Wakkagagerak 33:14 - Ala Wone Peenok Peebi Mbanak

¹⁴ an kayeloman napurilogwe inom, naanggumi inom, it tu nogo mengga kwak eerok aret ndegeniren kambo'me yanabek kat o Erom wonage me, keya woraakit nduk, nowe, kat kaa'nduk aret nage logot o.”

Wakkagagerak 33:14 ပူးပေါင်းရင်းမြစ်များ

Wakkagagerak 32:3

Toonogo pege nagagerik, yonggo oweeluk Etawu o Teyit nggween taganak ambi Erom nogome wonage me yori wogo logowak nduk, wone lengganogo yorage logonet,

Wakkagagerak 32:4

“Nogoba Etawu kinom lambunggo logomonggotik, wone yogop yorumunggup o. Kat kayeloman Yakup nogo nen ari logonet, An aap Laban ka nage nagagirik, nimbirak wonagagirak kuli yogondak yi aret agaarak me,

Wakkagagerak 33:13

Yoreegerak kwe, at Yakup nen ari logonet, “An ti, elege-aabologwe iniyok lik iniyok lek inom, kambin-ndomba inaagalogwe awo wurik inelak nunggwi inom, yilugu-palugu wogoren wage yi, pegiyet o, noweeluk. Tat yonggonggolaga'lek mbet-mbet aret wogoren nagun kenok, naanggumi abok aret kambit nookwak me,

2 Mbinineegwaarak 20:10

Yokkereegwaarak me, ninombomini o Metit nen wogoren wundi wage logonet, it aakumi Amon mendek inom, Mowap mendek inom, puut Teyit mendek inom, wonogwe me iname time, Unggwi nanuk, tebenogo piyoorak mage o, yorage mbareegin, inoorulik nomoppiigak wogogwaarak nogo inapuri wiganak nen o yogondak eeppinaniyak eekwi yi, iyet o.

Yetaya 40:11

Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

Yetikiyen 25:8

At Aliku Itok Menggerak ALA nen yegerak nogo yi aret. “O Mowap inom, Teyit inom, nen yogo logonet, It Yekura mendek ti, yi aakumi ndi aakumi ndak-ndak aret agaarak o, yinuk, yagaarak me,

Marakut 4:33

Yi wone ndi wone aakumi yorage nogo liippunuk waganggwi iinok, Ala wone eegu laarogo negen yorage nagagerak.

Oroma 15:1

Kit aa'nduk kiniki kole agagerak nogo nen, “Nit mban obeelom eekko'net nugu logowi o,” yinuk, mbako logogup o. Ata, iniki awo kole aga'lek nogo aaninggin inoba age kenok, iniki kole aruwak nduk eyak wappiigo logonip o.

1 Korindut 3:2

Kina mbi omaawi mendek noorak wokkiraakit mbareegirak kwe, kit kiniki kole aga'lek kiinok, we yilak amburu negen mban aret wokkiragagirak nogo o. Kinobaabut maan mendek nogo lek aga'lek awo aret wonage me, yogondak kunduk, omaawi mendek wokkiroorak meek mban kiigi o. Kinenggela'me, “An iya, kat iya,” yogwe, wone wakwi, eekwi tit kagak kwe, kinobaabut maan mendek aakumi nggween paga mendek eeko mengga kwak eeka'lek me nduk yogo ogotik?

Pelaareegerak 2:1

Yorage nagagerik, ambi yorage logonet, “Ti'nuk, at Aliku ALA nen an yo'nereegerak ndak-ndak nomoninuk niyo Laut Merah nogo menggam paga o karume nogo nogogurik, o Teyit puut nggelok-nggobok time wanggerit nugwi niigak, o ambik me aret ari nagagerak.

Owak Loongga 5:4

Kaliku nogoba ALA wae! Kat nen o Teyit nen wundi nage, O Erom nen li'luk ee'nuk, wungge, Eeke keegak, Nggween akom langgok eeke, Mbogut paga nen mayu wamelanggen wuppit wage, Iyaagi nappunuk, mayu lubu-lubu wangge,