Wakkagagerak 32:10 - Ala Wone Peenok Peebi Mbanak

¹⁰ Ari nagagerik, “An aa'nduk tu yi paga niyo Yoraran ene paga wundage logonet ti, we waanggun ambit mban neenggime aret wundagagirak kwe, yogondak perak, nineebe mbere aago wogwe me, nogoba kat kayeloman an nogo nobaabut maluk tit neegak kwe, kat nabuwa nen yo'nege nogo liippaninuk obeelom eeppanege menggendak o.

Wakkagagerak 32:10 ပူးပေါင်းရင်းမြစ်များ

Wakkagagerak 18:27

Yoge mbareegi, at Abarakam nen ambinom yoge logonet, “An abu meek liirubu wun pogom logonet, wone yokkiriyak meek aret kwe, kagak yokkege me, mbe'niriyak mage o, nogoba.

Wakkagagerak 24:12

Ti eeke nagagerik, at Abarakam ayeloman nogo nen tamban eeke logonet, “Kaliku nogoba Abarakam ogoba Ala wae. An eerikit nduk, wagarak nogo nogoba Abarakam abuwa mbake logonet, yogondak aret a'me nggelok yuwak nduk, koonogo panu o.

Wakkagagerak 24:27

Alut eeke logonet, “An nogoba Abarakam ogoba Ala wa! Kat nogoba Abarakam abuwa mbake logonet, iniki mbakerak nogo ndak-ndak aret lik togon eeke keegi o,” ari nagagerik, “An kunduk, Kaliku ALA nen aret nogoba owe-awot wonogwe me a'me lik togon wo'neren wagandak o,” yinuk, tamban eereegerak.

Wakkagagerak 28:13

Nogo eekwi iigak, at Aliku ALA eebe ya'na wurik irip paga mi'ndak wonage logonet, “Naliku kogoba Abarakam ogoba Ala inom, Itak ogoba Ala inom, ti an mban aret o. An aret me, nggween kat keebe nogo yege me yi, kat inom, kat kapuri wigannaremenggaarak inom, unde eeppunuk logobagip nduk, wokkiraagin o.

Wakkagagerak 28:15

Kat o ambime, Na, yinuk, nage kenok, an nen enaani aret ndegenggeren nage, karum liirogon aret wonage, eeke logominggirik, ti'nuk, wokkeren o yime aret pagi woraagin o. Ndi, an nen, Yogop eerigin o, yinuk, wone abuk nggaruk togon yokkiragarak nogo abok aret a'me lik yaga'lek kagak, an teppagagin lek mondok yeenggwa kege logogin aret o,” yinuk, yoreegerak.

Wakkagagerak 30:43

Ti eereegerak paga at Yakup nogo aap nggwok eenggi warak age nagagerik, aanggumi kambin-ndomba inom, keledai-unta inom, apit aret unde a'nuk, ayeloman mini kumi-aap apit aret wonagagerak.

Wakkagagerak 31:3

eeke mbareegi, at Aliku ALA nen Yakup yoge logonet, “Kat yogondak aret o yime teppunuk, kame kagalo-kogoba, kowe-kawot wonogwe me iya nak o. Nage keegak, an nen eraanggi teppagagin lek karum aret logogin o.”

Wakkagagerak 32:5

an naanggumi lembu-keledai inom, kambin-ndomba inom, nayeloman kumi-aap inom, ambik aret unde agarak me, nogoba nimbirak niniki ale'nggen paga lambuniyak nduk, yogondak wage agarik, yegerak, yori nanip o,” yinuk, nappiya wagagerak.

Wakkagagerak 32:7

Yogo mbareegwa, at Yakup iniki piirik eeke mbareegi, agabiti nen, “At Etawu wage logonet, it aa'nduk leenogo nappiyaminggirak inooke kenok, it peebi nogwe ti, kole mbaganuwak o,” mbake nagagerik, at awuri inom wagagerak nogo inom, kambin-ndomba inom, tapi-lembu inom, keledai-unta inom, ando mogonogo inaa'nduk noorak leenogo piige, peebi noorak leenogo piige, eeke nagagerik, nappiya wagagerak.

2 Tamuwen 17:24

Ndi, at Ndawut nogo o kota Makanayim time unggwi nage me, at Abatalom nogo aap Iterali mendek inom aret niyo Yoraran enebaga wunda nogo nogogwaarik,

2 Tamuwen 7:18

Mbininogo yori nage mbareegi, aap endagembogut Ndawut nogo Ala awooliya wurik me unggwage nagagerik, Aliku ALA enggaanom paga kwi'na'nuk tamban eereegerak. Tamban eeke logonet, “Kaliku Kitok Menggendak nogoba ALA wae. An inom, nowe-nawot inom, nit nen eeriyak abu meek lombok niigak, an mii'nake nagagindik, kapuri inarum logokit nduk, mippaneegindak o.

