Wakkagagerak 31:26 - Ala Wone Peenok Peebi Mbanak

²⁶ Wuppogo nogogwaarik, at Laban nen Yakup yoge logonet, “Kat nambokan lagangge logonet, an napurilogwe wim kugun negen wogoren wagandak yi, nonggop nduk eekendak?

Wakkagagerak 31:26 ပူးပေါင်းရင်းမြစ်များ

Wakkagagerak 12:18

Nappi wagagerak andi eeginabit nage mbareegi, at aap endagembogut nogo nen Abaram wiireegerak wage mbareegi, yoge logonet, “Kat nen, Nakweeluk, yagambok, Nawuluk, yagandak paga, An kolaakit, mba'nuk, name pi wagarak me, kat nonggop nduk, An nakwe aret o, yuulik eekendak ti paga an maluk eeppanegendak o. Kat kakwe aret me, ko'nok nak o.”

Wakkagagerak 2:24

Kwe nogo ti aap paga wogo me, aap nen agalo-ogoba mbo piinok, akweeluk imbirak ambit a'nuk, it imbirak ineebe mbere kwe, ambit aret logogun o.

Wakkagagerak 26:10

Yoge mbareegi, at Abimelek nen, “Kat nonggop eeppinanikit nduk, ti yagandak? Yi abet aret an nawuluk yigi, nduk, an nawuri ambi nen kat kakwe kagak waganogo imbirak nogo yenetak nen, kat nen aret nit maluk eerogo pinaninetak kagi o.”

Wakkagagerak 29:25

Nogo yinuk, ko'lu kuubondendok at Yakup nogo enegen pekkage nagagerik, Leya nogo aret mbareegi, Laban yori nage logonet, “Nami wae. Kat nonggop eeppanegendak o? Kapuluk Araken kolaakit nduk, kake yabu eeppagage nagagirak nogo lek a? Eeke nagagirak nogo kwe, nonggop nduk an nambo'me laganggendak?”

Wakkagagerak 3:13

Yoge mbareegi, at Aliku Ala nen kwe nogo yoge, “Kat nonggop nduk togop eekendak?” Yoge mbareegi, at kwe nogo nen, “At waalo nen nambokan laganogo yo'nege mbaki, mbanogo ninggirak o,” yoreegerak.

Wakkagagerak 31:16

Ti eekerak paga ninogoba amendek nit ninaagalogwe ninom wo'niroorak mendek Ala nen waganogo kat mban wokkegerak me, at Ala nen yokkegerak nogo ndak-ndak aret eeruwok o,” yinuk, yoreegwaarak.

Wakkagagerak 31:25

Yoge mbareegi, at Yakup nogo o Nggileyat puut nggelok-nggobok me ooliya wuppunuk wonage me, at Laban ka wage nagagerik, awuri inom time aret nogo yuwok nduk ooliya wureegwaarak.

Wakkagagerak 31:27

Nonggop nduk nambokan lagangge logonet, an yo'nirulik kumaat-kumaat mbagani wogotak? Kat nen, An yogondak name nagalo-nogoba wonogwe me iya na o, yo'nenetak nen, mbuti luu'ngget inom, nggitat inom, oone eekugak, ndawi warogo ale'nggen paga nappagi woraawok lak, yo'nirulik eekendak o.

Wakkagagerak 31:36

Eeke mbareegi, at Yakup enete aagi wu eeppunuk, Laban mberege logonet, “Nami o. An nano eekirak? An maluk ngge eeppagagirak paga kat mu'neren-ma'neren nege agandik?

Wakkagagerak 34:29

inayi mendek ndi mendek iname wonage nogo inom, elege-aabologwe inom, kumi inom, abok aret kugun wogonako nogogwaarik, iname piya wogogwaarak.

Wakkagagerak 4:10

Yoge mbareegi, at Aliku ALA nen, “Kat kawuluk nonggop eekendak me, amiya nggween paga nen oone yo'nege agaarik?”

Yaya 18:35

Yoge mbareegi, at Pilatut nogo nen, “An aap Yakuri mendek nombakendak ya? Kat kowe-kawot inom, aap Ala unde inoweewi inom, nen aret keebe waganogo wo'negaarak me, nonggop eekendak o?”

Yotuwa 7:19

Oba age mbareegi, at Yotuwa nen at Akan nogo yoge logonet, “Kat eekendak nogo kumaapporogo logorak ti abu mage o. Ata, at Aliku Iterali inogoba Ala enggaanom paga ayuk wuke logonet, kat eekendak nogo paganogo yo'niru o, naput.”

1 Tamuwen 14:43

Kin eeppege mbareegi, Tawun nen Yonatan yoge, “Kat nano eekendak? yo'niru o.” Yoge mbareegi, at Yonatan nen ari logonet, “An nen nowaanggun irip paga nggiin amburu ndanunogo pege nagarik, amburu we mbuuluk piit eerogo ninggirak kwe, an kambuurak op aret o.”

1 Tamuwen 17:29

Yoge mbareegi, Ndawut nen onggo ari logonet, “An nano eekirak me, yo'nege agandik? An we wone kin waganggirak ti, maluk mba'nuk yagan a?” yinuk,

1 Tamuwen 30:2

Kani mbelanogo piinok, kumi inanggok inom, tawe inom, ambiriluk ambi inoorulik tigitogon aret kugun wogoren nogogwaarak.