Wakkagagerak 29:4 - Ala Wone Peenok Peebi Mbanak

⁴ Togop eekwi wonogwe me, at Yakup nen iya nage nagagerik, yorage logonet, “Noreewi o. Kit nggeeme mendek o?” Yorage mbareegi, it nen, “Nit ninawi Karan mendek aret o.”

Wakkagagerak 29:4 ပူးပေါင်းရင်းမြစ်များ

Wakkagagerak 11:31

Ne ambi paga at aap Tera nogo nen o Kanan naakit nduk, at aput Abaram wagangge, at ombooluk Karan apuluk Lot nogo wagangge, ayinggelo Abaram akwe Tarayi nogo wagangge, eeke nagagerik, aakumi Katirim iname yaga'lelo Ut nogome mbo punuk, o Karan time aret ari nanuk, nogome mondok puk aret ogogwaarak.

Wakkagagerak 24:10

Owak mbangge nagagerik, at ayeloman nogo nen at ogoba aanggumi unta ineebe 10 wogonake, at ogoba amindik-amendek etenggen alitak onggo nggwok nogo wagangge, eeke nagagerik, ya nogo yegak o Aram-Metopotamiya o omarip paga pa'nggwe o tini Abarakam awot Nakot menggim nogome aret nagagerak.

Wakkagagerak 27:43

an yokkege yi aret konembunuk eeru o, naagaluk.” Ari nagagerik, “Kat yogondak aret an noweeluk Laban o Karan wonage me time aret mbet-mbet nak o.

Wakkagagerak 28:10

At Yakup nogo o Mberetiyeba teppege nagagerik, o Karan naakit nduk aret nagagerak.

Wakkagagerak 29:3

Kambin-ndomba abok aret kuwak ari wogwe iinok, it ndegeninako menggaarak mendek nen yugum nggween kabunik ambe narak nogo paarogo kambin-ndomba nogo niyo toologo wogorogo nagaatik, abu nunggwi iinok, kabunik ambe nogo yugum obaane'me nappugwi, eeko nogogwaarak.

Nappiigak 7:2

at Tepanut nogo nen, “Nogobamini inom, noreewi inom, kinaruk logonip o. Ninombo Abarakam o Karan waga'lek logonet, awo o Metopotamiya wonage me, at mondok tiyanak menggerak Ala nogo nikka wage nagagerik, Abarakam yoge logonet,

Nappiigak 7:4

Yoge mbareegi, at Abarakam nogo aakumi o Katarim iname nogome mbo punuk, o Karan puk ari wagagerak. Puk ari wagagerak wonage me, ogoba kambeegerak. Kangge mbareegi, yogondak nit wonogwe me yime Ala nen aret nappi wagagerak.