Wakkagagerak 31:53 - Ala Wone Peenok Peebi Mbanak

⁵³ Wone yugu yi kagak alik ambi eekwi niinok, Abarakam ogoba Ala inom, Nakot ogoba Ala inom, imbirak inogoba ogoba Ala inom, nen nimbirak ninowak loongge logogin o,” yinuk, wone abuk nggaruk togon mbaneegwaarak. Mbanggo nogogwaarik, at Yakup nen, “Nogoba Itak Ayuk Wuke Menggerak nogo owak o,” yinuk, kumbuk mbangge nagagerik,

Wakkagagerak 31:53 ပူးပေါင်းရင်းမြစ်များ

Wakkagagerak 11:31

Ne ambi paga at aap Tera nogo nen o Kanan naakit nduk, at aput Abaram wagangge, at ombooluk Karan apuluk Lot nogo wagangge, ayinggelo Abaram akwe Tarayi nogo wagangge, eeke nagagerik, aakumi Katirim iname yaga'lelo Ut nogome mbo punuk, o Karan time aret ari nanuk, nogome mondok puk aret ogogwaarak.

Wakkagagerak 14:22

Yoge mbareegi, at Abaram nen wone onggo yoge logonet, “Kat nen, An namendek waganggerak paga aap Abaram nogo eenggi warak aga o, agan nege logokwak me, at mbogut-nggween wakkagagerak Agi Mondok Tiyanak Menggerak Ala nogo enggaanom paga abu aret kumbuk mbanggirak me, kat kamendek ti, yi mendek ndi mendek mbuulogwe we ligiwut logwe nduk, an ambi waagin abu lek aret o.

Wakkagagerak 16:5

Miyuk-meya eerogo pege mbareegi, at Tarayi nen Abaram yoge logonet, “Nayeloman kwe Agat yi, an nen aret wokkigirak kwe, at nen, Nabila agaarak kagi, mbake nagaarik, miyuk-meya eerogo panege paga niniki abu wakkolage yi, alom kat aret eekendak me, at Aliku ALA nen mban ninawone mbangge logowak o.”

Wakkagagerak 17:7

Yoge nagagerik, “Kat inom, kapurilogwe wigannaremenggaarak inom, kinogoba Ala an aret logogin o,” yinuk, “Kat nimbirak wone abuk nggaruk togon mbaneegurak nogo ti, kat kombowologwe ninom mbaneegurak negen aret me, lek arigin lek mondok-mondok aret logogin o.

Wakkagagerak 28:13

Nogo eekwi iigak, at Aliku ALA eebe ya'na wurik irip paga mi'ndak wonage logonet, “Naliku kogoba Abarakam ogoba Ala inom, Itak ogoba Ala inom, ti an mban aret o. An aret me, nggween kat keebe nogo yege me yi, kat inom, kat kapuri wigannaremenggaarak inom, unde eeppunuk logobagip nduk, wokkiraagin o.

Wakkagagerak 31:42

An nogoba Itak ogoba Ala inom, Abarakam ogoba Ala inom, ndi, at Itak nen Ayuk Wuke Menggerak inom, nogo nen an narum logonetak lek nen, kat nen an neenggime ambi panega'lek we aret mugogo nappani woranetak kwe, an andi-pandi ee'nake kagak, kat keyabu nggwiirit-nggwaarit eerit nege nogo at Ala nen neyareegerak me, kat kii'me nogo yege me wone yokkegerak ti aret o,” yoreegerak.

Wakkagagerak 31:52

Yugum logonak yi inom, ndi, wone nimbirak mbanggoorak ninami age kero, yugum ambiret mippogoorak yi inom, imbirak ninigen pekkenok, nineenu agak pogoorak yi, wonage kagak, obaga mbo kat nen an maluk eeppani wage, ndi, an nen kat maluk eeppagi nage, eerugun mondok lek o.

Wakkagagerak 47:31

Yoge mbareegi, at Yakup nen, “Abet aret yagandak kenok, kumbuk mbanu o.” Yoge mbareegi, at Yutup nogo nen, “Abet aret yagi o,” yinuk, kumbuk mbangge mbareegi, at Iterali nogo nen nogo yege menggim taati endobanggun yindumbunuk, Ala alut eereegerak.

Wundeegwaarak 3:6

Yoge nagagerik, ambinom yoge logonet, “Kombomini Abarakam inom, Itak inom, Yakup inom, inogoba Ala nogo ti, an aret o,” yinuk, yoreegerak nogo at Muta aruk konengge nagagerik, Ala enegen pekkoorak agabiti nen enete nobakkolagagerak.

Wundeegwaarak 5:21

yorogo logonet, “Kit eekotak paga Pirawun awuri inom nen iri'ngga pili agaatak obari ndi wuke menggi kwak, ninendage maluk eerogo pinanogotak paga ninooruwak nduk paloowi wogorogwe negen eekotak me, at Aliku ALA nen kit eekotak nogo liippinagage logomenggerik, kinowak loongginabigin o,” yinuk, yorogogwaarak.

Pelaareegerak 6:13

Kit nen at Aliku kinogoba Ala mban ayuk wuko logonet, at mban alut eekwi, at mban endage paga kumbuk mbanggwi, eeko logomunggup o.

Yotuwa 24:2

Yotuwa nen it aakumi Iterali apit aret yorage logonet, “At Aliku Iterali inogoba Ala nen ari logonet, O maan togon kinombomini Abarakam awuluk Nakot imbirak inogoba Tera inom niyo Eparat enebagan time logonet, an Ala nalut eekwi nobaane'me kugi eerit nogo nogogwaarak.

Owak Loongga 11:27

Nonggop nduk, nit nen kat maluk eeppagaga'lek niigak kwe, nit maluk eeppinangge logonet, ninom wim eeriyak ari agandik! Togop aret me, inowak loongga Aliku ALA nen ne yogondak yi paga Iterali inom, Amon inom, at nen mban ninawone mbanogo ninowak loonninabigin, yegerak o,” yinuk, yoruwak nduk, nappiyareegerak yori nogogwaarak.

1 Tamuwen 20:23

Ndi, kat nimbirak eeko logorak wone yogoorak nogo ti, kat yagandak inom, an yagarak inom, Aliku ALA enggaanom paga yogoorak me, at nen mban ninenggali wappinanege logukwak, mondok-mondok porogo logowok o,” yinuk, yoreegerak.

1 Tamuwen 24:12

An maluk a, kat maluk a, at Aliku ALA nen mban ninowak loonigin o. Kat maluk eeppanege menggendak ti, onggo an neenggi paga nen maluk eeppagagin lek o. Ata, Aliku ALA nen aret eeppagage logogin o.