Wakkagagerak 30:20 - Ala Wone Peenok Peebi Mbanak

²⁰ Ndake nagagerik, at Leya nen ari logonet, “Ala nen onggo lek naagaluk wo'nege yi, mondok iya lombok eerogo panege mbaki, an naagalogwe wologwe 6 aret Yakup obaane'me ndakirak yi paga nen perak, yogondak nogonggelo nen waganogo enaame panigin kagi o,” ari nagagerik, “Wulaga yi endage ti, Tebulon aret o,” yinuk, tooneegerak.

Wakkagagerak 30:20 ပူးပေါင်းရင်းမြစ်များ

Wakkagagerak 29:34

Ti'nuk, at kwe Leya nogo ambinom abila a'nuk, aagaluk wulaga ambi aret ndake nagagerik, ari logonet, “Yogondak perak, nogonggelo obaane'me naagalogwe kenagan aret ndaganakirak me, iniki kundugu nggwok lombok ee'nabigin kagi,” ari nagagerik, endage Lewi tooneegerak.

Wakkagagerak 30:15

Yoge mbareegi, at Leya nen ari logonet, “An kunduk nogonggelo aret kwe, kat mban kimbirak a'nuk wonage ti meek eeppunuk, yogondak naagaluk nen elege ndaganaka iri'ngga kwaakerak nogo inom mban wokkiriyak nduk nggino yo'negen ya?” Yoge mbareegi, at Araken nen, “Togop kenok, kaagaluk nen elege ndaganaka iri'ngga wokkiri wagaarak ti, an ambi wo'nege kenok, onggo yogondak oonikiya Yakup kimbirak nogo yenok o,”

Wakkagagerak 30:19

Ti'nuk, peebi at Leya nogo ambinom abila age nagagerik, aagaluk wulaga ambi aret ndareegerak. Ti ndareegerak nogo aagalogwe ineebe lambuk togon 6 aret agagerak.

Wakkagagerak 30:21

Ti'nuk peebi logonuk negen kolaga ambi ndake nagagerik, endage Ndina aret tooneegerak.

Wakkagagerak 34:12

kinawuluk awu inom, agalo-ogoba iniki tebenogo mande negen wo'niroorak mbakwi nogo inom, abok aret noba panugwi kiinok, ndak-ndak aret wokkiraakit nduk, kinawuluk ti mban wo'ninip o.”

Wakkagagerak 35:23

Kwe Leya aagalogwe inendage ti, Yakup aput manggu, Uruben. Ndi, ambo'me Timeyon, Lewi, Yekura, Itakat, Tebulon, aret ndaganabeegerak.

Wakkagagerak 46:14

Tebulon, at apuri Teret, Elon, Yakelen inom,

Wakkagagerak 49:13

Kat Tebulon ti, Niyo nggwok yenggenak laut aa'nggi paga mban Kawi wuppatinuk wonage me, Yiiro-ndiiro niyo nggwok paga nugu menggaarak nogo Kat wonage me unggwi wogo logogun o. Ndi, kat kanggween ti, O Tiron kuli aret logogin o.

Ndawi 68:27

Mbeniyamin paga ineebe mbuuluk wiganak nogo inaa'nduk ogwe, Ndi, aap Yekura paga wiganak Nagawan-nagawan kombogonak inambokan nogwe, Aap inengga warak nagawan-nagawan Tebulon paga wiganak inom, Natali paga wiganak inom, Age mbanit inambokan nogwe, Eekwi iigo o,” yinuk, Ndawi wareegwaarak ti aret.

Wundeegwaarak 22:17

Ndi, at ogoba nen apuluk kolaga nogo, Aap ti wogoriyak mondok neebi o, ari kenok, komologwe aap inom lambungga'lek awo tawe iinok, inawu pogo mengga kwak, imbirak nogo yegerak onggo togop ndak-ndak aret puwak o.

Matiyut 4:13

Nage nagagerik, o kota Nataret nogome teppunuk, o Kaperenawum yi yenggenak aa'nggi paga it aap Tebulon mendek inom, Natali mendek inom, iname nogome aret puk a nagagerak.

Pelaareegerak 27:13

ndi, inanebunu Uruben, Nggat, Atet, Tebulom, Ndan, Natali, it nen aakumi pulunogo piyaawak nduk, puut Eban paga mi'ndak wonogwe, eekwi iigak,

Owak Loongga 4:10

Nogo nogogwaarik, at Mbarak nen it aap inanebunu Tebulon mendek inom, Natali mendek inom, aap ineegin warak ineebe sepuluh ribu nogo woraawak nduk, yonggo piyareegerak wogo mbareegwa, inom nogo logonet, at Ndebora nogo inom nogogwaarak.

Owak Loongga 5:14

Eparayim mendek Amalek inanggween paga nen wogwe, Mbeniyamin awuri inom wogwe me, inom wogwe, It Makit mendek nen inogobamini wim wone mbangga wogwe, Tebulon mendek nen yigin unde inoweewi wogwe, Eekaarak o.