Ayup 17:9

Aap iniki abe koonak wonogwe nen it mugurok nogwe nogo aret mugurok nogwe, It aap maluk inikime kumaapporogo wonogolik kenok, iniki kole arit unggwage, Eeko logogun o.

Ayup 8:7

Li'luk eerogo pagage ti paga, Peebi logomunggun nogo ti, Mondok iya lombok aret logomunggun me, kat nen, Aa'nduk wonagagirak nogo ti, Meek negen aret wonagagirak kagi, Mbake logomunggun o.

Ndawi 16:2

An nen Kaliku ALA yokkege logonet, “Kat nogoba aret me, An abe mendek porogo minggirak nogo ti, Yi mendek ndi mendek lek o. Kat keebe mban aret porogo minggirak o,” Yinuk, yokkigirak o.

Ndawi 18:35

Nagap ndarak logokit nduk kanggeemu wo'nege, Keenggi abe'nggan paga panggonneren nage, Nendage nggwok aruwak nduk mippani wambi wage,

Ndawi 61:7

Kenegen keegak wone mondok-mondok lengganogo yoranet wundi wage logokit nduk eeppanege, Neebe op logokit nduk, kiniki kunik ee'nake, Wone yo'nereegindak nogo li'luk eerogo panege, Eeke logot o.

Ndawi 8:5

Kat Ala ndak-ndak negen nit ogobakkigi'ninake, Ninendagembogut tiyanak ninayuk warak logowok nduk, koonogo pinanege, Eereegindak o.

Ndawi 84:7

Nogo logonet, inomaawi arit-arit O Tiyon kat Ala kenggaanom paga ari unggwogwe, Eeko menggaarak o.

Ndawi 85:10

At abuwa nen iniki kunik ee'ninake, Yo'niragaatak nogo li'luk eeppinanege, Eeriyak nogo imbirak lambuk ari, Iniki abe koonak logorak inom, Iniki ugun tayenak logorak inom, Keyage linggik-kambuk yogwe, Eeko agaarik o.

Kini Wuppiige 4:18

It aap iniki abe koonak eerit nugwi nogo perak, Oonegen kemeninuk lagi woraakit nduk, eya mbuuluk eeke nagaatik, ti'nuk, Eerit-eerit o liingge paga eya ndak warogo pege kwak aret menggaarak kwe,

Yetaya 6:5

Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Yetaya 63:7

At Aliku ALA ninabuwa nen liirogon eeppinanege nogo paganogo yorage, At endage tiyappuwak nduk, eerogo pinanege menggerak nogo yoranet nage, Eeke logogin o. Aliku ALA nen eerogo pinanege, Nit at apuri Iterali paga wiganak obeelom mendek eeppinanege, At ninabuwa nen liirogon obeelom eeppinanege, Eereegerak abok aret nogo ndak-ndak at endage tiyappuwak nduk agan nage logogin o.

Mika 7:20

O maan iyaalok togon kat nen ninombomini kinom wone abuk nggaruk togon koonogo punuk, kumbuk mbaneegindak nogo ndak-ndak, Kat nen Yakup yoreegindak nogo liirogon eeppege, Abarakam yoreegindak nogo abuwa mba'nuk, ndak-ndak eeppege, Eerumunggun o.

Lukat 17:10

Ndi, ti kenok, ti ndak-ndak kit wone, Yogop ee'nu, ndogop ee'nu, yokkirage nogo abu eeppogo logomonggotik, Lek o. Nit aap inayeloman mban ogoorik o. Ninaburen eerulik o. Ata, yo'niragaarak kenok mban eekoorak yogo logorak op o,” yinuk, yoragagerak.

Lukat 5:8

Timon nen yiiro nogo imbirak tebenikit nduk eeke kage nagagerik, Yetut abu'me tebe yinuk, “Nogoba o. An aap abu maluk mendek me, nogole nen mbaganu o,” yinuk, yoreegerak.

2 Korindut 12:11

An kumili negen aret ari kwe, alom kit eekwi paga an wone ti yokkirage agarik o. An aap iya me nduk, tiyappaniyak lek kwe, kit nen, “It aap ti, nappiigak mondok iya nen yo'nirogwe o,” yinuk, tiyappiigwi nogo, it iya, ndi, an meek, ti mbake lek it ninom ndak-ndak me, it wogoppiigo logonet, an ninom wogoppaniyak op aret kwe, wogoppanega'lek kiinok, yokkirage agarik o.

Pelaareegerak 8:18

kineenggi warak logomunggup nduk, at Aliku kinogoba Ala nen eerogo pinagage nogo paga kinombomini inom wone abuk nggaruk togon kumbuk mbanogo yoragagerak nogo aberak mban logonet, omaawi eerogo puwak nduk, yogondak yi paga eeppinagage ndak-ndak aret eeppinagagin me, at Aliku kinogoba Ala paga mban aberak logomunggup o.

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.