Wakkagagerak 33:18 - Ala Wone Peenok Peebi Mbanak

¹⁸ Ti'nuk, at Yakup o Paran-Aram nen ineebe obeelom aret o Kanan yaga'lelo Tikem panggo yi wogo nogogwaarik, o Tikem nggwe aru taati nakkagak, endekem nggwe time ooliya wuppunuk wonogogwaarak.

Wakkagagerak 33:18 ပူးပေါင်းရင်းမြစ်များ

Wakkagagerak 12:6

O Kanan nogome aret unggwi wogo nogogwaarik, o ti eyom paga aakumi Kanan mendek time wonogwe iigak mban, nok-nok, o Tikem eyo teno alome o More nogome aret wogogwaarak.

Wakkagagerak 25:20

At Itak nogo ndarak kagak tahun 40 age nagagerik, aap Aram awi Paran-Aram mendek endage Mbetuwen apuluk Laban awuluk kwe Iribaka nogo aret waganeegerak.

Wakkagagerak 28:2

“Kat kamindik-kamendek pipuk ee'nuk, o Paran-Aram kat kagalo ogoba kombo Mbetuwen ame time nage logomenggendik, kagalo iriluk kami Laban apurilogwe mendek kenok ambi kolanu o.

Wakkagagerak 31:25

Yoge mbareegi, at Yakup nogo o Nggileyat puut nggelok-nggobok me ooliya wuppunuk wonage me, at Laban ka wage nagagerik, awuri inom time aret nogo yuwok nduk ooliya wureegwaarak.

Wakkagagerak 35:9

At Yakup o Paran-Aram nen ame wage me, Ala imbirak lambunggo nogogwaarik, ale'nggen Yakup oba pereegerak.

Wakkagagerak 37:13

at Iterali nen Yutup yoge logonet, “Kat koweewi kambin-ndomba o Tikem koorok nogome ndegeninakwi wonogwe nogo lek a? Kenegen pegiya nak o.” Yoge mbareegi, at Yutup nen, “E o. Naakit o.”

Wakkagagerak 46:15

at Yakup apuri yi nogo ti, akwe Leya nen o Paran-Aram logonet, aagalogwe aap aret ndaganake logonet, aput ambi kolaga Ndina inom ndareegerak ti aret me, ineebe lambuk togon 33 aret o Metit nogwe,

Wakkagagerak 48:7

Ndi, an yogondak kat yi eeppagage ti, an o Paran-Aram nen name woroorak nduk, awo wage me, kagalo Araken o Kanan nen o Eparata koorok aret kagak kangge mbareegi, niniki abu wakkolage logonet, at eebe o Eparata, endage ambi Mbe'lekem nogome, tu ambet paga time nggween taambereegirak nogo aagaluk manggu kat aret me, nduk eeppagagi o.”

Ndawi 60:6

Kat Ala kawi alik leenak menggenom nen ari logonet, “Nale'nggen paga nggween Tikem ogoorogo tumbukkirage, O Tukot Kobappaga time kuli wakkagak mbanogo wokkirage, Eerigin o.

Yeremiya 41:5

it aap o Tikem nen, Tilo nen, Tamariya nen, ineebe lambunik 80 aret me, inamboro wiirogo pakwi, inayum nibinogo pakwi, ineebe paga nggawi penek eerogo pakwi, eeko nogogwaarik, anggen yigirik inom, obari abe kaga inom, Aliku ALA awi wurik me ake wogoriyak nduk wonok wogwe me,

Yaya 3:23

Wuppiigwi iigak, at Yaya nogo keele maarogo mambiigo menggam awo mambega'lek me, at Yaya kunduk, o Talin koorok kagak, o Ayinom niyo ambik wonage me time aakumi at owagam wogwe iinok, niyome wuppiige nagagerak.

Yaya 4:5

nage logonet, aap Yakup nen at aput Yutup nggween wogoreegim koorok kagak, o Tamariya kota ambi endage Tikat aret panggo yi nagagerak.

Nappiigak 7:16

Kambit nogogwaarak nogo inowak wonok, o Tikem wogo nogogwaarik, aap o Tikem mendek ambi endage Kemot apuri inando nenaarak Abarakam wu paga onggo pereegim nogome mambiya wogogwaarak.

Yotuwa 24:1

Ti'nuk, Yotuwa nen it aap inanebunu lombok Iterali mendek nogo o Tikem time kuwak eeppiyareegerak. Eeppiige nagagerik, it Iterali inoweewi inom, wone koongga inom, aap owak loongga inom, aap wim wone mbangga nogo inom, wiirage mbareegi, wogo nogogwaarik, it apit aret Ala enggaanom paga ari wogogwaarak wonogwe iigak,

Owak Loongga 9:1

Aap Yeru-Mba'an apuluk Abimelek nogo nen iyaawi o Tikem wonogwe me, iya nage nagagerik, it inom, at agalo anebunu mendek inom, abok aret wone yorage logonet,