Wakkagagerak 30:27 - Ala Wone Peenok Peebi Mbanak

²⁷ Yoge mbareegi, at Laban nen ari logonet, “Kat nimbirak wonogwe paga at Aliku ALA ale'nggen noba panege logonet, ena koonogo wo'nege neenu me, kat nabuwa mba'nuk ninom ya'i logowok o, namboko!

Wakkagagerak 30:27 ပူးပေါင်းရင်းမြစ်များ

Wakkagagerak 12:3

It aakumi nen kat obeelom eeppagagwi iinok, An nen it obeelom eerogo piige, Ndi, it aakumi nen kat pulunogo pagagwi iinok, An nen it pulunogo piige, Eeke logogin o. Yi aakumi ndi aakumi o nggween paga yime abok aret Kat paga inale'nggen ambik kogo logogun o,” yinuk, yoreegerak.

Wakkagagerak 18:3

Keyage waganake nagagerik, yorage logonet, “Nogobamini o. Kit ya'i ninom logonuk noorak op mbakwi kenok, an neegak, kit nok-nok noorak lek o.

Wakkagagerak 26:24

Nage nagagerik, oonikiya nogo yege me, at Aliku ALA at owagam wage nagagerik, yoge logonet, “Kat kogoba Abarakam ogoba Ala an aret o. An mondok-mondok karum wonage, ndi, nale'nggen koba pagage logonet, nayeloman Abarakam wone abuk nggaruk togon yoreegirak nogo ndak-ndak kat kapuri-kombowologwe ambik aret wiganogo piige, eerigin me, kagabiti mbarugun o.”

Wakkagagerak 30:30

An keya waga'lek neegak, kaanggumi ti, we mbuuluk mban aret wonogogwaarak kwe, yogondak ambik lombok wigak yegerak ti, an yime wonage paga Aliku ALA ale'nggen koba pagage logonet eekerak op kwe, an nakwe-napuri perak, ngge eyom paga yeenggwaarobok aga o?”

Wakkagagerak 33:15

Yoge mbareegi, at Etawu nen ari logonet, “Togop kenok, an nawuri ando ndegenggabit nawak nduk, leenogo piinok na o.” Yoreegerak kwe, at Yakup nen, “Togop eeriyak ti mage o. We nabuwa mbakak kiniki ugun aret namunggun o, nowe,” yoreegerak.

Wakkagagerak 34:11

Yorage mbareegi, at Tikem nen Ndina owewologwe inom, ogoba inom, yorage logonet, “Kit nen nabuwa nomba'nuk, kolaga yi wo'nogo logonet, Ndi mendek wo'niret o, yo'nugwi kiinok aret wokkiraagin me,

Wakkagagerak 44:5

Niyoowak yogoot kumaakotak ti paga ninogoba nen niyo nengge, tili pagangge, eeke menggerak nogo lek a? Ti eekotak ti, abu maluk aret eekotak, yora nak o,” yinuk, nappereegerak.

Wakkagagerak 47:25

Yorage mbareegi, it abok nen yogo logonet, “Nit kambuurak aret kwe, ninogoba kat ninabuwa nen ninagap nda'ninakendak me, at Pirawun ayeloman logorak ti, op mban aret o,” yoreegwaarak.

2 Tamuwen 6:11

Pereegerak time wonage kagak, tut kenagan peneneegerak paga aap Nggat mendek endage Obet-Erom inom, at inom menggaarak abok inom, at Aliku ALA ale'nggen inoba piige nagagerak.

1 Endagembogut 11:19

At Pirawun nen aap Karat nogo inikilom mbake nagagerik, at akwe lombok kwe nggwok endage Tapenet awuluk at ebeniluk nogo, Karat kolaawak nduk, wogoreegerak.

Nekemiya 1:11

nogoba wae. An kayeloman tamban eeke yi inom, it kayeloman mini iniki nen kayuk wuko logonet, tamban eekwi ti inom, karuk liirogon konenu o. Ndi, konengge logomenggendik, o yogondak aret an aap ti, yori unggwage neegak, E o, yuwak nduk, an kayeloman yi, nabuwa mbaru o,” yinuk, tamban eereegirak. An ti, aap endagembogut ake agi toolak wonok nega aret wonagagirak.

