Wakkagagerak 3:17 - Ala Wone Peenok Peebi Mbanak

¹⁷ Yoge nagagerik, at Aliku Ala nen aap nogo yoge logonet, “An nen, Eyoonggen yi noorak mage o, yokkigirak kagak, kat kakwe oone konembunuk, nenggendak paga nggween yi pulunogo pigirak me, awo kangga'lek keenik logonet, yabu anggon-panggon agago punuk, yake logomenggendik, anggen mbanogo nenet nage logomunggun o.

Wakkagagerak 3:17 ပူးပေါင်းရင်းမြစ်များ

Wakkagagerak 3:11

Yoge mbareegi, at Aliku Ala nen, “Kat kagabeewak yirik lek kagap mbelanak ta nen keenu eeppagagerak? Eyoonggen noorak mage, yokkigirak nogo kagak nengge nagandik, wonage agandik?”

Wakkagagerak 3:18

Ndi, nggween pulunogo pigirak yi paga igale inom, iri'ngga-kale'ngga alok warak mendek inom, kat kake wundemenggerak me, kambi-mbiingga ti, iri'ngga-kale'ngga ti aret nengge logomunggun o.

Wakkagagerak 3:6

Yoge mbareegi, at kwe nogo nen eyo ti pekkage nagagerik, abu obeelom aret mbareegi, “Anggen yugu ti, noorak op aret o. Ndi, nengge neenok, yi wone ndi wone abok aret neenu arigin,” mbake nagagerik, eyoonggen nogo aret mbanogo nenggegerak. Nengge nagagerik, ando aap nogo wogoge mbareegi, aret nenggegerak.

Wakkagagerak 5:29

Ndake nagagerik, “At Aliku ALA nen nggween pulunogo pereegerak nogo paga yabu eerit nogo logonet, andi-pandi ee'ninake nogo yeenggwa nirage logowak nduk, nda'nagaarak me, endage Nu aret o,” yinuk, tooneegerak.

Wakkagagerak 8:21

Nogo warogo kani kuneegerak obari Aliku ALA ogobak me nage mbareegi, iniki ale'nggen age nagagerik, iniki nen mbake logonet, “It aakumi yi, wologwe-mbuulogwe paga nen maluk eeriyak koonggo logogun aret kwe, koonggwi iinok, an nen o nggween paga yime pulunogo piigirak kokwak, peebi togop ambi pulunogo piinok, maluk eeppiige logogin abu lek o. Ndi, yi mendek ndi mendek ogobakkigireegirak ineenik nugu menggaarak mendek yogondak inookirak kokwak peebi togop ambi inoorigin mondok lek o.

Ayup 14:1

Kumi nen ndaganakaatak aakumi nogo ti, Inomaawi lek ndarak iigak, ineenik kuwagaluk aret me, Aaninggin inoba kagak nugu menggaarak o.

Ayup 21:17

Togop aret inombake kwe, Aap maluk eeka inandi ti, awo kagak noguk ari, Ala anini inombake logonet, Aaninggin inoba eeppiyoorak punik nogo, inoba ari wage,

Ndawi 127:2

It aap Aliku ALA iniki kunik eeginake nogo, Nogo yugwi iigak, inambi wogorage menggerak me, Kit kinambi noorak kwaakkologo logonet, O kuubondendok kineenik a'nuk, Yabu ta'liila eekwi tit kiigak, O kiip age kenok, kiname nogo yi unggwogwe ti, We aanom warogo aret eeko monggotak o.

Wone Alom Kibingga 2:11

An neenggi paga nen eerit nagagirak nogo abok aret maloppege, Ligak wuundamo eeke nagagirak nogo abok aret liippege, Eeke nagagirik, “Ti abok aret o wiya mugurok nogwe kwe, pigoorak meek kwak aanom warogo aret eerit nage kage, Oonegen abu'me logonet, eerit nogwe paga ambi kologo mengga kwak lek we aret eeke, Eekirak kagi,” mbareegirak.

Wone Alom Kibingga 2:17

Oonegen abu'me logonet, eerit nugwi nogo liippit ungguurak anggon lombok ee'nabeegerak me, neenik wonage logorak neebi lombok mbareegirak. Mbake logonet, yi eekak ndi eekak eerit nugwi abok aret ti, o wiya mugurok nogwe kwe, pigoorak meek kwak we aanom warogo aret kagagirak.

Wone Alom Kibingga 5:17

Inale'nggen lek yumaak aago logonet, iniki piirik wonogwe, andi-pandi kogwe, inanini mban mbakwi, Eerit wogwe iigak, It nda'nogogwaarak ne nogo lek aret ari nage menggerak.

Matiyut 22:12

yoge logonet, Wulaga. Laago nunggo logonet, yum yiko menggaarak nogo mendek kat yirik lek nonggop nduk yime unggwi wagandak? Yoge mbareegi, aap nogo oone lek puk agagerak.

Matiyut 25:45

Yo'nogo mbaremengga, an nen it yorage logonet, Lek o. Kit nen it aap maluk-malak mendek yi, togop eeginaka'lek wonogogutak nogo ti, an aret ee'naka'lek wonogogutak o, yinuk,

Lukat 19:22

Yoge mbareegi, ogoba nen ayeloman nogo yoge logonet, An eeriyak yokkege kwe, noone tagangge menggendak kat nayeloman yi, koone yagandak nogo paga kenggali wappagi o. Nogogumbuk logonet, puulik kwe, wagangge, ndi, awi yumbunulik kwe, anggen yugu mbanggolage, eeke minggirak kat keenu menggendak kwe,

Yaya 16:33

Wone yi yokkiragi nogo ti, an ninom kunik logonet, kiniki ugun tayenak lombok logobagip nduk, yokkiragi o. It aakumi nggween paga yime menggaarak mendek nogo nen piyakkinako logogun kwe, it o nggween paga yime inomaawi menggaarak nogo muk tebenogo piigirak me, kiniki kwippunuk, nu'lek logonip o,” yinuk, yoragagerak.

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.

Iberani 6:8

wola inom, alok inom, mban lagangge kenok perak, Ala nen, “Nggween yi, abu maluk me, pulunogo punuk, kani kumbikit o,” yinuk, mbake menggerak.