Wakkagagerak 30:30 - Ala Wone Peenok Peebi Mbanak

³⁰ An keya waga'lek neegak, kaanggumi ti, we mbuuluk mban aret wonogogwaarak kwe, yogondak ambik lombok wigak yegerak ti, an yime wonage paga Aliku ALA ale'nggen koba pagage logonet eekerak op kwe, an nakwe-napuri perak, ngge eyom paga yeenggwaarobok aga o?”

Wakkagagerak 30:30 ပူးပေါင်းရင်းမြစ်များ

Wakkagagerak 30:29

Yoge mbareegi, at Yakup nen wone onggo yoge logonet, “Nami o. Keyabu eeke logonet, nomaawi alik negen tit eeke, ndi, kaanggumi ndegeninake paga nonggop age, eeke nagarak nogo keenu aret o.

Wakkagagerak 30:31

Yoge mbareegi, at Laban nen, “Togop kenok, an nano mendek wokkiri?” Yoge mbareegi, at Yakup wone onggo ari logonet, “Nami o. Kat nen yi wo'negak ndi wo'negak eeriyak paga yokkege ti lek o. Ata, wone an yokkege yi iluk ti, Op o, yo'nege kenok, kaanggumi arum logonet ndegeninake logogin aret o.

Wakkagagerak 30:43

Ti eereegerak paga at Yakup nogo aap nggwok eenggi warak age nagagerik, aanggumi kambin-ndomba inom, keledai-unta inom, apit aret unde a'nuk, ayeloman mini kumi-aap apit aret wonagagerak.

Wone Alom Kibingga 3:6

Kwaariyak eyom wonage, kwaaka'lek mbo puurak eyom wonage, Patogo logorak eyom wonage, mbo puurak eyom wonage,

2 Korindut 12:14

Aa'nduk ne mbere paga kiya wagagirak kwe, yogondak ne ambi inom pekkiya woroorak koongge agarik o. An woroorak ti, aaninggin ambi kinoba pinagakit nduk, woraagin lek o. Elege-aabologwe nen inogobamini inarum wonogolik o. Ata, inogobamini nen aret elege-aabologwe inarum menggaarak me, an kinogoba kinamendek ambi kolaakit nduk, woraagin lek o. Ata, kit kineebe lombok kinabuwa nen aret woraagin.

Pelaareegerak 11:10

Nggween kit unggwi nanuk unde eeppatinuk logowam ti, aakumi noorak ake kom yappunuk, niyo mbininogo mambi wogo mengga kwak, kit o Metit paga logonet, yabu aaninggin-paaninggin eerogo yappunuk, anggen mbanogo nonggo nogogutik, wundi wogogu'nom togo'nogo lek o.

1 Timotiyut 5:8

Aap ambit-ambi at owe-awot ndegeninakeelik ti, maluk aret kwe, at apuri lombok ndegeninaka'lek kenok perak, it aakumi abet mbaka'lek mendek ti, we maluk mbuuluk negen kwe, aap ti perak, maluk mondok nggwok aret eeke menggerak o. At abet mbareegerak nogo ti, mbo pereegerak aret wonage o.