Wakkagagerak 31:11 - Ala Wone Peenok Peebi Mbanak

¹¹ at Ala ayonggo malayikat nogo nen, Yakup wae, yo'nege mbaki, an nen, Wae, yoge mbaki,

Wakkagagerak 31:11 ပူးပေါင်းရင်းမြစ်များ

Wakkagagerak 18:1

Ne ambi paga at Abarakam nogo o Mamere eyo teno alome taati o liingge mo andi ambik mbareegi, awooliyana tungga'nggi paga kwi'ndak wonage me, at Aliku ALA nen nikka wagagerak.

Wakkagagerak 18:17

Nappiya nage me, at Aliku ALA iniki nen mbake logonet, “At Abarakam apuri ambik aret wiganggo logomenggaarik, inanebunu nggwok inomaawi ambik aret logogun o. At paga yi aakumi ndi aakumi nggween paga logomenggaarak nogo inale'nggen aret mbako logogun. Ndi, at apuri ndaganabemenggerak inom, it nen wigannaremenggaarak mendek inom, iniki an noba panggombunuk obeelom koonak mban eerit nogo logorak paga Abarakam eeppuurak yoreegirak nogo an ndak-ndak eeppuurak inaruk wake logowak nduk aret mippereegirak me, an yogondak eeriyak koonggirak nogo, at Abarakam yoga'lek kumaappunuk logorak meek o. Ata, yorikit aret o,” yinuk, mbareegerak.

Wakkagagerak 22:1

Ti'nuk, ne ambi paga at Ala nen Abarakam iniki abut mbanikit nduk, yoge logonet, “Abarakam wae,” yoge mbareegi, at Abarakam nen, “Yu o, nogoba.”

Wakkagagerak 22:11

at Aliku ALA yonggo malayikat mbogut paga nen oone ari logonet, “Abarakam wae. Abarakam wae,” Yoge mbareegi, at Abarakam nen, “Yu o, nogoba,”

Wakkagagerak 22:15

Ti'nuk, Aliku ALA yonggo malayikat mbogut paga nen Abarakam ambinom yoge logonet,

Wakkagagerak 31:10

Ndi, kambin-ndomba ineebe wali kuninabit nogwe eyom paga an ne ambi nabi paga kage logonet, kambin wali eeruwak tikarok inom, mili-yanggwi yabuk aago inom, mili-miya eerak inom, nogo mban leenak wali kuninabit nogwe iinok,

Wakkagagerak 31:13

Kat nen o Mbeten paga kabi kagagindak kobak age kero, yugum kanep mbanak nogo waganogo mippunuk, eyo tayitun amburu yugum nogo paga kilirogo pege logonet, nendage kunogo kumbuk mbangge eyom paga nimbirak lambuneegurak nogo, kogoba Ala an aret o.”

Wakkagagerak 31:24

Panggo yi woraanuk, oonikiya nogo yugwi me, Ala nen aap Aram mendek Laban nogo abi paga yoge logonet, “Kat Yakup kimbirak lambumbunuk, agabiti mbaruwak nduk koone maluk ambiriluk ambi yoge keyo liippu o.”

Wakkagagerak 31:5

ka wogo mbareegwa, yorage logonet, “Kumi yi wae. Kit kinogoba etenggen aa'nduk nimbirak abe wonagagerak togop nogo wonage lek kagi kwe, an nogoba Itak ogoba Ala perak, an teppanega'lek narum aret wonage o.

Wakkagagerak 37:5

Togop eekwi wonogwe iigak, ne ambi paga at Yutup nogo abi kage nagagerik, oweewi mbininogo yorage logonet, “Noweewi o. An nabi kagarak wone yokkiraakit nen kinaruk logonip o. Nit abok aret nineyabu yarak me ninombato keele maarogo pit nogo mbako, an nombato keele maarak nogo abera'lek me oolo tiyak ari kagak, kit kinombato keele maarak nogo an nombato keele maarak abu'me yuwo-yuwo wangge kagarak o,” yinuk, yorage nogo oweewi konenggo nogogwaarik, abunuk ineebi lombok ombako logonet,

Wakkagagerak 46:2

Ala alut eeke mbareegi, at Ala nen oonikiya abinggaanggo paga Iterali yoge logonet, “Yakup wae. Yakup wae.” Yoge mbareegi, at Yakup nen, “Yu o, nogoba.”

Wundeegwaarak 3:4

At Muta nogo enegen pekkaakit nduk panggo yi nage nogo Aliku ALA kage nagagerik, eyo ku'mbanak enggela'me nen oone yoge logonet, “Muta, Muta.” Yoge mbareegi, Muta nen, “An yime wonage me, yo'niru o.”

Yetaya 58:9

Ti eeko logonet, Naliku ALA yo'nugwi iinok, an nen wone onggo yorage, Yeenggwa niret o, yo'nugwi iinok, an nen, An yime agarik o, yinuk, yorage, Eeke logogin o. Tapi eyo aaninggin inuut paga pogo mengga kwak it inoreewi aaninggin inoba piigwi, Inoreewi inenggali wappiigwi, Meek eerogo piigo logonet, inoone lok togon yorogwe, Eekwi ti, mbo punuk,

Linggineegwaarak 12:6

at Aliku ALA nen it yorage logonet, “An wone yokkirage yi, kinaruk logonip o. Aap ambi Naliku ALA noone yoge neegak yorage menggerak kinenggela'me wonage nogo, An nen abinggaanggo paga neebe nikkage, abi paga yoge, Eeke minggirak o.

Matiyut 27:19

Yorage nagagerik, owak looninake menggim taati kwi'na'nuk, wonage me, aap ambi wage nagagerik, Pilatut yoge logonet, “Pilatut wae. Kat kakwe nogo, oonikiya yi paga abi kage logonet, Aap ti iniki abu koonak kagak maluk eeppugwi, kage nagarik, niniki aaninggin ambik agaarak me, nore nen maluk eeppege kero, yori nak o, yo'nege mbaki, yokkiri wagi o,” yoreegerak.

1 Tamuwen 3:16

at Eli nen Tamuwen wiireegerak nage mbareegi, yoge logonet, “Naput wae.” Yoge mbareegi, at Tamuwen nen, “Yu o, nogoba.”

1 Tamuwen 3:4

at Aliku ALA nen Tamuwen wiireegerak. Wiige mbareegi, Tamuwen nen, “An yime agarik o, nogoba,” yinuk,

1 Tamuwen 3:6

Nogo yege me, at Aliku ALA nen, “Tamuwen wae,” yinuk, ambinom wiige mbareegi, Tamuwen nogo mi'na'nuk, Eli wonage me nage nagagerik, yoge logonet, “Kat nen wii'nege mbaken, wagarak yime agarik o, nogoba.” Yoge mbareegi, at Eli nen, “Lek o, naput. An nen wiigirulik me, nogo yi nak o,” yoreegerak. Aliku ALA nen ti eyom kuli Tamuwen imbirak wone awo mbangga'lek wonagagerak me, at Tamuwen nogo, “Yi Aliku ALA nen aret yo'nege kagi,” mbaka'lek wonagagerak.

1 Tamuwen 3:8

Aliku ALA nen wulaga Tamuwen ne mbere wiige nagagerik, ambinom wiige mbareegi, at Tamuwen nogo mi'na'nuk, aap Eli wonage me nage nagagerik, “Kat nen wii'nege mbaken, wagarak yime agarik o, nogoba.” Yoge mbareegi, ne kenagan yoreegerak ti paga at Eli nogo nen, “Wulaga yi, Aliku ALA nen aret wiige kagi o.”