Wakkagagerak 33:11 - Ala Wone Peenok Peebi Mbanak

¹¹ An togon at Ala nabuwa mbake logonet, namindik-namendek ambik aret wo'negerak nogo ando mogonogo we kumbi wappagukwak wokkirikit nduk, wonok wagarak me, kolagak nak o,” yinuk, nimi-nomoorak mban ari mbareegi, at Etawu nogo nen, “Kolagak naakit o.”

Wakkagagerak 33:11 ပူးပေါင်းရင်းမြစ်များ

Wakkagagerak 30:43

Ti eereegerak paga at Yakup nogo aap nggwok eenggi warak age nagagerik, aanggumi kambin-ndomba inom, keledai-unta inom, apit aret unde a'nuk, ayeloman mini kumi-aap apit aret wonagagerak.

Wakkagagerak 32:21

Ndi, kambin-ndomba at Etawu ake leenogo pereegerak nogo, inaa'nduk wonok nappiya wage nagagerik, at Yakup nogo ooliya wureegim nogome aret nogo yereegerak.

Wakkagagerak 33:10

Yoge mbareegi, at Yakup nen, “Togop ari mage ubi! Kat kiniki abe paga wo'nakendak nogo ti, Ala etenggen pekkogo nagaatik, inikime ale'nggen kogo mengga kwak, kat ketenggen togop aret keege nagarik, niniki ale'nggen ambik ee'nakerak me, kiniki ale'nggen nombake logonet, kake leenogo nappiigirak ti, kolaamunggun o, noweeluk.

Wakkagagerak 33:12

Ari nagagerik, “An naa'nduk tu nikkiyaakit nduk, aret wa'nip o.”

Wakkagagerak 33:9

Yoge mbareegi, at Etawu nen, “Nawot o. Ti yagandak kwe, an koweeluk togon namendek ambik aret wonage me, yi kat kaanggumi aret me teppatu o.”

2 Endagembogut 2:17

Yoragagerak kwe, inoone nabenak mban yorit unggwogo mbareegwa, ineraaket nen, “Kwaari nawak o.” Yorage mbareegi, ineebe 50 nogo kwaari nawak nduk, nappiyareegwaarak kwaari nugwi iigak, nogo kenagan yereegwaarak kwe, Eliya eebe nogo kwaakkoolik me,

2 Endagembogut 5:23

Yoge mbareegi, at Naman nen, “Wokkirigin aret me, wu mbuti perak aaninggin 34 mban woorak mage o. Ata, aaninggin 70 aret wamen o,” yinuk, nabenak mban yoge kenok, “Op aret o.” Ari mbareegi, at Naman nen wu mbuti perak aaninggin 70 inom, yum agi-ogu mbere inom, yum mbere yonggologo ayeloman mini mbere wogorage mbareegi, at Nggekati nen inaa'nduk piinok, inom

Lukat 14:23

Yoge mbareegi, ogoba nogo nen ayeloman yoge logonet, Ndi, ti kenok, aakumi endekem tu andogon-andogon ugun wonogwe nogo an name yagabit eeri unggwi woraawak nduk, koone omaawi paga waganogo piya wage logot o.

1 Korindut 3:21

ti kenok, it aakumi iniki nen mban koombunuk, eerit nugwi nogo wogoppiyaagup o. An Pawulut inom, at Apolot inom, Kepat inom, yi mendek ndi mendek Ala nen wakkagagerak inom, nineenik wonogwe inom, kanggwi inom, yogondak wonage inom, peebi logorak nogo inom, yi mendek ndi mendek abok tigitogon ti, kit unde aret o.

2 Korindut 6:10

niniki puru ari kwe, kagak ale'nggen mban mbakwi, nineenggi lek kwe, it apit ineenggi warak eeppiigwi, ninamendek lek aret kwe, yi mendek ndi mendek abok aret unde eerogo pakwi, eerit nogo monggoorak nogo abok aret ambi eerumonggoorak paga yiluk ari kenok, nit wone unde eeppinaneegerak nogo meek mbarukwak, Ala ayeloman logonet, “Eerit nogwe yi, iya,” yuwak nduk, niniki kwi'ndak logonet, mondok liippunuk aret eerit nogo ogoorik o.

Pilipi 4:18

Kit nappani wogogutak nogo, abok aret waganeegirak me, lek aga'lek wonage aret o. Ala ake pugu kani kunggwi obari obeelom kenok Ala nen, “Op wo'nega o,” yinuk, iniki ale'nggen mbake menggi kwak, kit an nake pugu aap Epapororitut nen wo'niruwak nduk nappi wogogutak nogo, wonok niri wage mbareegi, wagangge nagagirik, ndiinik-piinik agago pereegirak lek aga'lek wonage aret o.

1 Timotiyut 4:8

Nineebe omaawi eeriyak wakkagak eekwi paga nineebe ninomaawi ee'ninake ti, we mbuuluk op ee'ninaburak nduk eeko monggoorak kwe, Ala wone yugu ndak-ndak eeruwok nduk, wakkagak eekwi niinok perak, Ala nen yogondak inom, peebi inom, ee'ninaburak nineenu me, mondok nggwok togon obeelom ee'ninaburak nduk, eeko monggoorak kogo o.

Yotuwa 15:19

Yoge mbareegi, at kolaga nen, “Nogoba o. Kat o karu nggwok o ame unggwi nage menggim pa'nggwe nggween amburu lek mbuk mendek wo'negendak tit kwe, an kapuluk nabuwa mbake logonet, niyo eneerime kero, ambi inom wo'niru o.” Yoge mbareegi, at Kalep nen anggween mbanak niyo eneeri aginggwe wungge me inom, ogunggwe wangge me inom, imbirak wogoreegerak.

Owak Loongga 1:15

“Nogoba o. Kat o karu nabunogo pereegim o ame pa'nggwe nggween amburu lek mbuk mendek wo'negendak tit kwe, an kapuluk nabuwa mbake logonet, niyo eneerime kero ambi inom wo'niru o.” Yoge mbareegi, at Kalep nen anggween mbanak niyo eneeri agi nggwe wungge me inom, ogu nggwe wungge me inom, imbirak wogoreegerak.

1 Tamuwen 25:27

Ndi, yi mendek ndi mendek kat nogoba kake an kayeloman wonok wagarak yi, it aap kinom wonogwe yi, wogorage,

1 Tamuwen 30:26

At Ndawut nogo o Tikalak unggwi wage nagagerik, at oreewi aap Yekura mendek inoweewi nogo kugun wogo ando wogora nawak nduk, nappiige logonet, “At Aliku ALA awim Amalek mendek inagugun wogo yi, kit aret kolaabagip nduk, nappinagi wagi o,” yinuk,