27

Ndi, at Yutup o Metit logonet, apuri mbere'ndak ndaganabeegerak nogo inom, at Yakup apuri o Metit nogogwaarak nogo inom, abok lambuk togon ineebe ti, 70 aret.

2 Tamuwen 10:6

Ndi, it aap Amon mendek nen mbako logonet, “Nit eekoorak paga at Ndawut nen obari maluk kogo mengga kwak ninombake kogo o.” Yogo nogogwaarik, wim eekwi iinok, onggo wogoraawok nduk, aap wim eeko logonet, iniyok paga nugu menggaarak Aram mendek o Mbet-Erekop wonogwe nogo inom, o Toba wonogwe inom, ineebe apit lambunik dua puluh ribu wogonakwi, it aap o Maaka mendek inowe endagembogut awuri wim eeka ineebe seribu wogonakwi, ndi, it aap wim eeka o Top mendek ineebe dua belas ribu wogonakwi, eereegwaarak.

2 Tamuwen 16:21

Yoge mbareegi, at Akitoben nen Abatalom yoge logonet, “At Ndawut akuwi ayeloman mendek wogo aap endagembogut awi o nggwok abe wurik yi, arum piinok nagaarak wonogwe nogo, kinom nogo yege logot o. Kinom nogo yit namenggendak kogoba konengge logomenggerik, Yi mendek ndi mendek obari ndi wuke menggi kwak eerit nage agaarik o, yemenggerak nogo, it aakumi Iterali mendek konenggo logomenggaarik, kat kabu'me mban kuwak eeri wogo logogun o,” yinuk, yoreegerak.

1 Endagembogut 11:25

Mippogo mbareegwa, aakumi o Aram mendek wone lengganogo yorage logonet, Iterali eebi lombok mba'nuk, aap Karat piyaganakak mban eeke nagagerak kokwak, aap Ereton nogo nen Talomo wonage kagak, Iterali inom ogoorak logonet, piyak-payak eerogo piige nagagerak.

1 Endagembogut 18:18

Yoge mbareegi, at Eliya nen at yoge logonet, “An nen Iterali naalop-kaalop eerogo piigeelik o. Ata, at Aliku ALA nen, Yogop ee'nu ndogop ee'nu, wone yugu taganogo punuk, kugi Mba'an nogo mugurok nogwe paga kat inom, kowe-kawot inom, kit nen aret Iterali naalop-kaalop eerogo piigo monggotak me,

1 Mbinineegwaarak 16:12

Aliku ALA ayeloman Iterali ombowologwe yi wae! Ala nen miikkinabeegerak Yakup apuri wiganak yi wae! At iya tit eerit wundi wagagerak inom, Eerubok mendek eeke kogo nogogutak inom, Aaninggin kinoba pinagagin, yokkiragagerak inom, Abeko logonip o.

1 Mbinineegwaarak 16:19

Inanggween paga aap nggiru kwak Ineebe ambitak mban wonogwe, Ineebe mbuuluk mban wonogwe, Eeko logonet,

1 Mbinineegwaarak 19:6

Ndi, it aap Amon mendek nen, “Nit eekoorak paga at Ndawut nen obari maluk kogo mengga kwak ninombake kogo o.” Yogo nogogwaarik, at Kanun inom, it Amon mendek inom, nen nggweendo wim eeka inom, it aap wim eeka kuda paga nega inom, o Aram-Metopotamiya nen, Aram-Maaka nen, Aram-Toba nen, inom a'nuk, wim eeruwak nduk, mbuti perak aaninggin tiga puluh empat ribu nappereegerak.

1 Mbinineegwaarak 2:7

At Karimi nen aput aap ndareegerak ti, Ala nen, “Nake leenak mendek woorak mage,” yereegerak kagak waganeegerak paga, Iterali aaninggin inoba kwi'nagagerak Akat nogo aret.

