Wakkagagerak 33:3 - Ala Wone Peenok Peebi Mbanak

³ Eeppiige nagagerik, at Yakup nogo alik it inenaame aa'nduk ari nanuk, oweeluk Etawu owagam taati nen ne 7 paga ena nggween paga wu'nagak eeke logonet, keyage wareegerak.

Wakkagagerak 33:3 ပူးပေါင်းရင်းမြစ်များ

Wakkagagerak 18:2

Nikka wage mbareegi, Abarakam uut pilarogon enegen pe'nage nagagerik, aap ineebe kenagan at owagam taati mi'ndak wonogwe iyareegerak. Iige nagagerik, awooliya tungga'nggi paga nen nggare agan inowagam iya nage nagagerik, inabu'me nggween paga enete wanduk wangge logonet keyage waganabeegerak.

Wakkagagerak 33:2

it kumi mbere ayeloman nogo inaagalogwe inom inaa'nduk piige, ti'nuk, Leya aagalogwe inom it inambo'me piige, ndi, Araken aagaluk Yutup imbirak inambo'me peebi lombok piige, eereegerak.

Wakkagagerak 42:6

Ndi, o Metit nogome at Yutup nagawan indo wonage kagak, it aakumi time mendek abok aret nen mbato kunggolaagun nogwe iinok, at Yutup nen mbato wogoragak eeke wonage me, Yutup oreewi nogo mbi onggo mbanuwok nduk nogo nogogwaarik, at Yutup abu'me taati ina nggween paga wu'na'nuk, keyage wappereegwaarak.

Wakkagagerak 43:26

Eerogo punuk wonogwe me, at Yutup wage mbareegi, yi mendek ndi mendek pipuk eerak nogo wonok at Yutup abu'me taa'nogo punuk, ina nggween paga tebe yinuk, keyage wappereegwaarak.

Wakkagagerak 48:12

Yoge mbareegi, at Yutup nen wologwe nogo Yakup enaame nen tayoppiige nagagerik, Yakup abu'me ena nggween paga wandinik logonet, keyage wareegerak.

Kini Wuppiige 6:3

Kat kore eenggime arumunggun me, wondet eerogo patenok nduk, eeriyak nogo yi o, naput. Kat kore wonageme nage logomenggendik, abu'me tebe yinuk, koone nabek togon yorumunggun o.

Wone Alom Kibingga 10:4

Iniki yanggoppunuk wonogwe paga maluk nggwok lombok eeriyak age nogo lek aret age menggerak me, Aap karum menggerak nogo nen mbekkege kenok, kat yabu unde logorak yokkereegim nen mbo punuk mbaganiyak mage o.

Lukat 14:11

Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

Yaya 10:15

ndi, an nen at neenu minggirak nogo ndak-ndak, an togop aret nandomba neenu, ndi, it nen an ineenu aret monggoorak o. Togop logonet, an nandomba inake kambikit mbake minggirak.

Yaya 10:4

At andomba lombok abok aret wogoret wundi nanuk, at aa'nduk nage kagak, at andomba nogo oone konenak me, at ambokan mugurok nogo menggaarak.

1 Tamuwen 2:5

It aa'nduk mbi ndonggorogon nonggo nogogwaarak nogo, Mbi abu nen yabu kwaakwi, Ndi, it aa'nduk mbi abu wonogogwaarak nogo, Yogondak inambi ndonggorogon nunggwi, Eeko agaarik o. Kwe aa'nduk wubili wonagagerak nogo, Yogondak aagalogwe 7 ndaganake kagak kwe, At aa'nduk aagalogwe apit ndaganake nagagerak nogo, Yogondak elege ndake menggim nggilit agaarak wonage o.