Wakkagagerak 30:1 - Ala Wone Peenok Peebi Mbanak

¹ At Araken nogo nen ogonggelo Yakup obaane'me aagalogwe ambi abu ndaganaka'lek paga oweeluk eebi nen imbirak iniki ogoorak wonogo logonet, Yakup yoge, “An elege ambi mbet nda'niru o. Nda'nega'lek keenok, keraaket nen nggaruk togon aret kambigin o.”

Wakkagagerak 30:1 ပူးပေါင်းရင်းမြစ်များ

Wakkagagerak 29:31

Yakup nen kwe Leya iniki kunik lek wonage nogo at Aliku ALA nen kage nagagerik, aagaluk ndaruwak nduk, eeppereegerak kwe, Araken nogo perak, wubili aret wonagagerak.

Wakkagagerak 37:11

Yoge mbareegi, it at oweewi inikime nen, “Nit niigak at mban mippuurak ari ilik?” mbako logonet, mondok inanini agaket yogwe iigak, at ogoba perak, abi kagagerak nogo iniki nen liippunuk, abeke, koongge, eeke nagagerak.

1 Endagembogut 19:4

at Eliya nogo, o ne ambit weege paga nogo mengga kwak, o karume unggwi nage nagagerik, eyo lo alome kwi'na'nuk, kambikit mba'nuk, tamban eeke logonet, “Kaliku nogoba ALA wae. Nombomini abu eeppunuk, kambit nogogwaarak nogo kwe, an iya negen eeka'lek neegak teppanege agandik? Mage o. An togon abu eekirak me, kambikit nduk, niniki wamen o.”

Ayup 13:19

Aap ta nen, Ndogop eekendak o, yinuk, wone an noba paniyak mbakop? Maluk eekirak ambi abet aret wonage kenok, Noone lek logonet kambuurak op aret o.

Ayup 3:11

An nda'nage ti eyom paga kangge, Nagalo inikime nen wundi wage logonet, neebe lek age, Eereegibok Nonggop nduk nda'nagagi o?

Ayup 5:2

Aap wi negen iniki wakko'net unggwage paga eebe aret wakkolage, Ndi, aap iniki yunduurak nen, An eerikit lak at eeke, Ao, mbarit unggwage paga eebe aret wakkolage, Eeke menggerak o.

Ndawi 106:16

O karume inawooliya wurik nogogwam time logonet, “It mban eerit nogwe yi, ao,” yinuk, Muta ineebi mbakwi, Aliku ALA nen leenogo pereegerak Karun nogo ineebi mbakwi, Eeko mbareegwa,

Kini Wuppiige 14:30

Aap iniki ugun tayenak wonage paga eebe omaawi aret eerogo pege menggerak kwe, Aap ambi eeke paga, “An togon eerikit lak, at mban eeke, ao,” mbarit unggwage paga perak, owa'na nenet unggwage menggerak.

Kini Wuppiige 30:16

Kambunuk nogo menggam nen, “Abu aret waga,” mbake, Kwe wubili nen, “Abu aret ndaki o,” ari, Nggween nen, “Abu miin eerogo panegi o,” ari, Ndi, kani nen, “Abu aret nenggi o,” ari, Eekulik Uugwe mban mbako menggaarak ti aret.

Wone Alom Kibingga 4:4

Mbake nagagirik, aap yabu nggwiirit-nggwaarit eekwi, ndi, ineenggi amburu paga eerit nugwi, eekwi iinok, aap ambi nen, “It eekwi ti, an togon eerikit lak, it mban eekwi yi, ao,” yinuk, anini inombake ti paga at ndak-ndak eerit nage kagagirak. Ti eekwi ti kunduk, o wiya mugurok nogwe kwe, pigoorak meek kwak aanom warogo aret eekwi iyareegirak.

Linggineegwaarak 11:15

Aaninggin yogobi mban eeppanege logonet, irip paga maluk noba ariyak neebi me, nggarurogon kambikit nduk yogondak aret nabuwa nen nooru o,” yinuk, yoreegerak.

Linggineegwaarak 11:29

Yoge mbareegi, at Muta nen yoge logonet, “At nen nban yoraawak, nomba'nuk, ari agandik? An mbake logonet, At Aliku ALA Aberiniki it at apuri abok aret inoba wuppi woramenggerak paga aap Ala nen yorage kagak yorogo mengga kwak yuurak op aret mbake agaarik o.”

Yaya 4:3

Inaruk koneneegwaarak at Yetut eenu age nagagerik, at o Yureya teppunuk, o Nggalileya aret nagagerak.

Yaya 4:8

o kota nogome unggwi nogwe iigak, at alik aret wonage me, kwe Tamariya mendek ambi niyo tookkolaakit nduk, wagagerak. Wage mbareegi, Yetut nen at yoge logonet, “Kwe yi wae. Niyo naakit nduk, too'niriyak op ilik?”

2 Korindut 7:10

It iniki abet mbaka'lek mendek nen inamendek ambi lek age kenok, iniki wakko'net nogo nagaatik, irip paga kambit nogo menggaarak kwe, nit perak, Ala nen, “It iniki wakkolaawak,” mba'nuk eeppinanege nogo ti, nit maluk eekwi nogo niniki koombunuk, mbo pugwi niinok, Ala nen ninagap ndarogo nineenik logowok nduk, eeppinanege menggerak me, “It iniki wakkolaawak nduk, mbo pigibok eekirak ao,” yinuk, yigin lek aret o.

Nggalatiya 5:21

neebi-keebi yogwe, amburu nenok kumili-kumili agan nugwi, kwaanggen wappunuk inoone amburu paga kumi ugun-ugun eeginabit nugwi, ti mendek abok aret it eerit nugwi iinok, at Ala abu'me piige menggim nogome unggwi nagun mondok lek aret o, yinuk, aa'nduk yokkiragagirak nogo aret yokkiragi o, noreewi.

Titut 3:3

Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,

Yakobut 3:14

“Niniki warak aret,” mbakwi kwe, kinoreeluk ambi anini eeppogo logonet, worokot liinik agan nugwi, “An koongge mban eeriyak,” mba'nuk, agan nugwi, eeko logonet kwe, “Niniki warak o,” yinuk, wogoppatiyak ti, mage o. Togop agan nugwi paga Ala ndogop menggerak wone yugu kagak, abut laganggwi me, kit pilit pugunit nugwi aret kiigi o.

Yakobut 4:5

“Ala nen Aberiniki ninikime mambinaneegerak wonage kagak, niniki nengge nogo mugurok nogwe niinok, Aberiniki nogo nen, Ao, yinuk, iniki wakkolage menggerak o,” yinuk, Ala wone liiru mbaneegerak nogo ti, we mbaneegerak mbakop?

1 Tamuwen 1:10

iniki abu puru yinuk, le ari logonet, Aliku ALA yoge,