Wakkagagerak 30:17 - Ala Wone Peenok Peebi Mbanak

¹⁷ Ndi, at Leya tamban eereegerak nogo Ala aruk koneneegerak me, at Leya abila a'nuk, Yakup obaane'me wulaga ambi ndareegerak. Ti ndareegerak aagalogwe ineebe lambuk togon 5 aret agagerak.

Wakkagagerak 30:17 ပူးပေါင်းရင်းမြစ်များ

Wakkagagerak 30:16

yinuk, wonogwe me, at Yakup kiyoma yabume nen oome wage me, at Leya nogo imbirak lambumbunuk yoge logonet, “An nimbirak nogo yuurak onggo naagaluk elege ndaganaka iri'ngga kwaakerak pigirak me, yogondak oonikiya kat nimbirak nogo yuurak o.” Yoge mbareegi, ti eyom paga aret Yakup imbirak nogo yereegwaarak.

Wakkagagerak 30:18

Ndake nagagerik, at Leya nen ari logonet, “An nayeloman kolaga Tilapa waganogo nogonggelo wogogirak paga at Ala nen an naagaluk yi wo'negerak me, at endage ti, Itakat o,” yinuk, tooneegerak.

Wakkagagerak 30:22

Ndi, Ala nen Araken oba abeppege nagagerik, at Araken tamban eereegerak nogo Ala aruk konembunuk, “Araken yogondak elege ambi wogorikit,” mbareegerak.

Wakkagagerak 30:6

Ndake mbareegi, at Araken nen ari logonet, “At Ala nen, Kwe yi obeelom aret o, yinuk, naana'le mbanogo punuk, an tamban eekirak nogo Ala aruk konengge nagaarik, wulaga yi aret wo'negerak me,” ari nagagerik, endage Ndan aret tooneegerak.

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Lukat 1:13

at malayikat nogo nen, “Takariya wae. Kagabiti mbarugun o. Kat tamban eeke nagagindak nogo Ala muk aruk koneneegerak me, kakwe Elitabet nogo kapuluk ndakkirigin o. Ndakkege kenok, at endage Yaya aret toonenu o.

1 Tamuwen 1:20

Abeke mbareegi, logonuk negen kwe Kana nogo abila a'nuk, aagaluk aap aret ndake nagagerik, ari logonet, “An Aliku ALA nggino yogirak paga naagaluk wo'negerak me,” yinuk, endage Tamuwen aret tooneegerak.