Wakkagagerak 3:18 - Ala Wone Peenok Peebi Mbanak

¹⁸ Ndi, nggween pulunogo pigirak yi paga igale inom, iri'ngga-kale'ngga alok warak mendek inom, kat kake wundemenggerak me, kambi-mbiingga ti, iri'ngga-kale'ngga ti aret nengge logomunggun o.

Wakkagagerak 3:18 ပူးပေါင်းရင်းမြစ်များ

Wakkagagerak 3:17

Yoge nagagerik, at Aliku Ala nen aap nogo yoge logonet, “An nen, Eyoonggen yi noorak mage o, yokkigirak kagak, kat kakwe oone konembunuk, nenggendak paga nggween yi pulunogo pigirak me, awo kangga'lek keenik logonet, yabu anggon-panggon agago punuk, yake logomenggendik, anggen mbanogo nenet nage logomunggun o.

Wakkagagerak 3:19

Ndi, yabu ligak wuundamo eeppunuk kambi-mbiingga nengge logonet aret kangge logomunggun o. Kat keebe nggween mendek paga aret wakkagak agago ogobakkigikkakirak me, kangge logomenggendik, kiyokan nggween aret age logomunggun o,” yinuk, yoreegerak.

Ayup 1:21

Alut eeke logonet, “Nagalo inikime nen we nagap mbelanak nda'nagagirak me, Kambunuk, we nagap mbelanak aret nagin o. Kaliku ALA nen wo'nege, Kaliku ALA nen mban wogonake, Eekendak me, Kaliku ALA kendage mban tiyappege logokit o,” yinuk, yoreegerak.

Ayup 31:40

Gandum obaane'me alok mban lagangge, Gandum kwak jelai obaane'me wola mban nik ari, Ee'netak o,” yinuk, at Ayup wone age yobonogo yoragagerak ti aret.

Ayup 5:5

Ineyabume anggen mbanak nogo aakumi mbi abu nen lek eerogo nunggwi, Iri'ngga alok enggela'me wonage kunduk, kalirubu pup eerogo nunggwi, Niyo abu eeginake menggi kwak, inamindik-inamendek kolaawok nduk, uugwe mbarit nugwi, Eekwi iigirak o.

Ndawi 104:2

Kabinak paga keebe lenggembatinuk wonage, Yum tabak paga ooliya lenggenogo punuk mengga kwak, Kat togop aret mbogut mbiganogo punuk wonage,

Ndawi 90:3

Tahun seribu eerit wage nogo ti, o ne ambit weege kwak kage, Ne ambit oonikiya paga tum wako mengga kwak kage, Eeke menggendak me, Kat nen aakumi inagabolo nogo Iniyokan nggween ari nawak nduk yorage logonet, “Aakumi inapuri yi wae. Kiniyokan liirubu ari nanip o,” Yinuk, yorage menggendak o.

Kini Wuppiige 22:5

Aap maluk mendek inaru nogo menggam alok-palok inom, keele pugu inom, wonage kenok, Aap ambi iniki tum wakkolaga nen tu ti paga naga'lek mbagangge menggerak.

Kini Wuppiige 24:31

Alok-palok mban laganggerak wonage, Yabu eeko menggam iri'ngga mban kunogo pegerak wonage, Yugum yagat wurik langgu-langgu aago wonage, Eerak nenegen kagarak o.

Yetaya 5:6

Neyabu anggur awi yarak nogo anggup mbanogo nagabit nage, mogot mbanogo pit nage, Eerigin lek nggween nggwi-nggwi mban eerogo piminggirak me, Nggonggoondu penggaarogo pege, alok-palok mban lagangge, Ndugwi nen o mayu wuppi wage kero, Mage, yoriminggirak me, nggween mbuk age, Eerigin o,” Yegerak me, yokkiragi.

Yetaya 7:23

Ne ti eyom paga eyo anggur ero seribu onggo wu mbuti perak seribu paga kuniyak yarak wonagam time iri'ngga alok-palok inom, kugeele inom, ti mban niik yigin o.

Yetaya 7:24

O time iri'ngga alok-palok inom, kugeele inom, ti mban niik yigin me nogome it aap nen ineegin-inomaale ko'nok time mban nogo logogun o.

Yeremiya 12:13

Naliku ALA nanini kani kunik negen inoba piige me, It an napuri nen gandum awi yumbunogo pegaarak kwe, anggen abe yege lek iri'ngga alok-palok mban lagangge, It yabu ta'liila eekaarak kwe, anggen maluk mban yege, Eeke paga Inenggali mbakak nugu agaarik o,” yinuk, yegerak o.

Yeremiya 4:3

At Aliku ALA nen it aakumi Yekura mendek inom, kota Yerutalem mendek inom, yoroorak yegerak nogo yi aret. “Alok-palok wonage me awi yumbunit nugwi ti, mbo punuk, Inanggween pena wonage nogo eeri ungguwak o.

Matiyut 13:7

Ndi, ando iri'ngga alok-palok me wambit nagagerak. Iri'ngga alok-palok me wambit nagagerak nogo ti, mbilaneegerak kwe, alok nogo lagangge logonet, mbanogo wurabeegerak.

Oroma 14:2

Aap ambi nen iniki abet mba'nuk, “Yi mendek ndi mendek ugun noorak op aret,” mbake nagaatik, nengge menggerak kwe, at ambi nen iniki abet mbake nogo awo kole aga'lek me, “We mbi-mbiingga mban naakit,” mbake nagaatik, nengge menggerak.

Iberani 6:8

wola inom, alok inom, mban lagangge kenok perak, Ala nen, “Nggween yi, abu maluk me, pulunogo punuk, kani kumbikit o,” yinuk, mbake menggerak.

Yotuwa 23:13

at Aliku kinogoba Ala nen aa'nduk a'nuk yi aakumi ndi aakumi ti, mugogo wumbiyaagin lek o. Ata, it aakumi ti nen kit kinenggaanok nggerenggoorak nduk, keele pugu pogom, ta'na pugu pogom, kinambokan paga ya'mbiran nggora eerogo kinooriyak pogom, kinigen paga poondo alok ngguurik pogom, eerogo pinagagwi iigak, at Aliku kinogoba Ala kinanggween obeelom wokkiragagerak yi paga nen kit kineebe lek ogo logomunggup o.