Wakkagagerak 31:39 - Ala Wone Peenok Peebi Mbanak

³⁹ Nggeewo ta'ngge nen kaanggo ambi nibinogo nengge logonet, eyagate pugu nogo waganogo wokkiri waga'lek obaane'me an nen aret pege, liingge nen oonikiya nen aakumi yogoot kumaakaatak me, Awi yaru o, yo'nege kenok, awi yake, eeke nagagirak o.

Wakkagagerak 31:39 ပူးပေါင်းရင်းမြစ်များ

Wakkagagerak 31:38

An keya nage nagagirik, tahun 20 paga nimbirak logonet, kaanggumi ndegeninake neegak, kambin-ndomba inaagalogwe ndaganako logonet, tiirogo piigo logolik. Ndi, kaanggumi ngguunok ambi warogo nengge logolik mban.

Wakkagagerak 31:40

Liingge kenok mo andi ee'nake, oonikiya kenok togwi ee'nake, eeke kagak mban aret wu nogo yega'lek aret ndegeninake nagagirak.

Wundeegwaarak 22:31

It nen an namendek nake leenak logowak nduk, miirogo piyareegirak me, nggeewo ta'ngge nen inaanggumi ambi nibinogo pege kenok, it noorak ti mage o. Ata, it nggeewo nen aret nawak nduk, wogorogo logowak o,” yinuk, yoraawak nduk, yoreegerak.

Wundeegwaarak 22:9

Ndi, aap ambi nen aanggo lembu a, keledai a, ndomba a, ayum a, amendek a, lek aremenggerak kwaarit nege logonet, amendek nogo aap ambi porogo wonage enegen kage logomenggerik, it imbirak nen, Yi an namendek, yi kat kamendek, yogo logonet, wone wariyak nduk eekwi iinok, inowak loonggo menggam inowak loonuwak nduk, piya nogwe iinok, inowak loongga nen, Kat aret kumaakendak o, yinuk, oba lenggengge kenok, ambiret kumaaremenggerak kwe, onggo mbere aret awi yakkaawak o.

Ala Unde 22:8

Yi mendek ndi mendek kambemenggerak ilik, nggeewo ta'ngge nen nengge logonet ando pemenggerak a, nengge kenok, oba maluk eekkolookwak me, at noorak mage o. An Naliku ALA nen aret yagi o.

Lukat 2:8

O Mbe'lekem ando kundugu time it aap ndomba ndegeninaka nogo nen oonikiya paga endekem karume inandomba inarum wonogwe me,