Wakkagagerak 32:28 - Ala Wone Peenok Peebi Mbanak

²⁸ Yoge mbareegi, at aap nogo nen, Yakup yoge, “Ala inom, aakumi inom, kinom wuk eekkolage logonet, yambunogo piige menggendak me, kat kendage aa'nduk nen Yakup aret kwe, yogondak nen perak, Iterali aret yokkogo logogun o.”

Wakkagagerak 32:28 ပူးပေါင်းရင်းမြစ်များ

Wakkagagerak 17:15

Yoge nagagerik, ti'nuk Ala nen Abarakam ambinom yoge logonet, “Ndi, kat kakwe Tarayi nogo perak, yogondak yi kuli nen endage Tarayi yoge logogun o. Ata, endage Tara aret yogo logonu o.

Wakkagagerak 17:5

kat kendage aa'nduk nen ti, Abaram aret yokkogo nogogwaarak kwe, yi aakumi ndi aakumi inombo, Kat aret o, yinuk, mippagagirak me, yogondak nen ti, kendage, Abarakam o, yinuk, yokkogo logowak o.

Wakkagagerak 25:31

Yoge mbareegi, at Yakup nen ari logonet, “Manggu ndarak kenok, wone kilirirogo menggaarak kat kilikkiriyak nogo, an kili'niruwak nduk onggo yi wokkiri o.”

Wakkagagerak 31:24

Panggo yi woraanuk, oonikiya nogo yugwi me, Ala nen aap Aram mendek Laban nogo abi paga yoge logonet, “Kat Yakup kimbirak lambumbunuk, agabiti mbaruwak nduk koone maluk ambiriluk ambi yoge keyo liippu o.”

Wakkagagerak 32:24

alik wonage me, aap ambi wage nagagerik, imbirak wuk eekkologwe tit iigak, o inoba weereegerak.

Wakkagagerak 32:27

Yoge mbareegi, at aap nogo nen, “Kat kendage ta o?” Yoge mbareegi, “Nendage Yakup aret o.”

Wakkagagerak 33:20

nogome aret Ala ake warogo kani kunggak yuwak nduk, yugum logonogo pege nagagerik, o endage, “Iterali Inogoba Ala Alik Omaawi Menggerak o,” yinuk, tooneegerak.

Wakkagagerak 33:4

Nogo eeke kagak, at Etawu nogo nggare agan Yakup ka nage nagagerik, lamooppunuk, agandin eyak mbangge, eenggi enggaanok me komamin wappunuk, leenggu maakwi, eereegwaarak.

Wakkagagerak 35:10

Ale'nggen oba pege nagagerik, Yakup yoge logonet, “Aa'nduk nen kendage Yakup yokkogo nagaarak kwe, yogondak nen kat kendage ti, Iterali aret yokkogo logogun o,” yinuk, Ala nen Yakup endage Iterali aret toongge,

2 Tamuwen 12:25

Natan yoge, “Wulaga ti, an niniki kunik aret me, at endage, Yeriya, tooni nak o,” yoreegerak.

1 Endagembogut 18:31

at Aliku ALA nen, “Kat kendage Iterali aret yokkogo logogun o,” yoreegerak aap Yakup apuri inanebunu ndak-ndak yugum 12 waganogo

2 Endagembogut 17:34

It aa'nduk eeko nogogwaarak nogo o yogondak kuli kunik eekwi aret wonogwe o. It nen wone lengganak inom, wone yugu eeka'lek iinok aaninggin inoba piigo logorak wone inom, eeko logorak wone inom, “Yogop ee'nu ndogop ee'nu,” yugu inom, Aliku ALA nen aap Yakup endage ambi Iterali tooneegerak apuri yoragagerak nogo, liippunuk eekwi, Aliku ALA inagabiti mba'nuk alut eekwi, eeka'lek aret wonogo menggaarak.

1 Mbinineegwaarak 1:34

At Abarakam nen aput Itak ndareegerak. At Itak nen apuri aap Etawu Iterali imbirak ndaganabeegerak.

Kini Wuppiige 16:7

Aap ambi eerit nage nogo Aliku ALA inikilom mbake kenok, Aap ti, awim kunduk at imbirak lambunik obeelom logowak nduk eeppege menggerak.

Yetaya 43:1

Togop aret wonogogurak kwe, Kat Yakup wae. Kat mendek nggwok aruwak nduk leenogo pagage, Kat Iterali wae. Kat mendek wiganuwak nduk eerogo pagage, Eereegerak Aliku ALA nen ari logonet, “An wondet eerogo piyareegirak me, inagabiti mbarugwaarik o. Inendage kunogombo wiiragagirak me, it an napuri aret agaarik o.

Yetaya 65:15

An leenogo piyareegirak nen it inendage toonak punuk namenggaarak nogo, kumbunuk pulunogo piigo logogun o. Naliku Nitok Minggirak an ALA nogo nen it inoorigin kwe, it an nayeloman mini nogo perak, inendage alik yorage logogin o.

Linggineegwaarak 13:16

At Muta nen it aap o inigen yombooni nawak nduk nappiyareegerak nogo inendage ti aret o. Ndi, Nun aput Oteya nogo at Muta nen endage peebi Yotuwa tooneegerak.

Yaya 1:42

Yoge nagagerik, wonok Yetut owagam nage mbareegi, Yetut enegen kage nagagerik, at yoge logonet, “Yaya aput kat Timon aret kwe, kendage Kepat aret yokkogo logogun o,” yinuk, yoreegerak. (Endage Kepat yoreegerak nogo ti, it aap Yunani inoone paga, “Peterut o,” yoreegerak.)

Wayu 2:17

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok liirogon aret konenggo logowak o. It Ala wone mbo pega'lek nu'lek porogo logonet liirogon mugurok nogwe iinok, mbi mbogut paga mendek kumaarak wonage nogo wogorage, ndi, it waamenggaarak nogo mban ineenu logowak nduk, inendage ngget toonogo yugum yanggwi negen lan ari nogo paga liiru mbanogo wogorage, eerigin o, yinuk, wone yi yagarak nogo abok aret at malayikat Ala apuri o Peragamut kuwak eekwi inarum menggerak nogo nen apuri yoraawak nduk liiru mbanogo nappu o.”

1 Tamuwen 26:25

Yoge mbareegi, at Tawun nen Ndawut yoge, “Naput o. Ala ale'nggen koba logogin o. Ale'nggen koba pemenggerak paga abok aret eerit nage keegak, a'me nggilik-nggelok arit nage logogin o,” yinuk, yoreegerak. Yoge mbareegi, at Ndawut nogo nage kagak, at Tawun nogo ame aret wagagerak.