Wakkagagerak 30:35 - Ala Wone Peenok Peebi Mbanak

³⁵ Yoge nagagerik, ne ti paga aret at Laban nen kambin ngguunok eeruwak tikarik-tikarok eerak kenok, mili pegak miya pegak eerak kenok, leenogo piige, ndi, kambin kooli eeruwak mili-yanggwi yabuk-ndabuk eerak inom, mili pegak miya pegak eerak inom, togop eerak kwe, ineebe paga ineeruwak yanggwi nggwok kunik kenok mban alik leenogo piige, ndi, ndomba aagalogwe ineeruwak mili kenok leenogo piige, eeke nagagerik, leenogo piyareegerak nogo apurilogwe nen ndegeneren nawak nduk, yorage mbareegi,

Wakkagagerak 30:35 ပူးပေါင်းရင်းမြစ်များ

Wakkagagerak 31:9

ti paga at Ala nen kit kinogoba aanggumi nogo abok aret waganogo an mban aret wo'negerak o.

Wakkagagerak 30:32

An kaanggumi wonogwe me nage logominggirik, ndomba aagalogwe ineeruwak mili kenok, kambin-ndomba ineeruwak mili-yanggwi yabuk-ndabuk eerak ndarak kenok, kambin aagalogwe mili pegak miya pegak eerak ndarak kenok, an yabu eeke nagarak onggo ti aret koloorak me, leenogo piya na o.

Wakkagagerak 30:34

Yoge mbareegi, at Laban nen wone onggo yoge logonet, “Op aret o. Yagandak nogo ndak-ndak aret eeko logowok o.”

Wakkagagerak 30:36

at apuri nogo nen Yakup enegen mari wuppunuk, kambin-ndomba nogo wogoren tu paga nogo kenagan yit tayorogon time piya nogogwaarak iigak, Laban aanggumi ando piinok nogogwaarak nogo at Yakup nen ndegeninake nagagerak.

Wakkagagerak 46:34

kit nen, Nit ninombomini nen wande'me kambin-ndomba ndegeninako monggoorak o, yogwi kiinok, it aap Metit mendek nen ndomba unde logorak ineebi mbako menggaarak me, o Nggoten time logorak, E, yuwak nduk, yori nagin o,” yinuk, yoragagerak.