Wakkagagerak 29:8 - Ala Wone Peenok Peebi Mbanak

⁸ Yorage mbareegi, it nen wone onggo yogo logonet, “Nit togop eekulik o. Ata, kambin-ndomba nogo abok aret yime kuwak ari wogwe iinok, nggween kabunik ambe yugum narak nogo paarogo punuk, ninaanggumi niyo toologo wogorogo monggoorak o,” yoreegwaarak.

Wakkagagerak 29:8 ပူးပေါင်းရင်းမြစ်များ

Wakkagagerak 29:3

Kambin-ndomba abok aret kuwak ari wogwe iinok, it ndegeninako menggaarak mendek nen yugum nggween kabunik ambe narak nogo paarogo kambin-ndomba nogo niyo toologo wogorogo nagaatik, abu nunggwi iinok, kabunik ambe nogo yugum obaane'me nappugwi, eeko nogogwaarak.

Wakkagagerak 29:7

Yogo mbareegwa, at Yakup nen it yorage logonet, “Wologo wae! Kambin-ndomba niyo wogoroorak o awo kagak wogoren wogotak me, niyo nunggwi iinok, iri'ngga ambinom mbanogo nawak nduk wogoren nanip o.”

Wakkagagerak 29:9

At Yakup it inom wone awo mbangge wonage me, kolaga Araken nogo ogoba aanggumi wogoren nege menggerak me, niyo nawak nduk, wogoren wagagerak.

Wakkagagerak 34:14

“Nit ninawurilogwe nen aap inagabolo mbana'lek mendek wogonaburak op yogwe niinok, ninendage maluk arukwak me, Ninawuluk kolet o, yokkiriyak meek kwe,

Wakkagagerak 43:32

Yorage mbareegi, at Yutup ayeloman mini nogo nen Yutup alik kwippugwi, Yutup oreewi nogo inalik kwippiigwi, ndi, it aakumi Metit mendek nen aap Iberani mendek inom lambunik mbi nunggwi kenok, inogole mbako menggaarak me, it Metit mendek inalik kwippiigwi, eereegwaarak.

Marakut 16:3

Nogo logonet, “Yugum narak nogo ta nen laganogo pinanigin o?” yinuk agan wogo nogogwaarak.

Lukat 24:2

Nogo nogogwaarik, yugum tu narak nogo pelenogo nappereegerak kogo nogogwaarik,