Nekemiya 2:5

aap endagembogut nogo yoge logonet, “Kat kendagembogut nen an kayeloman yi, nombomini kambeegwaarak piya unggwogogwam o Yekura kota Yerutalem obaane'me wuriyak op aret mbake, ndi, At nen aret wuri nagin, nombake, eeke keenok, an aret nappanu o.”

Ndawi 1:3

Eyo niyo eneeri me yarak logonet, anggen yege eyom paga anggen yege, Engga mbuk ageelik ki wonage, Eeke menggi kwak, Aap ti, eeriyak mbake nogo A'me nggelok mban arit nage logogin o.

Wundeegwaarak 3:21

Wundi wogo logonet, kineenggime lek we wundi worookwak, an nen aakumi Metit mendek inamendek wokkiraawak nduk iniki yanggonogo piyaminggirak paga

Yetaya 6:13

O time aap ineebe 10 inooko logonet, ambiret teppegak eeremenggaarak nogo, Ambokan unggwogo logonet, inoorogo piinet nogo logogun kwe, Eyo win inom, eyo teno inom, muurogo pegaatak kwe, andokon wonage menggi kwak, Aakumi alik leenak yumbunik nogo paga nen inagarip wundigin o,” yinuk, yo'nege kagarak o.

Yetaya 61:9

It paga wiganak nogo yi aakumi ndi aakumi inenggela'me nugwi iigak, It nogo aret nugu agaarik o, yinuk, liippiigwi, Inombowologwe nogo aakumi inanebunu lombok inenggela'me wonogwe iinok, It nogo aret o, yinuk, yogwe, Eeko logogun o. It aakumi abok nen it ti, inigen iigo logomenggaarik, It aakumi Aliku ALA ale'nggen inoba piige nogo mendek yi aret o, yinuk, yogo logogun,” yegerak o.

Yetaya 65:8

Aliku ALA nen yegerak nogo yi aret. “Anggur anggen luurik-maarak yugu ambi amburu awo wonage kenok, aakumi nen, Amburu awo wonage me mbo puurak mage o, yogo mengga kwak An nayeloman mini ando abe eekwi me, an nen it abok aret lek eerogo piyaagin lek o.

Ndaniyen 1:9

At Ala eeppereegerak paga aap endagembogut ayeloman Atepenat nogo nen Ndaniyen iniki kunik mbake, abuwa nen obeelom eeppuurak mbake, eereegerak kwe,

Linggineegwaarak 11:11

Mbake nagagerik, at Aliku ALA yoge logonet, “Kat nonggop nduk an kayeloman yi, maluk eerogo panege agandik? It Iterali mendek wogoren wage, inawone mbangge, eerit nege minggirak kwe, nabuwa mbaka'lek an nonggop eekirak paga it yogwe ti, Kat kobaalombok koonu o, yinuk, mbo panege agandik?

Linggineegwaarak 11:15

Aaninggin yogobi mban eeppanege logonet, irip paga maluk noba ariyak neebi me, nggarurogon kambikit nduk yogondak aret nabuwa nen nooru o,” yinuk, yoreegerak.

Nappiigak 7:10

aaninggin-paaninggin kage nogo Ala nen lek eerogo pege, ndi, at Yutup nogo aap o Metit endagembogut Pirawun enggaanom paga obeelom eerit nage kagak, Wulaga yi, iniki warak lombok o, yinuk, Pirawun ale'nggen mbaruwak nduk, yeenggwaage, eeke kenok, at Pirawun nen o Metit unde wonage, ndi, at awi abe nggwok wurik nogo arum wonage, eeke logowak nduk mippereegerak.

Urut 2:13

Yoge mbareegi, at Urut nen at yoge logonet, “An nogo ti, kat kayeloman mini kumi nogo ndak-ndak lek aret wonage neegak kwe, an kayeloman nabuwa lombok nombake logonet, koone yanggorogon yo'nege, niniki eyak wappanege, eekendak me, mondok-mondok togop aret eeppanege logot o, nayinggelo,” yoreegerak.

1 Tamuwen 16:22

Eerogo pege nagagerik, at Tawun nen Itayi yori nawak nduk, wone agago nappege logonet, “At Ndawut yi, an ninikilom aret me, nimbirak logonet, nake eeke logorak, Op aret, yo'niru o,” yinuk, eerogo nappereegerak.