Wakkagagerak 3:5 - Ala Wone Peenok Peebi Mbanak5 Eyoonggen ti nunggwi kiinok, at Ala eenu menggerak pogom, maluk-obeelom eeriyak abok aret yelok kogo logomonggotik, kineenu ogwe kiyo nduk, yokkiragaarak o.” အခန်းကိုကြည့်ပါ။ |
Wakkagagerak 3:5
31 ပူးပေါင်းရင်းမြစ်များ
Pege nagagerik, at Aliku Ala nen, “Yi eyo ndi eyo abu obeelom eyoonggen-kalenggen ombat abe yit nage kenok, nonggo logowak o,” yinuk, igale awi abok aret mbilanogo wundit nawak nduk, eereegerak. Ndi, igale wundit nagagerak enggela'me oolo time eyo ambi ineenik aganaka inom, eyo ambi maluk-obeelom ineenu agak inom, laganeegerak.
Yoge mbareegi, aap Iterali inowe endagembogut nen it aap peebi eeriyak wone yoraga ineebe empat ratus negen kuwak eeppiige nagagerik, yorage logonet, “An o Aramot-Nggileyat time wim eeri noorak op aret ilik, puk ari a?” Yorage mbareegi, it nogo nen, “At kogoba nen kendagembogut keenggime pigin me, wim eeri noorak op aret o,” yinuk, yoreegwaarak.
Togop me, at Kitikiya nen inambokan lagangge, iniki nomoninake, eeke kero, wone yorage ti, abet mbarugwaarik o. An inom, nogobamini inom, nineenggime ogwe niyo, yi aakumi ndi aakumi inagugi ilik, aap ambi abu'me piinok menggerak a, non mbambinaniyak meek me, it kunduk, an neenggime age neyo, inogoba Ala nen an non mbambaniyak meek aret o,” yinuk, wone eerogo nappiya wagagerak.
“Aakumi nen ndarak yi wae. At Aliku Itok Menggerak ALA yegerak nogo yi o, yinuk, aap endagembogut Tirut mendek yoriyak nogo yi aret. At iniki tiyappake logonet, An ti, Ala kwak aret o. An nen niyo laut oolome Ala kwak logonet, wone lengganogo yorage minggim kwi'ndak wonage, ari menggerak o. An niniki warak at Ala kwak wonage, mbake menggerak kwe, at nogo ti, an Ala kwak lek aakumi aret kagak ari menggerak o.
Aliku Itok Menggerak ALA nen yegerak nogo yi o, yinuk, yoroorak nogo yi aret o. O Metit niyo nage elaganggen inikime time waalo kole ndenen wappunuk wonage kwak, Aap o Metit mendek inowe endagembogut Pirawun ti, nimbirak ogoorak aret agarik o. At nen ari logonet, Niyo Nin nogo ti, nage logorak an nen aret eerogo pateegirak me, Niyo ti, an namendek aret o, yinuk, yereegerak kwe,
It kawuri mippiinet nagagindak inarum waka inom, it o nggwok pippunuk unde menggaarak inom, kabu'me logonet wone lengganogo yoraga inom, kat kinom wone koongga inom, o nggwok abok unde menggaarak inom, nit abok aret nen, Yogondak kuli nen nok, nogo 30 yit nage kagak, aap ambit ambi aap endagembogut yoga'lek at lombok agugi a, aap alik a, alut eeke logonet, yeenggwaaruwak nduk, nggino yoge kenok, keele maarogo mbuun ambena singa wonogwe me time mbo wuppuwak o, yinuk, at ninowe endagembogut nen liiru mbanogo wumbuwak nduk, yori nawi o, yinuk, kat yokkiri wogo o.
It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.
It aakumi nen yi mendek ndi mendek mippunuk, “Ninogoba Ala aret o,” yinuk, ayuk wukwi, kugiwak ogobakkigirogo punuk, alut eekwi, eeko menggaarak abok aret, at mondok maluk lombok eeka nogo nen tebenogo piinok, at alik tiyappake logonet, Ala awi wurik me mi'nari unggwage logomenggerik, “Kinogoba Ala an aret o,” yinuk, yorage logogin o.
At nggeewo aa'nduk lagi wagaarak oone kiliregerak paga, eerubok mendek iya tit eerit nage logonet, “Nggeewo negen ambi mbuti tege paga wakaarak kwe, eenik agaarak nogo, ogut wakkagak ambi ogobakkigirogo punuk, at mban alut eeko logonip o,” yinuk, it aakumi nggween paga wonogwe nogo inambokan lagangge logonet, yorage kagarak.
Ndi, waalo nggwok nogo nen at nggeewo negen niyome nen wundi wagaarak nogo, awone kiliregerak me, waalo nggwok nogo tiyappunuk, alut eekwi, ndi, nggeewo nogo kunduk alut eeko logonet, “Nggeewo yi kokwak ambi wonogwe mondok lek me, taani nen at inom wim namburiyak mbakop? Mondok lek aret o,” yinuk, at tiyappugwi, eekwi iigirak.
ကြော်ငြာတွေ