Wakkagagerak 30:2 - Ala Wone Peenok Peebi Mbanak

² Yoge mbareegi, at Yakup nen Araken mberege logonet, “An Ala kokwak me nduk ari agandik ya? At Ala nen aret kat elege ndake keyo, non mbambagage wonage o.”

Wakkagagerak 30:2 ပူးပေါင်းရင်းမြစ်များ

Wakkagagerak 25:21

Wagangge nagagerik, akwe Iribaka nogo aagaluk ndaka'lek mbareegi, at Itak nen akweeluk ake tamban eeke mbareegi, at Aliku ALA aruk konengge kagak, kwe Iribaka nogo aret abila agagerak.

Wakkagagerak 29:31

Yakup nen kwe Leya iniki kunik lek wonage nogo at Aliku ALA nen kage nagagerik, aagaluk ndaruwak nduk, eeppereegerak kwe, Araken nogo perak, wubili aret wonagagerak.

Wakkagagerak 31:36

Eeke mbareegi, at Yakup enete aagi wu eeppunuk, Laban mberege logonet, “Nami o. An nano eekirak? An maluk ngge eeppagagirak paga kat mu'neren-ma'neren nege agandik?

Wakkagagerak 50:19

Yoreegwaarak kwe, at Yutup nen it yorage logonet, “Kit kinagabiti mbarugup o. An at Ala kwak a'nuk eeppinagage neyo nduk yogop?

2 Endagembogut 5:7

Wogori wage mbareegi, aap Iterali inowe endagembogut liiru mbanak nogo malengge nagagerik, ayum nibinogo patinuk, ari logonet, “An Ala aret me, aakumi inooke, ineenik aganake, eeke minggirak me nduk, aap awin aaga'ne agabolo paga kunik yi, Obeelom eeppuwak, nomba'nuk, yo'nigi mbakop? An nano paga yilunogo, At maluk eeppikit, nombake nagaarik, liiru mbanogo nappani wagaarak yi kogop a?” yereegerak.

Ndawi 113:9

It kumi wubili iname inalik wonogwe me, Inaagalogwe wogoramenggerak inom logonet, inale'nggen kogo logowak nduk eeppiige, Eeke menggerak o. Aliku ALA tiyappogo logowok o.

Ndawi 127:3

Nit ninapuri nogo ti, At Aliku ALA nen yate kwak wo'nirage, Ninagalomini inikime logombunuk ndaganakwi ti, Onggo lek we aret wo'nirage, Eeke menggerak o.

Wundeegwaarak 32:19

Yoge nagagerik, at Muta nogo aakumi inawooliya wurik me koorok panggo yi wambi wage nagagerik, tapi aagaluk ogut ogobakkigirik nogo inom, aakumi apit kwirabik-kwirabok yogwe nogo inom, iige nagagerik, anini ambik a'nuk, ineraaket nen yugum paga liiru mbanak eenggime wonage nogo, puut abu'me taati aret yigirik-noonom eerogo nappereegerak.

Matiyut 5:22

yogondak an nen yokkirage logonet, Kit kinoreewi kinanini mban inoba piigwi kiinok perak, kinowak loonogo, Maluk eekotak onggo pinip o, yokkirogwe iyaamunggup o, yinuk, yokkiragi o. Kit ambi nen kinore ambi yogo logonet, Kat abu meek keegi o, yinuk, alom lek kagak yogwi kiinok ti, maluk aret yumunggup me, kinowak loonuwak nduk, it aap wone amburu mbanggo menggaarak wonogwe me, wokkiren nagun aret o. Kat abu wi yunduurak aret o, yogwi kiinok ti, kani omoonuk wunuk mban ari menggim time mambinagagun aret o.

Marakut 3:5

“Inogogun laakot yi, ai!” yinuk, at enegen abi inoorit nage nagagerik, aap eenggi kambak nogo yoge logonet, “Keenggi nggingget o,” yoge mbareegi, ngginggage nagagerik, eenggi obeelom aret agagerak.

Lukat 1:42

at oone nggwok paga ari logonet, “It kumi ando wonogwe iigak kwe, Ala ale'nggen kat mban koba wonage o. Ndi, kaagaluk kinikime wonage nogo kunduk, ale'nggen oba wonage o.

Epetut 4:26

Kinanini nen maluk eeriyak ti mage o. Ndi, kinanini wungge kagak oonegen kilu yi noorak ti mage mban.

1 Tamuwen 1:5

kwe Kana nogo perak, Aliku ALA nen ndariyak lek wubili agago pereegerak kagak kwe, iniki kundugu wonage me, mbanak nogo kumi mbere wogorogo mengga kwak nggwok aret wogoge nagagerak.