Wakkagagerak 33:2 - Ala Wone Peenok Peebi Mbanak

² it kumi mbere ayeloman nogo inaagalogwe inom inaa'nduk piige, ti'nuk, Leya aagalogwe inom it inambo'me piige, ndi, Araken aagaluk Yutup imbirak inambo'me peebi lombok piige, eereegerak.

Wakkagagerak 33:2 ပူးပေါင်းရင်းမြစ်များ

Wakkagagerak 29:16

At Laban apuri komologwe mbere'ndak, manggu endage Leya, ndi, awuluk endage Araken wonogogwaarak.

Wakkagagerak 29:30

Wogoge mbareegi, at Yakup nogo nen Araken oweeluk Leya imbirak nogo yege nagagerak kwe, Araken nogo mban iniki kunik eeke logonet, Leya ambokan punuk, wonagagerak. Ndi, kolaga Araken waganeegerak nogo aap Laban eyabu eeppege kagak, tahun 7 ambinom aret eereegerak.

Wakkagagerak 33:1

At Yakup enegen pe'nage nagagerik, Etawu awuri ineebe empat ratus inom at ka nogwe iyareegerak. Nogwe iige nagagerik, apurilogwe nogo ando kwe Leya inom piige, ando Araken inom piige, ando kumi mbere ayeloman nogo inom piige, eeke nagagerik,

Wakkagagerak 33:3

Eeppiige nagagerik, at Yakup nogo alik it inenaame aa'nduk ari nanuk, oweeluk Etawu owagam taati nen ne 7 paga ena nggween paga wu'nagak eeke logonet, keyage wareegerak.

Wakkagagerak 37:3

At Iterali nogo abu anggok logonet, aput Yutup ndakkolagagerak me, at oweewi nogo we ambo'me negen piinok, at Yutup nogo mban iniki kunik eeke logonet, ambogoyum obeelom lombok tikarik-tikarok agago penggaarege nagagerak.

Yeremiya 50:12

Inagalo nogo enggali lombok age, At ndaganabeegerak nogo endage maluk age, Eerigin o. At o Mbaben nogo ti, it iname time o karume aakumi lek nggween abu mbuk puluk ko aago aret eerigin me, Yi aakumi ndi aakumi iya negen iigak kwe, o Mbaben perak, abu tebenak endage lek aret arigin o.

Maleyaki 3:17

Mbanogo pogo mbareegwa, at Omaawi Lombok Menggerak Aliku ALA nen ari logonet, “It aap ti, an napuri aret logogun o. It aakumi koonogo piyoorak wage eyom paga it aap ti, an napuri niniki kundugu aret me, aap ambi aput oone konembunuk eeke kenok, ogoba nogo apuluk abuwa nen ili ari menggi kwak, an togop aret eerogo piyaagin o.