Wakkagagerak 3:24 - Ala Wone Peenok Peebi Mbanak

²⁴ wumbiige nagagerik, ti'nuk, o Eren yabume tu unggwogo menggam oonegen wundi wage menggim pa'nggwe nogome, tum wako logowak nduk, at Aliku Ala nen malayikat negen kerub piige, ndi, eyo ineenik eeginake menggerak alome nogo menggam time aakumi nogwe iyo, paloowi kani omoonuk pogom nappegak-wappegak eeke logowak nduk ambi pege, eereegerak.

Wakkagagerak 3:24 ပူးပေါင်းရင်းမြစ်များ

Wakkagagerak 3:23

at Aliku Ala nen aakumi nogo o Eren yabume nen mugogo wumbiige logonet, “Kit kineebe nggween mendek aret me, nggween ti paga logonet, kineyabu eekkologo logomunggup o,” yinuk,

Wakkagagerak 4:1

At aap Aram akwe Kawa imbirak nogo yege logonet, kwe nogo abila age nagagerik, aagaluk manggu wulaga ndareegerak. Ndake nagagerik, “At Aliku ALA nen yeenggwa nege kagak wulaga yi ndaki o,” yinuk, endage Kayin tooneegerak.

Wakkagagerak 4:14

Ndi, an yime nen kat kenggaawak paga logorak lek, nomba'nuk mugogo wumbanegendak me, neebe o ambi me teberogon wonage lek we yaluk-ndaluk aret nege neenok, aakumi ninom aabuk a'nuk, ugun aret nooko logogun kagi o.”

Ndawi 104:4

O wiya ti, koone wonok nega eerogo piige, Kani omoonuk ti, kayeloman mini negen eerogo piige, Eeke menggendak o.

Ndawi 80:1

Kat Iterali ndegeninaka. Ninoone yokkugwi yi, karuk liirogon konengge, It Yutup paga wiganak ndomba negen ndegeninaka, Kerub aru-ogwe kagak oolo kwi'ndak wonage yi wae. It Eparayim inom, Mbeniyamin inom, Manate inom, Kat kabinak inoba pindanogo piige, Komaawi a'nuk, pilak ari logomenggendik, ninagap ndari wage, Eeru o.

Ndawi 99:1

At Aliku ALA endagembogut aret o. Endagembogut aret me, Yi aakumi ndi aakumi inaganak wake, Malayikat negen kerub aru-ogwe iigak, Oolo at wone lengganogo yorage menggim wonage kenok, O nggween yi, nuk-nuk ari, Eeruwak o.

Wundeegwaarak 25:2

“It aakumi Iterali mendek inalitik-inalitak iniki nen wo'niriyak eeginake kenok, an nake leenogo pani woraawak nduk, yoramenggendak,

Yetikiyen 10:1

Ti'nuk, it malayikat negen kerub inirimbaga o oolo taati wone lengganogo yorage menggim negen yugum permata laturit kwak wonage kagagirak.

Yetikiyen 31:11

An abu tiyanak aret kagi, mba'nuk, iniki wogoppateegerak me, at eyo ti, maluk eereegerak onggo ndak-ndak eeppuwak nduk, it aakumi inanebunu lombok wonogwe inenggela'me aap ambi omaawi tiyanak lombok menggerak nogo, eenggime pereegirak o. Eyo ti, an nen mbo pege mbareegi,

Linggineegwaarak 22:23

Ala ayonggo malayikat nogo nen wooluwak nutik aru non mbambunuk wonage nogo keledai nen enegen kage nagagerik, ena nomok togon yabu yarak me unggwage mbareegi, at Mbileyam nen tu paga mot-mot woraawak nduk, yawi nggwiirit wareegerak.

Yaya 14:6

Yoge mbareegi, at Yetut nen, “Ala kineenu ariyak tu inom, Ala ndogop menggerak, paganogo yokkirage inom, ndi, kineenik eekkinake minggirak inom, ti an mban aret o. Ala kineenu ariyak nduk tu an paga wogwe lek kenok, an nogoba owagam namunggup lek aret o.

Iberani 1:7

ndi, ti'nuk, it malayikat eeko menggaarak nogo mbiningge logonet, “It an nayonggo nugu menggaarak malayikat nogo, o wiya pogom agago piige, Ndi, it an nayeloman mini nogo, kani omoonuk kwak eerogo piige, Eeke minggirak o,” yinuk, mbiningge, eereegerak kwe,

Yotuwa 5:13

Ti'nuk, at Yotuwa nogo o Yeriko panggorogon ari woraanuk, enegen ni'nage nagagerik, aap ambi wooluwak eenggime nutik at enaame mi'ndak wonage kagagerak. Kage nagagerik, owagam nanuk, aap nogo yoge logonet, “Kat ninore mendek ilik? Ninawim mendek a?”

1 Tamuwen 4:4

Yogo nogogwaarik, at Ala aloobut mbanak irip-irip malayikat negen kerub ogut ogobakkigirik kagak, oolo time at Aliku Omaawi Lombok Menggerak ALA wone yugu yonggolak nogo aakumi Iterali nen wa nawak nduk, nappiigo mbareegwa, aap Eli apuri ineebe mbere, Kopini Pinekat imbirak nogo inom nen wonok wogogwaarak.