Wakkagagerak 32:31 - Ala Wone Peenok Peebi Mbanak

³¹ Toonogo pege nagagerik, o mo aret pege mbareegi, at Yakup nogo owaganegen worok yereegerak nogo tiyo'luk agan o Peniyet nogo teppunuk nagagerak.

Wakkagagerak 32:31 ပူးပေါင်းရင်းမြစ်များ

Wakkagagerak 16:13

Yoge mbareegi, at Agat inikime nen mbake logonet, “At Liippanege Menggerak nogo ti, nenegen abet aret kagarak o,” ari nagagerik, at Aliku ALA endage, Liippanege Menggerak o, yinuk, tooneegerak.

Wakkagagerak 19:15

Ti'nuk, ko'lu o weerikit nduk eeke kagak, it aap Ala ayonggo mbere'ndak nogo nen Lot yogo logonet, “Kat elaambirik wonage ti mage o. Ala nen o yi, pup eerogo pikit nduk eeke me, kinom kinoorukwak, kat kakwe kunduk, kapuri komologwe mbere'ndak nogo kunduk, wogoren mbet-mbet aret wundi nak o.”

Wakkagagerak 19:23

At Lot nogo o kuubondendok oonegen awo wundi wage kagak, o Towat nogome unggwi nagagerak.

Wakkagagerak 32:25

At aap nogo nen Yakup omaawi ambik me tebenogo puurak meek aret kage nagagerik, Yakup arowat langgonogo pege mbareegi, owaganegen worok yereegerak.

Wakkagagerak 32:32

At aap nogo nen Yakup owaganegen woronogo pereegerak kenok, yogondak nen it aakumi Iterali mendek inaanggumi kambin-ndomba owaganegen arimanggen kenok nunggulik wenaako menggaarak o.

1 Endagembogut 12:25

Ti'nuk, aap Yerobeyam nogo nen o Eparayim puut nggelok-nggobok me kota Tikem nogome omaawi eerogo punuk, wonagagerik, wundi nanuk, kota Penuwen kunduk omaawi eerogo pereegerak.

1 Endagembogut 18:26

Yorage mbareegi, tapi nogo wa nanuk wonok wogora wogo mbareegwa, warogo kani ndoonak paga nippunuk, o kuubondendok nen nok, liingge inagugi Mba'an endage kunogo wiigo logonet, “Ninogoba Mba'an wae. Ninoone konenu o,” yinuk, inoone nggwok paga yogak mban eekwi, kani ndoonak yendok-wandok yagan yobak-nggolak yogwe, eereegwaarak kwe, inogoba nogo oone ari, wone onggo yorage, eeka'lek aret wonagagerak.

Ndawi 38:17

Niyogobit lik togon yigeebu wambuurak ee'nake, Niniki andi negen ee'nake nogo Lek aga'lek kundugu tit wonage, Eeke agarik o.

Wundeegwaarak 24:10

yugum nilam mbogut mili ket yanggo aago ndik tabak ndoonak negen me, Iterali inogoba Ala iyok ti paga punuk mi'ndak wonage inigen kogogwaarak.

Wundeegwaarak 24:11

Ala inigen kogogwaarak kwe, eenggi paga nen aaninggin ambi inoba piiga'lek mbareegi, inagi-inambi nenok aret wambi wogogwaarak.

Yetaya 6:5

Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Maleyaki 4:2

It an nendage tiyappogo logonet, nayuk wuko menggaarak iinok perak, oonegen wundi wage logonet, aakumi inagabolo mbiganogo piige menggi kwak, at obeelom eeppiinet nega nogo, wundi wa'nuk, towe kwak wiga agan it obeelom eeppiinet nage logogin o. Tapi aagaluk anggenogona wonage me, wumbugwi iinok, ale'nggen paga kunu wonet nege menggi kwak, it inale'nggen nen togop aret agan nugu logogun o.

2 Korindut 12:7

Alik tam warak aakumi kogolik mendek nenegen kagagirak nogo paga, “An iya o,” yinuk, wogoppatit nage neyo, Ala nen andi ambi nagabolo paga alok negen ngguurogo paneegerak ti paga Ibilit awot ambi wage nagagerik, wogoppake neyo, nenggali wappanegak mban eeke menggerak o.

2 Korindut 12:9

Ala nen an yo'nege logonet, “Aaninggin-paaninggin inoba age kenok, an nomaawi mondok iya lombok minggirak kin kaawak nduk eeppiige me, aaninggin kat koba agaarak nogo, Nogoba Ala nabuwa nen omaawi ndak-ndak eeppanege logogin, mbake logot o,” yinuk, yo'nereegerak me, Keritut omaawi eeppanege kaakit nduk, andi ee'nake nogo ti, niniki ale'nggen ambik mbake logonet, “Op eeppanigi,” mbake minggirak.

Pelaareegerak 5:24

yo'nogo logonet, At Aliku ninogoba Ala abu nggwok endage mondok tiyanak kenok, Wi, ugwi nogo ninigen abet nen aret kogwe, kani omoonuk wunuk ari enggela'me nen oone ari ninaruk konenggwi, eekoorak me, ne yogondak yi paga aret Ala aakumi inom wone mbanggwi iinok, aakumi kangga'lek ineenik logorak aret iigo o.

Pelaareegerak 5:26

At eenik menggerak Ala nogo kani wunuk ari enggela'me nen oone ari nit konenggwi kwe, kangga'lek nineenik wonogwe yi kwak, aap kanggo menggaarak mendek ambi ta nen togop konembunuk, kangga'lek wonage mbakop?

Owak Loongga 6:22

Iyo'lek aret lek age mbareegi, at Nggireyon nen, “Ti Aliku ALA ayonggo aret,” yelok kage nagagerik, “Ie! Kaliku Kitok Menggendak nogoba Ala kayonggo malayikat mendek aret kagak, nimbirak ninengga pet-pet yogoorak me, nagabiti o.”

Owak Loongga 6:23

Yoge mbareegi, at Aliku ALA nen at yoge logonet, “Kagabiti yugun o. Kat kambumunggun lek me, kiniki tayenak ugun logot o.”

Owak Loongga 8:8

Yorage nagagerik, at Nggireyon awuri nogo inom o Punuwen ari nanuk, awuri inake mbi ngginooragagerak kwe, it aakumi o Tukot mendek nen yereegwaarak togo'nogo aret yoreegwaarak.