Wakkagagerak 31:24 - Ala Wone Peenok Peebi Mbanak

²⁴ Panggo yi woraanuk, oonikiya nogo yugwi me, Ala nen aap Aram mendek Laban nogo abi paga yoge logonet, “Kat Yakup kimbirak lambumbunuk, agabiti mbaruwak nduk koone maluk ambiriluk ambi yoge keyo liippu o.”

Wakkagagerak 31:24 ပူးပေါင်းရင်းမြစ်များ

Wakkagagerak 20:3

Wogori wogogwaarak wonage me, ne ambi paga at Abimelek nogo yege me, abi paga Ala nen yoge logonet, “Kwe ti, aap akwe kagak aret waganggendak me, kambumunggun o,” yoreegerak.

Wakkagagerak 20:6

Togop ari mbareegi, at Ala nen abi paga wone nogo yoge logonet, “Abet aret yagan o. It yagaarak ti, Yi abet aret yaga, yinuk, kiniki abe paga eekendak keege nagarik, an nenegen neegak kwe ti pigagangge paga, maluk eeke keyo nduk, an nen non mbambagage wonagarak o.

Wakkagagerak 24:50

Yorage mbareegi, it Laban Mbetuwen imbirak nen yogo logonet, “Wone arit wagaarak yi abok aret ti, at Aliku ALA nen mban koonit wagaarak me, nit nen wone maluk-obeelom ambi kat yokkirugun mondok lek o.

Wakkagagerak 28:5

aruk wappege nagagerik, at Yakup nogo o Paran-Aram oweeluk Etawu imbirak inagalo Iribaka oweeluk Laban ogoba Mbetuwen aap Aram mendek ame nogome aret nappereegerak.

Wakkagagerak 31:10

Ndi, kambin-ndomba ineebe wali kuninabit nogwe eyom paga an ne ambi nabi paga kage logonet, kambin wali eeruwak tikarok inom, mili-yanggwi yabuk aago inom, mili-miya eerak inom, nogo mban leenak wali kuninabit nogwe iinok,

Wakkagagerak 31:11

at Ala ayonggo malayikat nogo nen, Yakup wae, yo'nege mbaki, an nen, Wae, yoge mbaki,

Wakkagagerak 31:23

Yogo mbareegwa, at Laban awuri kuwak eeppiige nagagerik, Yakup ambo'me mugurok wogogwa-wogogwa, nogo 7 yegak at Yakup nogo puut nggelok-nggobok o Nggileyat taa'nogo wonage me ka woraawok nduk panggo yi wogogwaarak.

Wakkagagerak 31:25

Yoge mbareegi, at Yakup nogo o Nggileyat puut nggelok-nggobok me ooliya wuppunuk wonage me, at Laban ka wage nagagerik, awuri inom time aret nogo yuwok nduk ooliya wureegwaarak.

Wakkagagerak 31:29

An nomaawi ambik aret me, mondok maluk eerogo pagakit nduk aret wagarak kwe, kii'me oonikiya nogo yege me, kogoba Itak ogoba Ala nen nabi paga yo'nege logonet, Kat Yakup kimbirak lambumbunuk, agabiti mbariyak nduk koone maluk ambiriluk ambi yoge keyo liippu o, yo'negerak paga we teppagagi o.

Wakkagagerak 31:42

An nogoba Itak ogoba Ala inom, Abarakam ogoba Ala inom, ndi, at Itak nen Ayuk Wuke Menggerak inom, nogo nen an narum logonetak lek nen, kat nen an neenggime ambi panega'lek we aret mugogo nappani woranetak kwe, an andi-pandi ee'nake kagak, kat keyabu nggwiirit-nggwaarit eerit nege nogo at Ala nen neyareegerak me, kat kii'me nogo yege me wone yokkegerak ti aret o,” yoreegerak.

Wakkagagerak 31:7

Yabu togop eeke nagarak onggo, Ndogop wokkirigin o, yinuk, yo'negerak kwe, ne 10 paga wi-wi ee'nake logonet, onggo ndak-ndak wo'nirulik eekerak kwe, neebe perak, maluk eeppanukwak nduk, Ala nen at non mbamborogo wonagagerak o.

Wakkagagerak 40:5

Punogo pereegerak inarum wonage kagak, aap endagembogut Metit mendek awuri mbere, ambi, amburu tooka inowe nogo inom, ambi, oroti woraka inowe nogo inom, imbirak keele maarak wonogwe nogo nen ne ambit oonikiya paga imbirak inabi kogogwaarak. Inabi kogogwaarak nogo ti, eebe inom, alom inom, alitak aret kogogwaarak.

