Wakkagagerak 32:6 - Ala Wone Peenok Peebi Mbanak

⁶ Nappiya wagagerak nogo yori woraanuk, iniyok paga nogo nogogwaarik, at Yakup yogo logonet, “Kat kowe Etawu nogo muk yori nogo mbako, kimbirak tu paga lambuniyak nduk, awuri ineebe empat ratus aago inom tu paga wogogak wogo o.”

Wakkagagerak 32:6 ပူးပေါင်းရင်းမြစ်များ

Wakkagagerak 32:11

Kat nen an yo'nege logonet, An obeelom eeppagage, kat mendek wigannarugun nogo ti, mbini-kale'ngga niyo aa'nggi paga aakumi ineenggi lingginiyak meek nogo ndak-ndak wokkege, eerigin o, yo'nereegindak nogo kwe, an noweeluk Etawu awuri inom aago wage logomenggerik, an inom, nakuwi inaagalogwe inom, ninoori wage kero, nagabiti ee'nake me, at eenggime nen nagap ndarenok nduk, yokkigi o, nogoba,” yinuk, tamban eereegerak.

Wakkagagerak 32:7

Yogo mbareegwa, at Yakup iniki piirik eeke mbareegi, agabiti nen, “At Etawu wage logonet, it aa'nduk leenogo nappiyaminggirak inooke kenok, it peebi nogwe ti, kole mbaganuwak o,” mbake nagagerik, at awuri inom wagagerak nogo inom, kambin-ndomba inom, tapi-lembu inom, keledai-unta inom, ando mogonogo inaa'nduk noorak leenogo piige, peebi noorak leenogo piige, eeke nagagerik, nappiya wagagerak.

Wakkagagerak 33:1

At Yakup enegen pe'nage nagagerik, Etawu awuri ineebe empat ratus inom at ka nogwe iyareegerak. Nogwe iige nagagerik, apurilogwe nogo ando kwe Leya inom piige, ando Araken inom piige, ando kumi mbere ayeloman nogo inom piige, eeke nagagerik,

Wakkagagerak 33:15

Yoge mbareegi, at Etawu nen ari logonet, “Togop kenok, an nawuri ando ndegenggabit nawak nduk, leenogo piinok na o.” Yoreegerak kwe, at Yakup nen, “Togop eeriyak ti mage o. We nabuwa mbakak kiniki ugun aret namunggun o, nowe,” yoreegerak.

Wakkagagerak 33:8

Abu aret keyage wappogo mbareegwa, at Etawu nen Yakup yoge logonet, “Ndi, kambin-ndomba ambik lombok aago wogoren nogwe ninom aabuk agarak yi, kiniki ngge koombunuk eerogo nappiigendak?” Yoge mbareegi, at Yakup nen, “Kiniki ale'nggen nomba'nok nduk, nappiigirak o, noweeluk.”

Wakkagagerak 34:11

Yorage mbareegi, at Tikem nen Ndina owewologwe inom, ogoba inom, yorage logonet, “Kit nen nabuwa nomba'nuk, kolaga yi wo'nogo logonet, Ndi mendek wo'niret o, yo'nugwi kiinok aret wokkiraagin me,

Wakkagagerak 47:25

Yorage mbareegi, it abok nen yogo logonet, “Nit kambuurak aret kwe, ninogoba kat ninabuwa nen ninagap nda'ninakendak me, at Pirawun ayeloman logorak ti, op mban aret o,” yoreegwaarak.

Amot 5:19

Aap ambi singa nen mugurok nage kenok, kole mbagangge me, beruang imbirak aabuk age menggi kwak, Aap ambi ame unggwi nanuk, eenggi kobat nabenak paga, “Piga,” yinuk, eeke me, waalo nen eenggi nogo eyak mbangge menggi kwak, Aliku ALA woroorak ne ti, togop aret o.

Urut 2:13

Yoge mbareegi, at Urut nen at yoge logonet, “An nogo ti, kat kayeloman mini kumi nogo ndak-ndak lek aret wonage neegak kwe, an kayeloman nabuwa lombok nombake logonet, koone yanggorogon yo'nege, niniki eyak wappanege, eekendak me, mondok-mondok togop aret eeppanege logot o, nayinggelo,” yoreegerak.

Urut 2:2

Kwe Mowap mendek Urut nogo nen Nawomi yoge logonet, “Aakumi waabuk negen jelai anggen mbanit nogo logonet, inambokan wambemenggerak nogo nabuwa nen, Anebenggolet, yo'niruwak nduk, yabume na o.” Ari mbareegi, Nawomi nen at yoge logonet, “E o. Nak o, neenggelo.”

1 Tamuwen 1:18

Yoge mbareegi, kwe Kana nogo nen, “Kayeloman an aret me, nabuwa mbake logomunggun o,” yo'nuk, wundi nage nagagerik, mbi nengge, etenggen ogum aago wonagagerak nogo eya age, eereegerak.