Ndawi 105:12

Ineebe mbuuluk mban wonogwe, Ineebe mbereret aap nggiru kwak wonogwe, Eeko logonet,

Wundeegwaarak 5:21

yorogo logonet, “Kit eekotak paga Pirawun awuri inom nen iri'ngga pili agaatak obari ndi wuke menggi kwak, ninendage maluk eerogo pinanogotak paga ninooruwak nduk paloowi wogorogwe negen eekotak me, at Aliku ALA nen kit eekotak nogo liippinagage logomenggerik, kinowak loongginabigin o,” yinuk, yorogogwaarak.

Kini Wuppiige 11:17

It aap iniki ndoobu nogo inobaalombok aret obeelom eekko'net nogo menggaarak kwe, Aap inanini ambik nogo perak, ineebe aret maluk eekkologo menggaarak.

Kini Wuppiige 11:29

Aap ambi aaganapuri naalop-kaalop eerogo piige kenok, yate kwak, at o wiya ti aret kolage, Ndi, aap iniki lek wi nen aap iniki warak nogo Ayeloman ari unggwage, Eerugun o.

Kini Wuppiige 15:27

Aap ambi, “An mban kolaakit,” mba'nuk, ko'net nage paga akwe-apuri maluk eerogo piige menggerak kwe, Aap ambi, “Mage yugume eeriyak wu wo'niriyak neebi,” mbaka nogo perak, eenik aret logogin o.

Pelaareegerak 4:27

At Aliku ALA nen aakumi inanebunu alik mendek inenggela'me logomunggup nduk, mak eerogo pinagamenggerak inenggela'me wonogo logonet, it ando kambit nogwe iigak, kit ando mbereeluk mban kineenik aret logomunggup o.

Pelaareegerak 7:7

At Aliku ALA nen kinabuwa mba'nuk miikkinabeegerak nogo ti, yi aakumi ndi aakumi inanebunu nggwok mendek inenggela'me nen kit abu nggwok me nduk, miikkinabulik o. Ata, it inenggela'me nen kit kinanebunu abu mbuuluk lombok kiigak kwe, miikkinabeegerak.

Yotuwa 7:25

Piya nogo mbareegwa, Yotuwa nen Akan nogo yoge logonet, “Kat nen nit abu maluk eerogo yigeebu wuppinaniyak nduk eekendak me, o yogondak aret at Aliku ALA nen kat maluk koba pagarak nduk, eeke agaarik o,” yinuk, it Iterali abok nen aap Akan inom, at apuri inom, yugum paga inoorogo piinok, ineebe inoorak inom, inamendek inom, abok aret kani kumbiinok,

1 Tamuwen 13:4

At Tawun nen aakumi Pilitin mendek ineegin warak ando inooke paga nit Iterali mendek abok aret ninendage maluk eerogo nggelenogo pinanegerak me, ninoori wogwe iyo, nit apit aret Tawun ninom o Nggilagan nogome kuwak eeri nawok o,” yoranet nogo mbareegwa, konenggo nogogwaarik, it abok aret kuwak ari nogogwaarak.

1 Tamuwen 16:2

Yoge mbareegi, at Tamuwen nen ari logonet, “Ti eeriminggirak at Tawun aruk konengge logomenggerik, an nooriyak aret me, time nonggoti na o.” Yoge mbareegi, Aliku ALA nen at yoge, “Tapi awooluk ambi wonok nage logomenggendik, it aakumi time yorage logonet, Aliku ALA ake warogo wogorikit nduk wagi o.

1 Tamuwen 27:1

Tawun ame wagagerak wonage kagak, Ndawut iniki koongge logonet, “Ne ambi paga at Tawun nen nenggaawak lek eerogo panigin aret me, Iterali inenggela'me kwaa'nabit nege logonet, pi'nake kero, an mbaganit it Pilitin iname naminggirak ninom wonage neegak, op aret logogin,” mbake nagagerik,

1 Tamuwen 27:12

At Ndawut nen togop aret yori wagak eeke kenok, at Akit iniki mbake logonet, “At Ndawut anebunu Iterali mendek nogo nen Ndawut eerit nage paga mondok ineebi ombako logonet, ogole yogwe me, at Ndawut ti, an nayeloman mondok-mondok aret logogin kagi,” yinuk, eerit nage logowak nduk, oba pereegerak.