Wakkagagerak 41:1

Tahun mbere abu eeppunuk, at Pirawun abi kage logonet, at eebe niyo Nin aa'nggi paga mi'ndak wonage me,

2 Tamuwen 13:22

Ndi, at Abatalom perak, awuluk Tamat at Amonon nen maluk eeppereegerak paga, “Maluk eekendak, obeelom eekendak,” wone ambi Amonon yoga'lek we anini mban mbake nagagerak.

1 Endagembogut 3:5

Kumbunuk o Nggibeyon nogome awo wonage logonet, ne ambi paga oonikiya nogo yege me, at Aliku ALA eebe aap Talomo nikka wage nagagerik, abinggaanggo paga yoge logonet, “Talomo wae. Kat nen, An nano mendek wo'niriyak, nombake kenok, wokkirikit nduk, nggino yo'niru o.”

Ayup 33:25

Inagabolo aap tawe inagabolo kwak ogwe, Aap tawe logonet mengga kwak ineebe togop aret ogwe, Eerugun o.

Yetaya 37:29

At anini Aliku ALA oba pege, Iniki tiyappake logonet wone ari, Eeke ti, Ala aruk me muk unggwi wagaarak me, Ala ageele paga aap ti ogobak pelenak me mambege, Ambutimanggen ambeme nggelembege, Eerogo punuk, nikkenok, tu wagam iyokan ame aret nappigin, yegerak o.

Oteya 12:12

At Yakup nogo mbaganit o Aram nage nagagerik, time logonet, At Iterali nen akwe kolaakit nduk aakumi inayeloman age, Akwe koloorak onggo ndomba ndegeninake, Eeke nagagerak o.

Linggineegwaarak 12:6

at Aliku ALA nen it yorage logonet, “An wone yokkirage yi, kinaruk logonip o. Aap ambi Naliku ALA noone yoge neegak yorage menggerak kinenggela'me wonage nogo, An nen abinggaanggo paga neebe nikkage, abi paga yoge, Eeke minggirak o.

Linggineegwaarak 22:20

Yorage nagagerik, inom nogo yege me, at Ala nen Mbileyam nogo ka wage nagagerik, yoge logonet, “Mbileyam wae. It aap yi, kat kinom noorak nduk muk kayonggo wagaarak wonogwe me, kinom aret nak o. Ndi, nage logomenggendik perak, an yokkege neenok mban eerumunggun o,” yinuk, yoreegerak.

Linggineegwaarak 22:26

Warit nage kagak, Aliku ALA ayonggo malayikat nogo tu ambi abu nggelok ena agi agak, ogu agak, eeriyak meek nogome aret aa'nduk mi'nari wagagerak.

Linggineegwaarak 24:13

At Mbalak nogo nen, An onggo wo'niriyak nduk, mbuti emas inom, mbuti perak inom, ame o nggwok abe wurik nogome yagabit eerogo pemenggerak kwe, at Aliku ALA nen, Yogop eeriyak, yegerak nogo taganogo punuk, op a, maluk a, nalik niniki mba'nuk eerigin lek o. Ata, Aliku ALA nen yo'nege kenok mban yigin o, yinuk, yoragagirak nogo lek a?” yinuk, yoreegerak.

Matiyut 1:20

“Mbo pi ilik, lek a?” yinuk, iniki awo koongge nogo yege me, abi paga Ala yonggo nappiya wage menggerak malayikat mendek ambi at owagam wage nagagerik, yoge logonet, “Kat Yutup Ndawut ombooluk yi wae. Kwe Mariya abila agaarak nogo ti, Aberiniki paga aret abila agaarak me, keebi mbarugun o. Kat kakwe ti aret kolet o.

Matiyut 2:12

Wogo'nuk, nogo yugwi me, at Ala nen, “Aap Keroret wonage me tu kiniyok paga nagup o,” inabi paga kurumbi yorage mbareegi, it nogo tu alik paga iname nogogwaarak.

Matiyut 27:19

Yorage nagagerik, owak looninake menggim taati kwi'na'nuk, wonage me, aap ambi wage nagagerik, Pilatut yoge logonet, “Pilatut wae. Kat kakwe nogo, oonikiya yi paga abi kage logonet, Aap ti iniki abu koonak kagak maluk eeppugwi, kage nagarik, niniki aaninggin ambik agaarak me, nore nen maluk eeppege kero, yori nak o, yo'nege mbaki, yokkiri wagi o,” yoreegerak.

Pelaareegerak 26:5

Pi nage kenok, kit nen at Aliku kinogoba Ala enggaanom paga wone yogop aret yumunggup o. O maan togon it aakumi Aram mendek ninogoba ambi yaluk-ndaluk agan nege nagagerik, apuri we mbuuluk mban inom o Metit ari nanuk, aap nggiru negen wonogo logonet, inanebunu nggwok lombok wigak yogo nogogwaarik, inomaawi ambik ineebe ambik lombok ogogwaarak.